Jerimaya 2:22 - Ika

²² Ọ sụọkwọ ị gi ncha ile wẹ gi a wụ ẹhụ wụ; gidẹ nwan hụn wẹ ghalẹni e gi a wụ wụ, njọ ị hụn ratọ ị ẹhụ apụkọ ẹnya m. Ya kẹ Di-nwọnni-ẹnyi wụ Osolobuẹ ku.

Jerimaya 2:22 Iomraidhean Croise

Samuẹlụ Nke Ẹbụọ 11:12

Defidi nọ sị Yuria, “Nọdịzị ebeni akpọhịn ohu, eki e zikin m'i ọgbọ-agha.” Ya Yuria nọ nọdị Jerusalẹm ụhụọhịn ahụn lẹ hụn sọnn'ẹ.

Jobu 14:17

Wẹ k'e bu mmẹfie m che imẹ ẹkpa kẹnkin; i k'e kpumẹ njọ m.

Ẹbụ-ọma 130:3

Ị gụnma njọ ịhịan, Osolobuẹ, onyẹ k'a s'ẹka wuzo?

Ẹbụ-ọma 90:8

Y'e bu njọ ẹnyi e che ihun i ogẹn ile; y'e wepụhadẹ njọ ẹnyi mẹ nzuzue ihun i.

Jerimaya 16:17

M hụ a hụn ihiẹn ile wẹ rị e mẹ, onwọnni hụn zuerini ebe m rị, onwọnni njọ wẹ m ghalẹni e legha.

Jerimaya 17:1

Osolobuẹ sị, “Igwe kẹ wẹ gi de njọ ndị Juda ye obi wẹ, ọmụma zegbu enwẹn ẹ kẹ wẹ gi de ẹ — ye wẹ akpobi lẹ mpịn rịsọnmẹ ukpo nchụn-ẹjan wẹ.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Izikẹlụ 24:6

“ ‘Lee nwan ihiẹn Osolobuẹ Nwọn Ihiẹn ile gi ẹ e ku: Nsọngbu lalanị alịnị e gbu ọchụn, iteni tụgụ ẹnwụnrụn, ẹnwụnrụn hụn jụ n'ọ pụkọ! Gụpụha ọkpụrụkpụ-anụ ndị hụ ohu-ohu, ahọkwọlẹ wẹ ahọ.

Hosia 13:12

E detugụọ m njọ ndị Ifrem, e detugụọ m njọ wẹ, butọ.

Emọsụ 8:7

Osolobuẹ e kunọlẹ enwẹn ẹ, sị, “Makẹ mpacheni ụmụ Jekọpụ rị a pache, onwọnni eje-ihiẹn ọwụlẹ wẹ mẹ m k'a zọ!

Ditrọnọmi 32:34

E bugụọnị m ihiẹn ndịnị tọnị wẹ ihun, kpọkin wẹ ye ebe m'e dọnmẹ ihiẹn?