Jerimaya 2:2 - Ika

² “Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Jerimaya 2:2 Iomraidhean Croise

Ẹbụ-ọma 129:1

E mẹọlẹ wẹ m ihiẹn bu ọda gha ẹhụ nwa-ndu m lala! Ndị Izrẹlụ wẹ ku ẹ.

Ọpụpụ 14:31

Ndị Izrẹlụ a hụn ikẹn hi-ogbe Osolobuẹ gi mẹ ndị Ijiptu ihiẹn, egun Osolobuẹ nọ tụ wẹ, wẹ nọ gi Osolobuẹ lẹ odibo ẹ wụ Mozizi dọn ẹnya.

Ọpụpụ 16:8

Mozizi nọzị sị, “Ụnụ k'a marịn nị Osolobuẹ wụ onyẹ hụn wepụha ụnụ ogẹn o k'e gi ye ụnụ anụ ri ogẹn ẹnyasị, o ru ụtụntụn, o ye ụnụ brẹdi ụnụ k'e gi rijun ẹfọ kẹ ụnụ chọ. Makẹni, Osolobuẹ a nụgụọ kẹ ụnụ rị e dẹnnwịnwịnn'a. Onyẹ wụ ẹnyi? Ẹlẹkwọ ẹnyi kẹ ụnụ rị e dẹnnwịnwịnnị; Osolobuẹ kẹ ụnụ rị e dẹnnwịnwịnnị.”

Itẹn 1:20

Amamihiẹn rị ogbe a hị! Ọ nọ ebe ịhịan ile nọ e zu, a hị;

Ẹbụ Solomọnụ 3:11

Ịgbagba Zayọnụ, pụha nị-o! D'e lee ni Eze Solomọnụ lẹ okpu-eze hụn nnẹ ẹ kpumẹ ẹ ụhụọhịn ọ gba ẹhụhụọ, ụhụọhịn obi sụọ a ụsụọ!!

Ẹbụ Solomọnụ 3:6

Onyẹ wụ hụnnị gha alị ọkpọ-nkụn lala, nọkẹ ebe ẹnwụnrụn rị a lọ? Onyẹ wụ hụnnị rị e kun fuẹin yeni udẹn maa lẹ nsẹnsi ọ kwọ — hụn wẹ gi ihiẹn ile e kun fuẹin rị afịa mẹmẹ?

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Jerimaya 11:6

Ya kẹ Osolobuẹ nọ sị m, “D'a hị ihiẹnni imẹ obodo ndị rị alị Juda lẹ ọgbara-ogbe ile rị imẹ obodo Jerusalẹm, sị wẹ, ‘Gọn ni ntịn ihiẹn mmẹ lẹ ụnụ kwerigbama, ụnụ e gi ẹ e bi.

Jerimaya 19:2

Shi ni Ọdanmgbugbu Nwa-Hinọnụ, hụn nọkunmẹ ebe wẹ gha a banye Ọnụ-mgbọn Mpekele-ite. Nọ ebẹhụ hị ihiẹnni m jẹnkọ d'a gwa ị.

Jerimaya 2:1

Osolobuẹ sị m,

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Jerimaya 3:4

Ẹlẹ kikẹnni kẹ ụnụ hịgụ m, ‘Euu, nẹdi m, ọwụ m kete m rị okoro,

Jerimaya 7:2

“Turu ọnụ-mgbọn Ụlọ-nsọ Osolobuẹ, y'a nọ ebẹhụ zi ozini: Ụnụ ndị Juda ile hụn a gha ọnụ-mgbọnni a banye ụlọ-nsọ d'e fe Osolobuẹ, gọn ni ntịn ihiẹn Osolobuẹ ku.

Izikẹlụ 16:22

Hụn ahụn ile ị rị e bi obibi rụnị, a gba ịgbaraja, y'a nyanhandẹni ogẹn hụ i gi rị nwata; ogẹn hụ i gi gba ọtọ, gba ẹhụ oghe, dinẹ imẹ ẹdeke i, e se ụkụ lẹ ẹka.

Izikẹlụ 16:60

Kanị mmẹ nwẹn k'a nyanhan nkwerigbama m tumẹ ẹgbata mmẹ lẹ yụ ogẹn i gi rị okoro; m k'e tumẹ nkwerigbama hụn k'a rị jẹnrin ejẹn ẹgbata mmẹ lẹ yụ.

Izikẹlụ 16:8

“ ‘Kẹ m ghafekọzị ebe ị rị, m nọ hụn nị y'e rugụọ nwagbọọ. M nọ setịnpụ ẹwuru m yi, kpumẹ i, kpumẹ ọtọ ị; m nọ kwe i nkwa, gi ẹ kwọngbama mmẹ lẹ yụ. Ịya kẹ mmẹ wụ Osolobuẹ Nwọn Ihiẹn Ile ku. Ẹrịra k'ị dọnmẹ họnrin nke m.

