Jerimaya 2:8 - Ika

⁸ Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 2:8 Iomraidhean Croise

Ndị-nze Nke Ibuzọ 18:22

Ya Ẹlaịja nọzị sị wẹ, “Mmẹ sụọ wụ nwan onyẹ-amụma Osolobuẹ họdụnị, kanị ndị-amụma Baalụ rị iri-kwasị-ọgụnnaị kwasị nnụ (450).

Ndị-nze Nke Ibuzọ 18:29

Ẹrịra kẹ wẹ mẹ ẹ, anwụn e we rọma, e busọnmẹ wẹ ẹka wẹ bukọ, o rumẹ ogẹn hụ Izrẹlụ gi a chụnnị Osolobuẹ ẹjan-ẹnyasị, onwọnkwọnị ihiẹn mẹni, onwọnni onyẹ shịarịnị, onwọnni onyẹ gọn ntịn.

Ndị-nze Nke Ibuzọ 18:40

Ya kẹ Ẹlaịja nọ sị, “Kwọndọn ni ndị-amụma Baalụ! Anịkwọlẹ ni kaka akpụ onyẹ ohu gbapụ!!” Ndị hụ nọ kwọndọn wẹ ile, Ẹlaịja nọ we wẹ shi Ọdanmgbugbu Kishọnụ, nọ ebẹhụ gbu wẹ.

Jobu 35:10

Kanị onwọnni onyẹ a sị, ‘Elebe kẹ Osolobuẹ keni m rị? Elebe kẹ onyẹ hụn e ye ịhịan ẹbụ imẹ abalị rị?

Azaya 28:7

Ndịnị hụzị a hanfie ụkụ yeni manya, wẹ hụzị a kpọgburusọnmẹ yeni manya: kẹ ndị nchụn-ẹjan kẹ ndị-amụma hụzị a hanfie ụkụ yeni manya; manya ara nịzị wẹ marịn ihiẹn wẹ rị e mẹ; wẹ hụ e ruehunmẹ — a hụnfie ọhụn, a hanfie eṅẹn.

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 30:5

ifẹnrẹn jẹnkọ d'e mẹchanrịn onyẹ ọwụlẹ, hụn wẹ gi danbemẹ alị nwọnlẹni erere o k'a bannị wẹ, alị nwọnlẹni ẹka o k'e yeni wẹ mọbụ ihiẹn rị mma o k'e mẹni wẹ, alị k'e buhẹni wẹ ifẹnrẹn lẹ ịfa sụọ.”

Jerimaya 10:21

Ndị-ndu ẹnyi enwọn uche — w'a ra jụ Osolobuẹ uche ẹ; ya haịn ihiẹn gilẹni a rịnị wẹ nwan mma, ndị wẹ rị e du a gbayịyagụọ.

Jerimaya 12:10

Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 2:11

o nwọntughọ alị latọ mmọn wẹ femẹ ọzọ? Ọsụọn'a nị mmọn ndị ahụn ẹlẹ ezigbo ẹ. Bụ ndị nke m a latọgụọ mmẹ hụn wụ ọghọ wẹ, gi mmọn nwọnlẹni isi nọkin ẹnya m.

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 7:8

Ka lee ẹ nwan, ụnụ hụ e gi ntụ hụn jẹnkọlẹni d'a bannị ụnụ erere e dọn ẹnya.

Jerimaya 9:14

Kanị a gba wẹ isi-akwanran kẹ obi wẹ dọn gwa wẹ, fesọnmẹ Baalụ kẹ ndị nẹdi wẹ dọn kuzi wẹ.

Izikẹlụ 22:26

“Ndị nchụn-ẹjan a e wiwichanrịngụọ Iwu m rị wẹ ẹka, mẹrụ ihiẹn m ile rị nsọ; onwọnzini ihiẹn rị nsọ lẹ ihiẹn-mmaka ẹnya wẹ; w'a ra kụzizi n'o nwọnghọ ihiẹn rụnị lẹ ihiẹn rụlẹni; achọzịnị wẹ nị wẹ marịn nị m tumẹsọnmẹ Ogẹn Ezumikẹn ichẹn-ichẹn, wẹ hụ e gi wẹ ile e budan m imẹ igunrun wẹ.

Izikẹlụ 34:2

“Nwa-ịhịan, bu amụma, ku ihiẹn k'e mẹ ndị-ndu Izrẹlụ; bu amụma sị wẹ wụ ndị-ndu: Osolobuẹ Nwọn Ihiẹn Ile sị: ‘O k'a jọ ndị-ndu Izrẹlụ njọ, nị enwẹn wẹ sụọ kẹ w'e lepụ ẹnya! Ẹlẹ anụ kẹ ndị e du anụ k'a gha e lepụ ẹnya?

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Habakọkụ 2:18

“Elee erere kẹ mmọn wẹ kpụ bandẹ, ebe o mẹni ịhịan kpụ a? Ẹlẹ ihiẹn mmaka wẹ kpụ hụn e dufie ịhịan k'ọ wụ? Onyẹ hụn kpụn'a gi ihiẹn ẹka a mẹmẹ e dọn ẹnya, bụ ọ kpụhụ ihiẹn ghalẹni e ku oku.

Matiu 16:26

Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?

Luku 11:52

“Nsọngbu rị e che ụnụ ndị-nkuzi Iwu! Ụnụ e wepụgụọ isafịn amamihiẹn: ụnụ lẹ enwẹn ụnụ abanyeni, ụnụ eyeni ndị rị a banyeni efe banye!”

Jọnụ 16:3

Wẹ jẹnkọ d'e mẹ ẹ makẹlẹ amarịn wẹ Chuku-Nẹdi, amarịn wẹ m.

Jọnụ 8:55

bụ ụnụ amarịn a; kalẹ mmẹ nwẹn a marịnghọ a. M sị amarịn m'a, a wụrụ m onyẹ ntụ kẹ ụnụ; kanị a marịnghọ m'a, ihiẹn ọ sị m mẹ kẹ m'e mẹ.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.

Ditrọnọmi 33:10

Ọ rị nwan a kuzi ebọn Jekọpụ ụzọ ị, a kuzi Izrẹlụ iwu i. Ọ chụnyesọnmẹ n'i ẹjan nsẹnsi, a chụnyen'i ẹjan w'a dụn ọkụn elu ukpo nchụn-ẹjan ị.

Samuẹlụ Nke Ibuzọ 12:21

Ejẹnkwọlẹ ni d'e femẹ mmọn-lẹ-iyi ndị ahụn nwọnlẹni erere wẹ ban. Onwọnni ihiẹn rị mma wẹ k'a saẹka mẹni ụnụ, asakọ wẹ ẹka gbapụha ụnụ, makẹni onwọnni erere wẹ ban.

Samuẹlụ Nke Ibuzọ 2:12

Ụmụ Ẹlaị ndị nchụn-ẹjan e mẹkẹ eje-ịhịan; onwọnni ihiẹn wẹ kpọ Osolobuẹ.