Jerimaya 2:20 - Ika

²⁰ O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 2:20 Iomraidhean Croise

Ndị-nze Nke Ibuzọ 12:32

Eze wụ Jerobụam nọ tumẹ mmẹmmẹ wẹ jẹnkọ d'a gha e mẹ nke akp'ọhịn mmisẹn imẹ ifọn nke ẹsatọ, nọkẹ mmẹmmẹ hụ w'e mẹ azụụn hụn ẹbọ wụ Juda. Ọ chụnsọnmẹ ẹjan elu ukpo nchụn-ẹjan hụ. Ihiẹnni k'o mẹ imẹ obodo Bẹtẹlụ, ọ chụnyeni ụmụ-efin ndị hụ ọ kpụ ẹjan. O tumẹsọnmẹzikwọ ndị o tumẹ ohẹn mmọn buche ụlọ-mmọn ndị hụ ọ rụnsọnmẹ ebe rị ichẹn-ichẹn jẹn elu imẹ Bẹtẹlụ.

Ndị-nze Nke Ibuzọ 14:23

Makẹni wẹ nwẹn tụnsọnmẹzikwọ ụlọ-mmọn, kọmasọnmẹ ọmụma-nsọ lẹ osisi w'e zumẹni mmọn Ashẹra — yesọnmẹ elu òke ile jẹn elu lẹ okpuru osisi ile duni.

Ẹbụ-ọma 107:14

ọ wepụha wẹ imẹ ishi lẹ ụya ahụn wẹ rị, tibepụchanrịn ẹgan wẹ.

Ẹbụ-ọma 2:3

Wẹ hụ a sị, “Nị ẹnyi tibepụ nị ẹgan wẹ rị ẹnyi olu; nị ẹnyi gbụpụ nị ẹgbụn wẹ rị ẹnyi olu!”

Ẹbụ-ọma 78:58

E gi wẹ mmọn wẹ rị a rụa ebe jẹn elu a kpasu ẹ iwe, gi mmọn wẹ kpụ e mẹ ẹnya a fụ a.

Ọpụpụ 19:8

Wẹ ile nọ kugbama, sị, “Ẹnyi k'e mẹchanrịn ihiẹn ile Osolobuẹ ku.” Ya Mozizi nọ bịazị d'a gwa Osolobuẹ ihiẹn wẹ ku.

Ọpụpụ 24:3

Ogẹn Mozizi gi jẹn d'a gwa wẹ ihiẹn ile Osolobuẹ ku lẹ iwu ile o ye, wẹ ile nọ ku ihiẹn ohu, sị, “Ihiẹn ile Osolobuẹ sị ẹnyi mẹ, ẹnyi k'e mẹchanrịn wẹ.”

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Azaya 1:21

Ledẹ ni nị obodo nwẹn wẹ te gi e dọn ẹnya e họnringụọ nwan ịgbaraja! Ezigbo eṅẹn te jun imẹ ẹ; ezi-omumẹ te bi imẹ ẹ, kanị ndị izighẹ bi ẹ nwan!

Azaya 10:27

Ogẹn ahụn, m k'e ziẹn ụnụ ibu wẹ rị ọnụ isi-uvun, tọpụ ụnụ agbụn wẹ rị ụnụ olu; agbụn ahụn jẹnkọ d'e tibepụ, makẹni ụnụ e tutugụọ.

Azaya 14:25

M jẹnkọ d'a nọ alị m tikpọ alị Asiria; elu ugu m rị ichẹn-ichẹn kẹ m k'a nọ zọ a ye alị. M k'a tọpụ ndị nke m ẹgbụn a, ziẹn wẹ ibu ẹ hụn rị wẹ uvun.”

Azaya 9:4

Makẹni, k'i dọn mẹri ndị Midianị ogẹn mbụ, ẹrịra k'i k'e tibepụ ẹgbụn gini wẹ, gungwọnpụ ihiẹn wẹ gi fiẹdọn wẹ uvun, kpagipụ mkpịnsịn ndị rị a kịgbuni wẹ.

Jerimaya 13:27

hụn k'ị dọn e fe m, e fezi mmọn, a tụsọn ihiẹn ile, e mẹ kẹ ịgbaraja nwọnlẹni ifẹnrẹn! A hụngụọ m arụ ị rị e mẹ elu ugu lẹ òke ichẹn-ichẹn. Nke i a jọka-o, Jerusalẹm! Elee mgbe y'a wụbehi onyẹ rụnị?”

Jerimaya 17:2

Kẹ ụmụ wẹ ara zọdẹ ijẹn ukpo nchụn-ẹjan lẹ osisi mmọn Ashẹra wẹ hụn rịsọnmẹ ukun osisi ile duni lẹ elu òke ile jẹn elu.

