Jerimaya 2:13 - Ika

¹³ “Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 2:13 Iomraidhean Croise

Ndị-nze Nke Ẹbụọ 22:17

Makẹni a jụgụọ wẹ m tọ, mụmanị mmọn-lẹ-iyi nsẹnsi, gi mmọn-lẹ-iyi ẹka wẹ mẹmẹ kpasu m iwe, m k'e gi olulu m sọn obodoni; onunu m k'e gi sọn ẹ arọkọ.’

Ẹbụ-ọma 36:9

Makẹni ịyụ gi isi-mirin e ye ndụn; ukpẹ i kẹ ẹnyi gi e legha ụzọ.

Ẹkịliziastisi 1:14

A hụnchanrịngụọ m ihiẹn ile w'e mẹ elu-ụwanị rị okpuru ẹnyanwụn; wẹ ile wụ ihiẹn la iwi, ịchụ ufere rọ.

Ẹkịliziastisi 1:2

“Ihiẹn-ọlaliwi rọ! Ihiẹn-ọlaliwi ka ihiẹn-ọlaliwi!” Ya kẹ onyẹ-nkuzi ku. “Ihiẹn-ọlaliwi hụn ka ihiẹn-ọlaliwi rọ! Wẹ ile wụ ihiẹn la iwi.”

Ẹkịliziastisi 12:8

“Ihiẹn ọlaliwi! Ihiẹn ọlaliwi! Ihiẹn ile wụ ihiẹn la iwi!” Ya kẹ Onyẹ-nkuzi ku.

Ẹkịliziastisi 2:11

Kanị, ogẹn m gi lekpọ ihiẹn ile ẹka m rụn, lẹ ọnwụn m lụ ebe m rị a rụn wẹ, wẹ ile wụ ihiẹn-ọlaliwi, ịchụ ufere rọ; onwọnni erere o wẹhẹ elu-ụwanị rị okpuru ẹnyanwụn.

Ẹkịliziastisi 2:21

Makẹni, ịhịan nwọn ikẹn gichanrịn akọ-lẹ-uche lẹ ihiẹn ile ọ marịn lẹ nghọta a ile rụn ọrụn a, o mẹgụ ọ la ihiẹn ile ọ rụn tọnị onyẹ rụnlẹni ihiẹn-anaị. Hụnnị wụzịkwọ ihiẹn ọlaliwi, ẹregede eje-ihiẹn.

Ẹkịliziastisi 2:26

Onyẹ hụn ihiẹn ẹ sụọ Chuku, o ye ẹ amamihiẹn, mẹ ẹ marịn ihiẹn o furu n'ọ marịn, mẹ ẹfọ a sụọ a ụsụọ; kanị, nke onyẹ njọ, ogbo o ye ẹ wụ ịkpatọ lẹ iwe ẹ ye onyẹ ihiẹn ẹ a sụọ Chuku. Hụnnị wụzịkwọ ihiẹn-ọlaliwi lẹ ịchụ ufere!!

Ẹkịliziastisi 4:4

M nọ hụn a nị nlụkpọ ile lẹ nka ile ịhịan e mẹ wụ makẹ ibe ẹ gha a karị a. Kanị ọnwan wụzịkwọ ihiẹn ọlaliwi, ịchụ ufere rọ.

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 12:3

Ụnụ k'a rị a ghọghọ a dọrị nzụọpụha nọkẹ mirin imẹ ọmị nzụọpụha.

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Azaya 55:2

Kị ụnụ rị e tuhuni egho e ṅọn ihiẹn wụlẹni ihiẹn-oriri, a rụngbu enwẹn ụnụ yeni ihiẹn ghalẹni e jun ẹfọ? Gọn m ntịn ọhụnma-ọhụnma, n'ị hụn ụzọ ri ihiẹn rị mma, ezigbo ihiẹn-oriri hụn jẹnkọ d'a rịchanrịn ị mma.

Azaya 63:8

O te sị, “Eziẹ, ndị nke m kẹ wẹ wụ, ụmụ m hụn jẹnkọlẹni d'e mẹ m ẹro.” Ya k'ọ nọ wụrụ Onyẹ-nzụọpụha wẹ.

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 14:3

Ndị-isi hụ e zi idibo wẹ d'a chọ mirin; wẹ hụ e jẹn ọmị ile d'a chọ mirin, kanị arị wẹ a hụn mirin. Wẹ hụ e bulụa okpokoro ẹgbo-mirin, amarịnzị wẹ hụn w'e mẹ, e gi wẹ ẹka kpumẹ ihun yeni ifẹnrẹn.

