Jerimaya 2:17 - Ika

¹⁷ Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 2:17 Iomraidhean Croise

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Jobu 34:27

makẹni e sọnbehigụọ w'a, onwọnzini ihiẹn wẹ kpọ ụzọ a ọwụlẹ.

Jobu 4:8

A hụnọlẹ m'a nị ndị hụn kụn eje-ihiẹn lẹ ndị ghaye nsọngbu, a ghọrị a.

Ẹbụ-ọma 107:7

Ọ nọ duru wẹ ghashi ụzọ rị mma d'e ru obodo wẹ k'e biri.

Ẹbụ-ọma 136:16

Kpanmịn nị Onyẹ hụn du ndị nke ẹ imẹ atụ, makẹni ihiẹn-ọsụsụọ a rị jẹnrin ejẹn.

Ẹbụ-ọma 77:20

Ị nọ du ndị nke i kẹ atụnrụn ghahanị Mozizi lẹ Ẹrọnụ.

Itẹn 15:10

Onyẹ gha ụzọ rị mma kpapụ, a fịan w'a eje-mkpịnsịn; onyẹ hụn sị agwakọ w'a ihiẹn ọwụlẹ k'a nwụnhụn.

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Jerimaya 13:22

Ị k'a jụma enwẹn i, ‘Kị seni m ihiẹnni?’ Njọ ile i mẹ, ịya haịn wẹ gi nwan kpushi ẹbulukun i elu, gi ẹhụ ị mẹ ihiẹn sụọnị wẹ.

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 4:18

“Obibi i lẹ omumẹ i buhẹn'i ihiẹnni. Ọnwan wụ afụnfụn m ye i. Ọ hụ e lu i ilu; ọ fụrugụọ ị akpobi!”

Jerimaya 44:3

eje-ihiẹn ndị bi imẹ wẹ mẹ haịn wẹ gi rị ẹrịra. Njọ wẹ kẹ wẹ gi kpasu m iwe — nsẹnsi w'a mụyeni mmọn lẹ mmọn wẹ rị a rụa, mmọn ndị ụnụ lẹ wẹ lẹ ndị nẹdi ụnụ kanị marịnlẹni.

Jerimaya 5:25

Eje-ihiẹn ndị ụnụ rị e mẹ a napụgụọ ụnụ ihiẹn ndịnị; njọ ụnụ a napụgụọ ụnụ ihiẹn rị mma.

Izikẹlụ 39:24

Omẹrụ wẹ mẹrụ enwẹn wẹ lẹ Iwu m wẹ dan kẹ m gi mẹ wẹ ihiẹn m mẹ wẹ, bupụ wẹ ihun.

Hosia 13:9

Otikpọ kẹ wẹ k'e tikpọ ụnụ, ndị Izrẹlụ! Onyẹ k'e yeni nwan ụnụ ẹka?

Maịka 1:5

Wẹ ile lala makẹni ụmụ Jekọpụ mẹfie emẹfie, wẹ lala makẹ njọ ikpụlọ Izrẹlụ mẹsọnmẹ. Kị wụ njọ ụmụ Jekọpụ? Ẹlẹ obodo Sameria k'ọ rị? Elebe kẹ ukpo-mmọn jun imẹ Juda? Ẹlẹ Jerusalẹm?

Ọgụngụn 32:23

Kanị, omẹni ụnụ emẹn'ẹ, njọ kẹ ụnụ rị e mẹ Osolobuẹ; marịnkwọ nị nị njọ ụnụ jẹnkọ d'e sepụha ụnụ.

Ditrọnọmi 32:10

Alị ịhịan rịlẹni k'ọ nọ hụn a, alị gbachanrịn okpokoro, alị ufere nọ a zụn okẹn-ụzụn. Ọ nọ chemẹ ẹ, lepụ a ẹnya; o gbọnhunmẹ ẹ nọkẹ nwa-ẹnya a,

Ditrọnọmi 32:19

Osolobuẹ a hụn ihiẹnni, jụ wẹ tọ — makẹni ụmụ a ikẹnnyẹ lẹ ikpoho kpasu ẹ iwe.