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 30:8

Osolobuẹ ihiẹn ile rị okpuru ẹ sị, “O ru ogẹn ahụn, m jẹnkọ d'a kpagipụ ihiẹn wẹ gi kpọdọn wẹ, m k'a dọbepụ ẹgbụn rị wẹ olu; ndị alị ọzọ a kpakọzị wẹ igbọn.

Jerimaya 5:5

M k'e jẹnburu nwan ndị-isi, d'a gwa wẹ oku; makẹni a marịnghọ wẹ kẹ Osolobuẹ e mẹ, a marịnghọ wẹ ihiẹn Chuku wẹ chọ.” Kanị ndị-isi ile gbegbegbe a jụgụọ nị Osolobuẹ akịkọ wẹ, a jụgụọ wẹ iwu ẹ.

Izikẹlụ 16:28

Y'e buzikwọ ẹhụ ị ye ndị alị Asiria makẹni ẹfọ a ra jun i; y'e mẹgụ ọhụn, ẹfọ ejunzikwọn'ị.

Izikẹlụ 16:31

ị hụ a rụn ụlọ-mmọn ị e ye isi-ụzọ ile, e tumẹsọnmẹ ebe wẹ nọ a rụa mmọn e ye ebe ile alị n'e zu. Ịgbaraja nke i jọgbudẹ enwẹn ẹ nị y'a nadẹni egho lekẹ ịgbaraja!

Izikẹlụ 16:41

Wẹ k'a dụn ụlọ ndị rị imẹ ị ọkụn, nọ idẹnya ikpoho bu ọda ye i afụnfụn. M k'e mẹ i gbabehi ịgbaraja, mẹ i kụbehi ndị hụ yụ lẹ wẹ gba a sụọ ụgwọ.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 23:5

“Ohola a nọdị okpuru m, e bi kẹ ịgbaraja, e sọn ndị rị a chanban a ẹnya, ndị Asiria, ndị odogun-agha,

Hosia 1:2

Isi ibuzọ Osolobuẹ gi kumẹ oku ghahanị Hosia, ọ sị Hosia, “Jẹn d'a lụrụ ịgbaraja; o k'a gha ogbe mụhann'ị ụmụ. M k'e gi ẹ ghọsị nị ẹrịra kẹ ndị alịnị dọn wụrụ ịgbaraja ebe wẹ nọ latọ mmẹ wụ Osolobuẹ d'e femẹ mmọn.”

Hosia 2:5

Nnẹ wẹ a gbaọlẹ ịgbaraja; nnẹ mụnị wẹ e mẹọlẹ ihiẹn ifẹnrẹn — o gi sị enwẹn ẹ, ‘M k'a gbasọnmẹ ndị mmẹ lẹ wẹ rị a sụọ, uwẹ e ye m ihiẹn m'e ri lẹ mirin m'a ra lẹ oruru lẹ ẹṅẹnrẹn-anụ m gi a kpa ẹwuru; uwẹ e ye m ofigbọn lẹ udẹn, e ye m manya m'a ra.

Hosia 3:3

M nọ sị a, “Mmẹ lẹ yụ k'a nọbie; y'a gbakọ ịgbaraja, yụ lẹ okẹnnyẹ aranhịnkọ — kẹ mmẹ nwẹn esọnkọ ị ranhịn.”

Hosia 4:13

Wẹ hụ a kwa ese elu ugu, a chụnyeni mmọn ẹjan wẹ kpọ ọkụn elu òke, ukun osisi okuu lẹ pọpla lẹ terẹbinti makẹni igungun wẹ a rịka mma! Ufiri ẹ kẹ ụmụ ụnụ ikpoho gi rị a gba ịgbaraja; inyẹnmẹ ụmụ ụnụ hụ a zọ ụkụ e ye ọfịa.

Hosia 9:1

Aghọghọzịlẹ ni, ndị rị Izrẹlụ! Eweshizilẹ ni isi elu kẹ alị ndị ọzọ! Ụnụ a latọgụọ Chuku ụnụ rịkẹ ebe okpoho nọ zọ ụkụ ye ọfịa! egho ụnụ rị a kpa ebe ụnụ rị a kpa ogbe hụ a sụọ ụnụ!

Lẹvitikọsụ 26:13

Mmẹ wụ Osolobuẹ, Chuku ụnụ, hụn gha Ijiptu wepụha ụnụ makẹ ụnụ ghazị e wụ igbọn ndị Ijiptu; mmẹ tigipụ ẹgan wẹ kpọma ụnụ olu kẹni ụnụ hụn ụzọ gha imẹ ụya pụ.

