Jerimaya 2:11 - Ika

¹¹ o nwọntughọ alị latọ mmọn wẹ femẹ ọzọ? Ọsụọn'a nị mmọn ndị ahụn ẹlẹ ezigbo ẹ. Bụ ndị nke m a latọgụọ mmẹ hụn wụ ọghọ wẹ, gi mmọn nwọnlẹni isi nọkin ẹnya m.

Jerimaya 2:11 Iomraidhean Croise

Ndị-nze Nke Ibuzọ 11:33

M k'a napụ Solomọnụ ya makẹni a lagụọ wẹ m tọ, femẹ Ash'ta onyẹnnyẹ-mmọn ndị Sidọnụ, Kẹmọshi mmọn ndị Mụabụ lẹ Molẹkị mmọn ndị Amọnụ; esọnni wẹ ụzọ m, emẹni wẹ ihiẹn rị mma ẹnya m, esọnni wẹ uhi m lẹ iwu m kẹ Defidi nẹdi Solomọnụ dọn mẹ.

Ndị-nze Nke Ẹbụọ 1:3

Kanị mmọn-ozi Osolobuẹ nọ bịa d'e kunrun Ẹlaịja onyẹ Tishibẹ, sị a, “Lihi ọtọ d'e kunrun ndị eze Sameria zi, nị ị jụ wẹ, ‘Chuku arịdẹ nwan Izrẹlụ haịn ọnụ gi jẹnkọ d'a jụ Baalụ-Zẹbubu mmọn ndị Ẹkrọnụ ọnụ?’

Ihiẹn Mẹni Nke Ẹbụọ 13:9

Ụnụ a chụpụgụọnị ndị nchụn-ẹjan Osolobuẹ, hụn wụ ụmụ Ẹrọnụ, uwẹ lẹ ndị Livaị, tumẹrin ndị nchụn-ẹjan ụnụ, kẹ ndị alị ndị ọzọ dọn e mẹ? Onyẹ wẹhẹhụ nwa-efin mọbụ mmụ ebulu ẹsa d'e fepụ ẹhụ, o họnrin onyẹ nchụn-ẹjan mmọn — mmọn ndị wụlẹni Chuku.

Ẹbụ-ọma 106:20

E gi wẹ okẹn-efin e ri ẹfịfịa hụn wẹ kpụ nọkin ẹnya Osolobuẹ hụn wụ Ọghọ wẹ.

Ẹbụ-ọma 115:4

Kanị mmọn wẹ wụsọnmẹ siliva lẹ goru mmakalaka, ọrụn-ẹka ịhịan mmaka.

Ẹbụ-ọma 3:3

Kanị Osolobuẹ, ịyụ wụ onyẹ e che m nche, ọghọ m lẹ onyẹ a tụnị m ụya.

Azaya 37:19

tụ mmọn wẹ ile ye imẹ ọkụn — makẹni ẹlẹ wẹ ezigbo ẹ, mkp'osisi lẹ ọmụma hụn ịhịan gi ẹka mẹmẹ kẹ wẹ wụhụ.

Jerimaya 16:20

Ịhịan e mẹmẹdẹ nwan ihiẹn o sikọ d'e fe ra? Ihiẹn wẹ e mẹmẹ ẹlẹ Chuku!”

Jerimaya 18:13

“Ufiri ẹ, mmẹ wụ Osolobuẹ sị, ‘D'a jụsọnmẹ ni ndị alị ichẹn-ichẹn: onyẹ nụtu ihiẹn nọ ẹnịna? Nwagbọọ wụ Izrẹlụ e mẹọlẹ arụ ka arụ!

Jerimaya 2:5

Lee ni ihiẹn Osolobuẹ ku: ‘Elee eje-ihiẹn kẹ ndị nẹdi ụnụ hụn m ẹka, wẹ gi gbateni m ẹnịna? E sọnmẹ wẹ mmọn nwọnlẹni isi wẹ kpụ, wẹ nwẹn nọzilẹni nwọn isi.’

