Jerimaya 20:11 - Ika

¹¹ “Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Jerimaya 20:11 Iomraidhean Croise

Ẹbụ-ọma 129:2

“E mẹọlẹ wẹ m ihiẹn bu ọda gha ẹhụ nwa-ndu m lala, kanị, wẹ eke saẹka mẹri m.

Ẹbụ-ọma 35:26

Ndị ile gi nsọngbu m a mụ m ẹmụ ifẹnrẹn ya mẹ wẹ; w'a marịnzịlẹ hụn w'e mẹ. Ndị ile rị a nyannị m isi, wẹ jeri ụya lẹ ịfa kẹ ẹkwa.

Ẹbụ-ọma 40:14

Ndị ile chọkọ nị wẹ gbu m, ifẹnrẹn ya mẹ wẹ, w'a marịnzịlẹ hụn w'e mẹ; ndị ọ rị a sụọ nị wẹ tikpọ m wẹ gi ifẹnrẹn kin azụụn.

Ẹbụ-ọma 47:2

Makẹni, Osolobuẹ, Onyẹ hụn kachanrịnnị, rị egun; Eze ndị-nze k'ọ wụ elu ụwa ile.

Ẹbụ-ọma 6:10

Ifẹnrẹn k'e mẹgbu ndị-iṅẹnrẹn m, ezigbo egun a bịa wẹ; e gi wẹ ifẹnrẹn gbakin azụụn.

Ẹbụ-ọma 65:5

Chuku hụn a zụọpụhanị ẹnyi! Y'a rụnsọnmẹ ihiẹn bu ọda a tụ ẹnya i gi a ghọsị ẹnyi n'ị hụ a; ịyụ kẹ elu-ụwa ile rị e lee ẹnya, kẹ ndị rị nfetu ohimin tegbu enwẹn ẹ.

Ẹbụ-ọma 66:5

Bịa nị d'e lee ihiẹn Osolobuẹ rụn; ọrụn a tụ egun ọ rụnnị ịhịan!

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 45:16

Ifẹnrẹn lẹ ịfa k'a rịnị ndị ile a pịn mmọn; uwẹ ile k'a fa.

Jerimaya 1:18

Tannị, e mẹgụọ m'ị wụrụ obodo wẹ tụnhunmẹ mgbọn zeni lẹ adansụn igwe lẹ mgbọn wẹ gi igwe-bronzu mẹmẹ, hụn k'e turu sọn ndị alịnị ile dọ — kẹ ndị-nze k'a kịsọnmẹ alịnị wụ Juda kẹ ndị-isi ẹ kẹ ndị nchụn-ẹjan a kẹ ndị alịnị ile.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 1:8

Atụkwọlẹ egun wẹ, nị m k'a nọyeni i, zụọpụha ị.” Ya kẹ Osolobuẹ ku.

Jerimaya 15:15

“Osolobuẹ, y'a marịngụọ ihiẹn ẹnya rị a hụn m; dodo, nyanhan m, n'ị hụn ụzọ lepụ m ẹnya. Mẹgwarịnị m ndị rị e kpokponi m. Anịkwọlẹ wẹ gbu m ebe ị rị e gi ndidin e sọn wẹ; nyanhankwọ mkpari m rị e gi ufiri i a narịn.

Jerimaya 15:20

M k'e mẹdẹ i wụrụ ẹhụ-ẹjan ebe ndịnị rị, ẹhụ-ẹjan igwe-bronzu zegbu enwẹn ẹ. Wẹ k'a lụsọn i ọgụn, kanị onwọnni ihiẹn wẹ k'a saẹka mẹ i, makẹni m nọyeni i anọyeni — m k'a gbapụha ị; m k'a zụọpụha ị — Ya kẹ Osolobuẹ ku.

Jerimaya 17:18

Ifẹnrẹn ya mẹgbu ndị rị e kpokponi m, ka anịlẹ mmẹ nwẹn fa; rọn wẹ egun, ka anịlẹ egun tụ m. Mẹ nwan ogẹn nsọngbu kunrun wẹ, y'e tikpọ wẹ ru alị!

Jerimaya 22:22

“Ufere jẹnkọ d'e buru ndị-isi ụnụ, wẹ k'a kpụnrụn ndị ọwụ ụnụ ụnụ gi dọn ẹnya shi alị ọzọ. Ogẹn ahụn ụnụ a fa, ifẹnrẹn e mẹ ụnụ makẹ njọ ile ụnụ mẹ.

Jerimaya 23:40

M k'e mẹ ụnụ fa jẹnrin ejẹn, gbe ifẹnrẹn hụn wẹ jẹnkọlẹni d'a zọ ye ụnụ ihun.’ ”

Jerimaya 32:18

Y'e gi ihiẹn-ọsụsụọ e sọn ndị e sọnn'i d'e rudẹ agbọ nnụ-uku ole-lẹ-ole, e gizikwọ njọ ịhịan e sọn ụmụ a. Ịyụ wụ Chuku hi-ogbe, Chuku hụn nwọn ikẹn ọda-ọda, hụn ẹfan a wụ ‘Osolobuẹ ihiẹn ile rị okpuru ẹ’.

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.