Jerimaya 2:7 - Ika

⁷ Mmẹ wẹhẹ ụnụ alị e mẹ ihiẹn ọda-ọda, kẹni ụnụ ri mkpụrụ a lẹ ihiẹn rị mma o mẹ. Kanị ụnụ a banhan alị m nwẹn, mẹrụ a, mẹ ukuu m họnrin ihiẹn rụnị.

Jerimaya 2:7 Iomraidhean Croise

Nehemiah 9:25

Wẹ nọ mẹri obodo ichẹn-ichẹn wẹ tụnhunmẹ mgbọn, weri wẹ, lẹ alị bu ọda e mẹ ihiẹn-ugbo; e werisọnmẹ wẹ ụlọ ihiẹn ichẹn-ichẹn rị mma jun lẹ ọmị ndị hụ gutọ lẹ ugbo-vaịnị rịsọnmẹ alị hụ lẹ ugbo-olivu lẹ osisi bu ọda hụn a mị mkpụrụ. E rijun wẹ ẹfọ, ẹhụ wẹ a pụha; okẹn-ọhụnma ị rị e mẹni wẹ hụ a sụọ wẹ ụsụọ ẹfọ.

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Azaya 19:25

makẹni Osolobuẹ nwọn ikẹn ile k'a sị, “Ngọzi ya rịnị Ijiptu hụn wụ ndị nke m, Asiria hụn wụ ẹka-ọrụn m lẹ Izrẹlụ hụn wụ ihiẹn-ẹka m.”

Jerimaya 16:18

“M jẹnkọ d'e ye wẹ afụnfụn njọ lẹ eje-ihiẹn wẹ mẹ, ye wẹ ya ụzọ ẹbụọ, makẹni e gigụọ wẹ eje-ihiẹn ndị ahụn wẹ kpụtọsọnmẹ mẹrụ alị m, ihiẹn ndị ahụn rụnị rịlẹni ndụn hụn wẹ rị e fe.”

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Jerimaya 3:2

“Ledẹ ẹnya elu òke ndịnị nwọnlẹni ihiẹn rịn'a, elee hụn ị nọtulẹni we enwẹn i ye wẹ gi mẹ ihiẹn sụọnị wẹ? Y'a nọdị alị mkpẹnrẹn ụzọ kẹ ịgbaraja, a rịọ alị ichẹn-ichẹn, e chedẹ wẹ ụzọ a dọdọn lekẹ onyẹ Arabụ rị imẹ atụ; y'e mẹrụchanrịngụọ alịnị ebe ị rị e sọn mmọn kẹ ịgbaraja lẹ ebe ị rị e bi eje-obibi.

Jerimaya 3:9

Makẹni onwọnkẹni ihiẹn Izrẹlụ Ẹbamịn-ugu kpọ eje-obibi ẹ, o mẹrụchanrịn alịnị ile — rụasọnmẹ osisi lẹ ọmụma — lekẹ okpoho ẹnya rịlẹni ụzọ ohu.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Jerimaya 32:30

“Ihiẹn rịlẹni mma ẹnya m sụọ kẹ ndị Izrẹlụ lẹ ndị Juda e mẹ gha alị lala; iwe-iwe kẹ wẹ gi ihiẹn ẹka wẹ mẹmẹ a kpasu m. Ya kẹ Osolobuẹ ku.

Izikẹlụ 20:24

makẹni emẹni wẹ ihiẹn m sị wẹ mẹ, makẹni wẹ jụ uhi m, mẹrụ Ogẹn Ezumikẹn m rị ichẹn-ichẹn, bu ẹnya wẹ che mmọn ndị hụ ndị nẹdi wẹ fe.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 20:6

E kunzịghọnị m wẹ enwẹn m ụhụọhịn hụ nị m k'a gha Ijiptu wepụha wẹ, we wẹ shi alị m chọtọnị wẹ, alị hụn mirin-ẹran lẹ mirin ẹnwụn jun, e hu, alị hụn kachanrịn alị ile mma.

Izikẹlụ 23:35

“Osolobuẹ Nwọn Ihiẹn ile sị nwan: Ebe o mẹni y'a zọgụọ m, nu m ye nkọ, ị k'a tarịrị afụnfụn eje-ughẹrẹ i lẹ ịgbaraja ị.”

Izikẹlụ 36:17

“Nwa-ịhịan, ogẹn ndị Izrẹlụ te gi bi alị wẹ, wẹ gi obibi wẹ lẹ eje-ihiẹn ndị wẹ rị e mẹ mẹrụ a. Obibi wẹ nọ m kẹ ezi okpoho rị a sọ.

Hosia 9:3

Ebikọzị wẹ alịnị wụ alị Osolobuẹ, Ifrem wụ Izrẹlụ k'e kinrịrị alị Ijiptu; wẹ k'e jẹnrịrị alị Asiria d'e gi ọnụ wẹ ri ihiẹn w'a sọ.

Maịka 2:10

Lihi ni! Pụ nị; nị ẹlẹ ebeni kẹ ẹhụ ahụn a nọ fuzi ụnụ, makẹni ụnụ e mẹrụọlẹ ebeni hụn wẹ jẹnkọ d'e gi tikpọ a eje ntikpọ;

Ọgụngụn 13:27

Ihiẹn wẹ gwa Mozizi wụ: “Ẹnyi e jẹngụọ alị hụ i zi ẹnyi d'e lele. Ezigbo alị rọ nke-esi — alị anụ lẹ ihiẹn-akụnkụn n'e mẹ ọhụnma — alị mirin-ẹran lẹ mirin-ẹnwụn n'e hu. Lee mkpụrụ-osisi alị ahụn.

Ditrọnọmi 21:23

ahatukwọlẹ ni ozun ẹ ye elu osisi ahụn eki e we fọn. Ụnụ sikọ d'e lirịrị a ụhụọhịn ahụn, makẹni onyẹ wẹ hogbu elu osisi a wụrụọlẹ onyẹ Osolobuẹ bụ ọnụ. Emẹrụkwọlẹ ni alị ahụn Osolobuẹ wụ Chuku ụnụ rị e ye ụnụ n'ọ wụrụ ukuu ụnụ.

Ditrọnọmi 32:9

Kanị, hụn Osolobuẹ lẹ enwẹn ẹ keri wụ ndị nke ẹ, ndị Izrẹlụ, Jekọpụ lẹ ụmụ a wụ ukuu ẹ.

Ditrọnọmi 6:18

Mẹ ni ihiẹn rị Osolobuẹ mma ẹnya, kẹni ọ rịnị ụnụ mma, nị ụnụ hụn ụzọ banye d'e weri alị ọma ahụn Osolobuẹ kun enwẹn ẹ kwe ndị nẹdi ụnụ kanị nkwa a,