Nahum 1:13

M k'a dọbepụ nwan ẹgbụn hụ o kẹn ụnụ, tibepụ ẹgan hụ, ụnụ e nwọnrin enwẹn ụnụ.

Ditrọnọmi 12:2

Tikpọpụchanrịn nị ebe ile alị ichẹn-ichẹn ụnụ k'e weri alị wẹ a nọ e fe mmọn-lẹ-iyi wẹ — kẹ ndị rịsọnmẹ ugu jẹn elu, kẹ ndị rịsọnmẹ elu òke kẹ ndị rị okpuru osisi ile nwọn igungun ghalẹni a gbụ ẹhụhụọ.

Ditrọnọmi 15:15

Nyanhankwọ nị ụnụ te wụ igbọn imẹ alị Ijiptu, Osolobuẹ wụ Chuku ụnụ nọ gbapụha ụnụ; ịya kẹ m gi rị e ye ụnụ iwuni tannị.

Ditrọnọmi 26:17

Y'e kugụọ a tannị nị Osolobuẹ wụ Chuku i, n'i k'e sọn ụzọ a, nị i k'e sọn uhi ẹ lẹ ihiẹn ọ s'ị mẹ lẹ iwu ẹ ile, lẹni i k'e humẹn'ẹ isi.

Ditrọnọmi 4:20

Ka nyanhan nị nị Osolobuẹ gha alị Ijiptu, okẹn ọkụn ọkpụ-ụzụn hụ, wepụha ụnụ, nị ụnụ wụrụ ndị nke ẹ, kẹ ụnụ dọn nwan wụ.

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?

Ditrọnọmi 5:27

Dodo, nọkunmẹ nwan Uguni, n'i gọn ntịn ihiẹn ile Osolobuẹ wụ Chuku ẹnyi rị e ku. Omẹgụ y'a gwa ẹnyi ihiẹn ọwụlẹ ọ gwa ị, nị ẹnyi gọnghọ ntịn, mẹ ẹ.”

Joshụa 1:16

Wẹ nọ sị Joshụa, “Ihiẹn ọwụlẹ ị sị ẹnyi mẹ, ẹnyi sikọ d'e mẹ ẹ; ebe ọwụlẹ i zi ẹnyi, ẹnyi jẹnkọ d'e jẹn.

Joshụa 24:24

Wẹ nọ sị Joshụa, “Osolobuẹ wụ Chuku ẹnyi kẹ ẹnyi k'e fe; ịya kẹ ẹnyi k'e humẹni isi.”

Joshụa 24:26

Joshụa nọ de ihiẹn ndịnị ye imẹ Ẹkụkwọ Iwu Osolobuẹ. Ọ nọ weri ọmụma hi-ogbe, bu ẹ tumẹ okpuru osisi okuu hụ rị ẹhụ Ọdụ-nsọ Osolobuẹ.

Rẹvẹleshọnụ 17:1

Mmọn-ozi ohu imẹ wẹ ẹsa hụ gi afẹrẹ nọ bịa d'e kunrun m, sị m, “Bịa, nị m ghọsị ị afụnfụn wẹ sikọ d'e ye okẹn ịgbaraja hụ nọdị alị elu iyi bu ọda,

Ndị Han Eṅẹn 10:6

Omẹgụ, ndị Izrẹlụ nọzị mẹ eje-ihiẹn ẹnya Osolobuẹ, femẹ mmọn Baalụ lẹ mmọn Ash'ta lẹ mmọn-lẹ-iyi ndị Aram, ndị Sidọnụ, ndị Mụabụ, ndị Amọnụ lẹ ndị Filistia. Makẹni wẹ gbakitọ Osolobuẹ azụụn, efezini wẹ ẹ,

Ndị Han Eṅẹn 2:11

Ndị Izrẹlụ nọ mẹ ihiẹn rịlẹni mma ẹnya Osolobuẹ, fe mmọn Baalụ.

Ndị Han Eṅẹn 2:13

makẹni wẹ latọ a d'e femẹ Baalụ lẹ Ash'ta.

Samuẹlụ Nke Ibuzọ 12:10

Ya wẹ nọ kwanghọsị Osolobuẹ, sị, ‘Ẹnyi e mẹọlẹ njọ; ẹnyi a latọgụọ Osolobuẹ, femẹ Baalụ lẹ Ash'ta. Ka gbapụha ẹnyi nwan ẹka ndị-iṅẹnrẹn ẹnyi, ẹnyi jẹnkọ d'e fe i.’