Jerimaya 2:19 - Ika

¹⁹ Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 2:19 Iomraidhean Croise

Ndị-nze Nke Ibuzọ 18:18

Ẹlaịja nọ sị a, “Arị m e sọngbu Izrẹlụ. Ịyụ lẹ ikpụlọ nẹdi i wụ ndị rị e sọngbu Izrẹlụ, makẹni ụnụ a gbakitọgụọ iwu Osolobuẹ azụụn, femẹ Baalụ ndịnị wẹ.

Ihiẹn Mẹni Nke Ẹbụọ 12:5

Ogẹnni kẹ onyẹ-amụma wụ Shẹmaya nọ bịa d'a hụn Rehobụam lẹ ndị-isi Juda ebe wẹ gbakikomẹ imẹ obodo Jerusalẹm makẹni egun Shishakị rị a tụ wẹ; ọ nọ sị wẹ, “Lee ni ihiẹn Osolobuẹ kụ: ‘Ụnụ a lagụọ m tọ; mmẹ nwẹn a lagụọzị ụnụ tọnị Shishakị.’ ”

Ihiẹn Mẹni Nke Ẹbụọ 21:10

Ẹdọm ekwerikwọnị nwan rị okpuru Juda d'e ru tannị. Ogẹn hụ kẹ Libna gizikwọ gha okpuru Juda pụ. Ihiẹnni ile mẹ makẹni Jehoram latọ Osolobuẹ wụ Chuku ndị nẹdi ẹ.

Ihiẹn Mẹni Nke Ẹbụọ 25:16

Kanị eze e gbu oku ye ẹ ọnụ, sị, “Onyẹ tumẹ i onyẹ-ndụnmọdụn eze? Gba nkịtịn! Ra ị chọ nị wẹ gbu i?” Ya onyẹ-amụma nọ kubehi, kanị ọ sị, “Makẹ ihiẹnni i mẹ lẹ ndụnmọdụn m ị jụ, a marịnọlẹ m nị Osolobuẹ chọ n'o gbu i.”

Ẹbụ-ọma 36:1

O nwọn ihiẹn Chuku rị a gwa m imẹ obi: nị onyẹ-njọ jọ njọ ru alị, egun Chuku arị a ẹnya.

Ọpụpụ 33:6

Ya mẹ ndị Izrẹlụ gi gbụpụ ihiẹn-mma wẹ elu-ugu Horẹbụ.

Itẹn 1:31

ụnụ jẹnkọ nwan d'e ri mkpụrụ hụn obibi ụnụ mịpụha, gi isi buru ihiẹn ụnụ romẹ, ẹfọ e jun ụnụ.

Itẹn 1:32

Makẹni isi ndị ẹwobi e fesọnmẹ k'e gbu wẹ, ẹfọ-ojunjun ndị-nzuzu k'e tikpọ ndị-nzuzu;

Itẹn 5:22

Eje-ihiẹn onyẹ-njọ e mẹ wụ ọnyan a nwụnn'a; njọ a wụ ụdọ e kẹnn'ẹ.

Azaya 3:9

Ihun wẹ hụ a shịagbu wẹ ẹri: wẹ hụdẹ e ghoro njọ wẹ nọkẹ ndị Sodọm; w'a ra zuemẹ ẹ. Nsọngbu rị e che wẹ! E sehẹgụọnị wẹ enwẹn wẹ ntikpọ.

Azaya 5:5

Nị m gwa nwan ụnụ ihiẹn m k'e mẹ alị vaịnị m: m k'e wepụ ihiẹn m gi gbọnhunmẹ ẹ, e wiwi w'ẹ; e tikpọpụ m mgbọn ẹ, a zọtịta w'a.

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 13:22

Ị k'a jụma enwẹn i, ‘Kị seni m ihiẹnni?’ Njọ ile i mẹ, ịya haịn wẹ gi nwan kpushi ẹbulukun i elu, gi ẹhụ ị mẹ ihiẹn sụọnị wẹ.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Jerimaya 4:18

“Obibi i lẹ omumẹ i buhẹn'i ihiẹnni. Ọnwan wụ afụnfụn m ye i. Ọ hụ e lu i ilu; ọ fụrugụọ ị akpobi!”