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 5:7

Osolobuẹ sị, “Nanị m'a dọn gbagharị ị? Mmụ ị a lagụọ m tọ, hịma mmọn ichẹn-ichẹn furulẹni wẹ fe. Ọsụọn'a nị m yesọnmẹ wẹ ihiẹn ile rị wẹ mkpa, wẹ hụzịkwọ a ghẹrẹ, e rujẹn nke ndị ịgbaraja.

Izikẹlụ 14:5

M k'e mẹ ẹ kẹni m gi ẹ nwụndọn ndị Izrẹlụ, mẹ ihiẹn rị wẹ obi pụha ifọn, makẹni obi wẹ ile a pụgụọ ebe m rị yeni mmọn ile wẹ rị e fe.’

Izikẹlụ 5:7

Mmẹ, Osolobuẹ hụn nwọn ihiẹn ile, rị nwan a sị: Ebe o mẹ ni ụnụ e nupụgụọ isi karị alị ndị nọkunmẹni ụnụ, nke wụnị ụnụ egini iwu m bi, ụnụ ara mẹ ihiẹn m sị ụnụ mẹ, ụnụ asadẹni nwan ẹka biru obibi alị ndị nọkunmẹni ụnụ,

Maịka 4:5

Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Ndị Rom 1:23

hụn nkẹ w'e gi fe Osolobuẹ ghalẹni a nwụn, e fesọnmẹ wẹ mmọn wẹ kpụ — kẹ ndị yi ịhịan mmaka a nwụnnị kẹ ndị yisọnmẹ anụ nwọn ụkụ ẹnọ lẹ nnụnụ lẹ ihiẹn ndị a rịnị!

Ndị Kọrẹntị Ibuzọ 8:4

O mẹ nwan nke iri ihiẹn-oriri wẹ gi rụa mmọn, ẹnyi a marịnghọ nị imẹ ụwa ile, onwọnni ihiẹn mmọn wẹ kpụ akpụ wụ, ẹnyi a marịnzịghọ nị Chuku ohu sụọ rị — ọzọ arịa.

Ndị Galeshịa 4:8

Mgbe mbụ, ogẹn ụnụ kelẹni marịn Osolobuẹ, ụnụ te wụ igbọn ihiẹn ichẹn-ichẹn furulẹni w'e fe hụn ụnụ e fe.

Ditrọnọmi 32:16

E gi wẹ ife mmọn-lẹ-iyi mẹ ẹnya fụma a, gi ihiẹn ndị ahụn rụnị wẹ kpụ kpasu ẹ iwe.

Ditrọnọmi 32:21

E gigụọ wẹ ihiẹn ahụn wụlẹni Chuku mẹ ẹnya fụma m, gi ihiẹn nwọnlẹni isi wẹ kpụ kpasu m iwe. M k'e gi ndị wụlẹni ihiẹn ọwụlẹ mẹ ẹnya fụma wẹ; m k'e gi alị nwọnlẹni nghọta kpasu wẹ iwe.

Ditrọnọmi 33:29

Osolobuẹ a gọzikẹkwọ ị, Izrẹlụ! Onyẹ nọzị nwan kẹ ụnụ, ndị Osolobuẹ zụọpụha? Ịya wụ akpaịn ụnụ lẹ Onyẹ-eyemẹka ụnụ, lẹ okẹn ọpịa-agha ụnụ. Ndị iṅẹnrẹn ụnụ jẹnkọ d'a manị ụnụ piripiri; ụnụ jẹnkọ d'a zọkpụkpọ ebe ile wẹ gi dọn ẹnya.”

Pita Ibuzọ 1:18

Ụnụ a marịngụọ nị ẹlẹ siliva mọbụ goru e wiwini kẹ wẹ gi gbapụha ụnụ imẹ eje-ihiẹn ndị ahụn ụnụ mụnarịn ndị nẹdi ụnụ,

Samuẹlụ Nke Ibuzọ 4:21

Ọ nọ gụn nwata hụ “Ikabodu”, hụn wụ, “Ọghọ a la!” Ihiẹn o gi gụn a ẹfannị wụnị e buru wẹ Ẹkpẹti-nsọ Chuku lẹni nẹdi di ẹ lẹ di ẹ a nwụnhụn.