Izikẹlụ 23:19

Ọ gbasọnmẹ ịgbaraja hụ d'e rudẹ ebe ọ nọ nyanhanzị n'ọ gbaghọ ịgbaraja imẹ Ijiptu k'ọ rị okoro, ọ ghan'a.

Izikẹlụ 23:3

Wẹ ẹbụọ gba ịgbaraja kẹ wẹ rị alị Ijiptu; wẹ gha alị gbama ịgbaraja! A pịnghọ wẹ wẹ ẹka ẹran ebẹhụ, a pịnghọ wẹ wẹ ẹka ọnụnụ-ẹran ebẹhụ.

Izikẹlụ 23:8

Ohola ahapụnị ịgbaraja hụ ọ gbama imẹ alị Ijiptu, ebẹhụ ikẹnnyẹ nọ sọn ẹ ranhịn, wa a ụkụ, pịn a ẹka ọnụnụ ẹran, gba a k'ọ dọn gụn wẹ.

Hosia 11:1

“Osolobuẹ sị: Ogẹn Izrẹlụ gi rị nwa-ndu, ihiẹn ẹ sụọ m, a gha m alị Ijiptu kpọpụha nwa m.

Hosia 2:15

A nọ m ebẹhụ sị a d'e werizi alị-vaịnị a; e mẹ m Ọdanmgbugbu Nsọngbu họnrin ọnụmụzọ ihiẹn rị mma. Ọ nọ ebẹhụ mẹzi k'o mẹ mbụ, ogẹn o gi rị nwagbọọ ogẹn o gi gha alị Ijiptu pụha.

Hosia 2:17

M k'e wepụ ẹfan Baalụ ndị ahụn ọnụ wẹ, akpọkọzị wẹ ẹfan wẹ.

Hosia 2:7

O k'a gbasọn ndị ya lẹ wẹ rị a sụọ, kanị o kunrunkọ wẹ; ọ k'a chọ wẹ, kanị ọ hụnkọ wẹ; ẹnya e fọn ẹ, ọ sị, ‘M k'a laburu di m ibuzọ m — nị ogẹn ahụn mmẹ lẹ ịya kẹ ihiẹn ka mma.’

Hosia 8:1

“Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Hosia 9:10

Osolobuẹ sị, “Kẹ m bu ụzọ hụn Izrẹlụ, ọ nọ kẹ ogbe vaịnị ịhịan hụn alị mirin rịlẹni; kẹ m bu ụzọ hụn ndị nẹdi ụnụ, ọ sụọghọ m kẹ mkpụrụ-osisi figi ibuzọ channị. Kanị e femẹ wẹ Baalụ-Pioru, we enwẹn wẹ kwanị ihiẹn ifẹnrẹn hụ, wẹ lẹ enwẹn wẹ nọ họnrin ihiẹn rụnị nọkẹ ihiẹn ahụn sụọnị wẹ!

Jona 1:2

sị a, “Jẹn obodo uku ahụn wụ Ninivẹ ozigbo n'i d'a hị, dọ wẹ ẹka-ntịn, makẹni njọ wẹ rị e mẹ e rugụọ ebe m rị.”

Matiu 11:15

Onyẹ hụn nwọn ntịn ya nụ.

Luku 12:13

Okẹnnyẹ ohu rị imẹ igunrun hụ nọ sị Jizọsị, “Onyẹ-nkuzi, dodo gwa nwẹnẹ m n'o keye m ukuu nẹdi ẹnyi latọnị ẹnyi.”

Ditrọnọmi 2:7

Osolobuẹ wụ Chuku ụnụ a gọzigụọ ọrụn-ẹka ụnụ ile. O lepụgụọ ụnụ ẹnya hụnnị ile ụnụ rị e jẹnhunmẹ imẹ atụnị shịagbu enwẹn ẹ. Osolobuẹ wụ Chuku ụnụ a nọyegụọnị ụnụ ọrọgbọ ahụa ọgụnnaịnị, onwọnni ihiẹn kọnị ụnụ.

Ditrọnọmi 33:3

Eziẹ, ịyụ nwọn ihiẹn ọsụsụọ ndị nke i; ndị nsọ ile rị ị ẹka. Ụkụ ị kẹ wẹ ile a bịa d'e e gbu osekpu, oku i kẹ wẹ gi e dọn —

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Rẹvẹleshọnụ 2:4

“Kanị, ọnwan wụ ihiẹn ị rị e mẹ rị e ze m ize: ụnụ a latọgụọ ihiẹn-ọsụsụọ ahụn ụnụ nwọn mbụ.