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Jerimaya 5:24

W'a ra sịdẹ enwẹn wẹ, ‘Nị ẹnyi gbaye ni Osolobuẹ wụ Chuku ẹnyi, hụn e zihẹ mirin ogẹn ẹ: kẹ mirin ẹnyi gi a kụn ihiẹn-ugbo kẹ hụn ihiẹn-ugbo gi e mẹ ọhụnma; hụn e mẹ ẹnyi a hụnsọnmẹ mkpụrụ a ghọrị ogẹn ịghọ-mkpụrụ.’

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 7:19

Mmẹ kẹ wẹ rịdẹ nwan e mẹ ra? Ẹlẹ enwẹn wẹ kẹ wẹ rị nwan e mẹ, e gi ẹ e gbe ifẹnrẹn e ye enwẹn wẹ ihun? Ya kẹ Osolobuẹ ku.

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Izikẹlụ 23:30

Ịyụ buhẹni enwẹn i ihiẹnni ile makẹni i gbasọn alị ichẹn-ichẹn nọkẹ ịgbaraja, gi mmọn wẹ mẹrụ enwẹn i.

Izikẹlụ 39:24

Omẹrụ wẹ mẹrụ enwẹn wẹ lẹ Iwu m wẹ dan kẹ m gi mẹ wẹ ihiẹn m mẹ wẹ, bupụ wẹ ihun.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Hosia 13:9

Otikpọ kẹ wẹ k'e tikpọ ụnụ, ndị Izrẹlụ! Onyẹ k'e yeni nwan ụnụ ẹka?

Hosia 14:1

Rogharị nị nwan, ndị Izrẹlụ, kweyeni Osolobuẹ wụ Chuku ụnụ makẹni ụnụ a kpọgburugụọ njọ dan.

Hosia 4:16

“Ndị Izrẹlụ ẹbamịn-ugu wụ isi-akwanran rịkẹ onyẹnnyẹ-efin ghalẹni a nụ ihiẹn! Nanị Osolobuẹ e dọn nwan du wẹ kẹ atụnrụn d'e ri ẹfịfịa-oyiyi rijun ẹfọ?

Hosia 5:5

Mpache Izrẹlụ hụ a shịagbu ẹ ẹri; ndị Izrẹlụ, ndị Ifrem, hụ a hanfie ụkụ yeni njọ; ndị Juda hụ e sọn wẹ a hanfie ụkụ.

Hosia 7:2

“Egini wẹ dọn ni m k'a nyanhan njọ wẹ ile. Njọ wẹ e fihunmẹgụọ wẹ nwan; a hụnchanrịngụọ m'a.

Hosia 9:1

Aghọghọzịlẹ ni, ndị rị Izrẹlụ! Eweshizilẹ ni isi elu kẹ alị ndị ọzọ! Ụnụ a latọgụọ Chuku ụnụ rịkẹ ebe okpoho nọ zọ ụkụ ye ọfịa! egho ụnụ rị a kpa ebe ụnụ rị a kpa ogbe hụ a sụọ ụnụ!

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Maịka 1:5

Wẹ ile lala makẹni ụmụ Jekọpụ mẹfie emẹfie, wẹ lala makẹ njọ ikpụlọ Izrẹlụ mẹsọnmẹ. Kị wụ njọ ụmụ Jekọpụ? Ẹlẹ obodo Sameria k'ọ rị? Elebe kẹ ukpo-mmọn jun imẹ Juda? Ẹlẹ Jerusalẹm?

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Ndị Rom 3:18

Egun Osolobuẹ arịdẹ wẹ ẹnya.”

Ndị Han Eṅẹn 10:13

Kanị, ụnụ a gbakitọgụọ m nwan azụụn, femẹ mmọn-lẹ-iyi; azụọpụhakọzị m ụnụ.