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 18:14

Mirin-ọchan wụ sno e ziẹnjun imẹ alị Lẹbanọnụ, hụn rịsọnmẹ mkpọtu ugu Lẹbanọnụ e dẹnpụdẹ nwan edẹnpụ ra — mirin oyi hụn gha ebẹhụ tegbu enwẹn ẹ huhẹ, e huhẹbehi e huhẹbehi?

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 2:11

o nwọntughọ alị latọ mmọn wẹ femẹ ọzọ? Ọsụọn'a nị mmọn ndị ahụn ẹlẹ ezigbo ẹ. Bụ ndị nke m a latọgụọ mmẹ hụn wụ ọghọ wẹ, gi mmọn nwọnlẹni isi nọkin ẹnya m.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 2:26

Kẹ ohin wẹ nwụn dọn a fa, ẹrịra kẹ ikpụlọ Izrẹlụ dọn fa — kẹ uwẹ kẹ ndị-nze wẹ kẹ ndị-isi wẹ kẹ ndị nchụn-ẹjan wẹ kẹ ndị-amụma wẹ.

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 5:26

Ndị eje-ịhịan hụ imẹ ndị nke m, ndị a warị e che ịhịan nọkẹ onyẹ a kpọtọnị nnụnụ ọnyan; wẹ hụ a kpọtọ ọnyan a nwụn ịhịan.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Izikẹlụ 14:5

M k'e mẹ ẹ kẹni m gi ẹ nwụndọn ndị Izrẹlụ, mẹ ihiẹn rị wẹ obi pụha ifọn, makẹni obi wẹ ile a pụgụọ ebe m rị yeni mmọn ile wẹ rị e fe.’

Izikẹlụ 47:1

Okẹnnyẹ ahụn rị a ghọsị m ihiẹn nọ wekinhẹn m imẹ Ụlọ-nsọ, we shi ebe wẹ gha a banye Ụlọ-NSỌ kẹti-kẹti: E lee mirin rị a mụpụha okpuru ọnụmụzọ Ụlọ-NSỌ! Ọ hụ e hushi ibe ọwụwa-ẹnyanwụn, azụụn hụ Ụlọ-NSỌ bu ihun zinmẹ. Nkọ ndịdan Ụlọ-NSỌ k'ọ ghachanrịn rị e hupụha, e hughafezi ukpo nchụn-ẹjan nkọ hụ.

Maịka 2:8

Ikpanzụụnnị, ụnụ rị e mẹ ndị nke m kẹ eṅẹnrẹn: a napụ ịhịan ẹwuru o yi ẹhụ, nwa ịhịan ghafekọ nke ẹ rịlẹni e ro oku, nọkẹ ndị gha agha lala.

Maịka 6:3

“Kịnị kẹ m mẹ ụnụ, ndị nke m? Kị m mẹ ndụn m gi gụ ụnụ? Za nị m nwan!

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:11

Okpoho hụ nọ sị a, “Diọkpa, ọmịnị mi emi bụ y'e gi mkpu wẹ gi a dọ mirin. Elebe y'a nọ nwan wẹhẹ mirin ahụn e ye ndụn?!

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 7:37

Ụhụọhịn ikpanzụụn mmẹmmẹ hụ, hụn wụ ụhụọhịn kachanrịn mkpa, Jesu nọ wuzo ọtọ, yi, “Onyẹ ẹgụn mirin rị a gụn, ya bịa d'e kunrun m n'ọ ra!

Ditrọnọmi 31:16

Osolobuẹ nọ sị Mozizi, “Y'e d'a nwụnhụn laburu ndị nẹdi i wẹ. Ị pụgụ, o biekọ ndịnị e we enwẹn wẹ ye kẹ ịgbaraja, kwamanị mmọn-lẹ-iyi alị ahụn wẹ banyekọ. Wẹ jẹnkọ d'a la m tọ, tikpọ Iwu m hụn kwọngbama mmẹ lẹ wẹ.

Pita Nke Ẹbụọ 2:17

Ndị nkuzi-ntụ ndịnị wụ isi-mirin tahịnị; igirigi ufere bukọ; uwẹ kẹ wẹ dọnmẹni ishi ka ishi.

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Ndị Han Eṅẹn 10:13

Kanị, ụnụ a gbakitọgụọ m nwan azụụn, femẹ mmọn-lẹ-iyi; azụọpụhakọzị m ụnụ.

Samuẹlụ Nke Ibuzọ 12:10

Ya wẹ nọ kwanghọsị Osolobuẹ, sị, ‘Ẹnyi e mẹọlẹ njọ; ẹnyi a latọgụọ Osolobuẹ, femẹ Baalụ lẹ Ash'ta. Ka gbapụha ẹnyi nwan ẹka ndị-iṅẹnrẹn ẹnyi, ẹnyi jẹnkọ d'e fe i.’