Jerimaya 2:6 - Ika

⁶ Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Jerimaya 2:6 Iomraidhean Croise

Ndị-nze Nke Ẹbụọ 2:14

Ọ nọ weri ẹwuru Ẹlaịja ahụn, gi ẹ fịan mirin hụ, sị, “Elebe kẹ Osolobuẹ wụ Chuku Ẹlaịja rị?” Hụn o gihụ gi ẹ fịan mirin ahụn, mirin nọ kewa ẹbụọ, nọdị azụụnnị lẹ azụụnnị; ya Ẹlaịsha nọ ghafe.

Jobu 3:5

Ishi ka ishi ya werizi ụhụọhịn ahụn; igwere-ogi ya rukpumẹ ẹ; ishi ya gbakin ukpẹ ẹ.

Jobu 35:10

Kanị onwọnni onyẹ a sị, ‘Elebe kẹ Osolobuẹ keni m rị? Elebe kẹ onyẹ hụn e ye ịhịan ẹbụ imẹ abalị rị?

Ẹbụ-ọma 23:4

Ọsụọn'a nị m ghakọ imẹ ọdanmgbugbu ẹkpa-ishi lẹ ụya, egun eje-ihiẹn atụkọ m, makẹni mmẹ lẹ yụ wị; mkpịnsịn ị lẹ ọkpọ ị a rọkọ m obi.

Ẹbụ-ọma 77:5

M'e ro ogẹn mbụ; m'a nyanhansọnmẹ ogẹn mbụ-mbụ.

Ọpụpụ 20:2

“Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Azaya 64:7

Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 5:12

A tụgụọ wẹ ntụ banyeni Osolobuẹ, wẹ sị, “Onwọnni ihiẹn o k'e mẹ! Onwọnni ihiẹn k'e mẹni ẹnyi; ẹnyi ahụnkọ agha mọbụ ụnwụn.”

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Jerimaya 51:43

Obodo ndị rịn'a k'a gba okpokoro, họnrinsọnmẹ alị ọkpọ-nkụn lẹ atụ; alị ịhịan bilẹni alị wẹ ghalẹni a gha.

Hosia 12:13

Onyẹ-amụma kẹ Osolobuẹ gi zụọpụha ndị Izrẹlụ imẹ alị Ijiptu; onyẹ-amụma k'o gizi du wẹ, chemẹ wẹ.

Hosia 13:4

Osolobuẹ sị, “Kanị mmẹ wụ Osolobuẹ, Chuku ụnụ ghakwọrị ogẹn ụnụ rị alị Ijiptu; ụnụ enwọn Chuku ọzọ wezụka m; mmẹ sụọ wụ onyẹ-nzụọpụha ụnụ.

Emọsụ 2:10

Mmẹ wepụhazịkwọ ụnụ imẹ alị Ijiptu, du ụnụ imẹ atụ ahụa ọgụnnaị, we alị ndị Amọ ye ụnụ weri.

Matiu 4:16

Ndị bi imẹ ishi a hụnọlẹ okẹn ukpẹ; ukpẹ e nwunmẹgụọnị ndị bi ebe ọnwụn nọ a kpọ wẹ ihun.”

Ditrọnọmi 1:19

Ẹnyi nọ mẹ ihiẹn Osolobuẹ wụ Chuku ẹnyi gwa ẹnyi, gha ugu Horẹbụ, ugu Saịnaị, buli, dọn ihun alị ndị Amọ hụn rị elu òke — ghakọ atụ hụ shịagbu enwẹn ẹ, hụn a tụ ẹgụn, hụn ụnụ gi ẹnya ụnụ hụn; ẹnyi nọ ru ẹgbẹrẹ Kadẹshi-Bania.

Ditrọnọmi 32:10

Alị ịhịan rịlẹni k'ọ nọ hụn a, alị gbachanrịn okpokoro, alị ufere nọ a zụn okẹn-ụzụn. Ọ nọ chemẹ ẹ, lepụ a ẹnya; o gbọnhunmẹ ẹ nọkẹ nwa-ẹnya a,

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Ndị Han Eṅẹn 6:13

Gidiọnụ nọ sị a, “Diọkpa, omẹni Osolobuẹ nọyeni ẹnyi anọyeni, kị haịn nwan ihiẹnni ile gi rị e mẹ ẹnyi? Elebe kẹ ọrụn-atụmẹnya a ile rị — hụn ndị nẹdi ẹnyi wẹ kọnị ẹnyi ogẹn wẹ gi sị, ‘Osolobuẹ gha alị Ijiptu wepụha ẹnyi?’ Bụ Osolobuẹ a lagụọ nwan ẹnyi tọ, we ẹnyi che ẹka ndị Midianị.”