Jerimaya 19:5 - Ika

⁵ A tụnsọnmẹgụọ wẹ ukpo wẹ nọ a rụa Baalụ, a nọ imẹ wẹ a kpọ ụmụ wẹ ọkụn, gi chụnyeni Baalụ ẹjan. Onwọnni ogẹn m gi sị wẹ mẹ ihiẹn nọ ẹnịna mọbụ kud'ẹ oku ẹ; uche m a gbatudẹn'ẹ.

Jerimaya 19:5 Iomraidhean Croise

Ndị-nze Nke Ẹbụọ 17:17

E gidẹ wẹ ụmụ wẹ ikẹnnyẹ lẹ ikpoho chụnnị mmọn ẹjan w'a dụn ọkụn. A gba wẹ ẹfa, a gwọ wẹ ọgụn — re enwẹn wẹ ye eje-ihiẹn, kpasu Osolobuẹ iwe.

Ndị-nze Nke Ẹbụọ 21:6

O gi nwa okẹnnyẹ ẹfọ a chụn ẹjan w'a dụn ọkụn, o gizighọ ikẹn ọzọ e mẹ ihiẹn, a gba ẹfa, e buru ndị-ihẹnrẹn lẹ ndị wẹ lẹ ndị mmọn gba e ku. O mẹkẹnmẹ ihiẹn rịlẹni mma ẹnya Osolobuẹ, a kpasu ẹ iwe.

Ihiẹn Mẹni Nke Ẹbụọ 28:3

Ọ chụn ẹjan wẹ dụn ọkụn imẹ Ọdanmgbugbu Bẹn-Hinọm, gi ụmụ a ikẹnnyẹ chụn ẹjan w'a dụn ọkụn. O mẹsọnmẹ ihiẹn rụnị, hụn alị ndị hụ Osolobuẹ chụpụ buche ndị Izrẹlụ e mẹ.

Jerimaya 32:35

A tụnsọnmẹ wẹ ukpo wẹ nọ a rụa Baalụ ye imẹ Ọdanmgbugbu Bẹn-Hinọm, a nọ ebẹhụ e gi ụmụ wẹ ikẹnnyẹ lẹ ikpoho a chụnyeni mmọn wụ Molẹkị ẹjan — bụ ezini m wẹ, obi m eshitudẹni izi wẹ d'e mẹ arụ nọ ẹnịna; wẹ nọ gi ẹ dọ Juda ye imẹ njọ.

Izikẹlụ 16:36

Osolobuẹ Nwọn Ihiẹn Ile sị: Makẹni y'e kwọndọnzini enwẹn i lẹ ufiri ọtọ ị ndị yụ lẹ wẹ rị a sụọ hụn ebe ị rị a ghẹrẹ lẹ ufiri mmọn ị ndị hụ e ze m ize lẹ ẹdeke mmụ ị i gbuni wẹ,

Izikẹlụ 20:26

e mẹ m wẹ gi oyiye ndị hụ wẹ rị e ye mmọn rụ — ẹjan ndị hụ wẹ gi nwa-ibuzọ wẹ a chụn, kẹni ize enwẹn wẹ ban wẹ, e gi w'ẹ marịn nị mmẹ wụ Osolobuẹ.

Izikẹlụ 38:10

“ ‘Osolobuẹ Nwọn Ihiẹn Ile sị: o ru ogẹn ahụn, y'e romẹ ihiẹn i k'e ro, y'a mama eje-ihiẹn.

Daniẹlụ 2:29

“Kẹ yụ wụ eze dinẹ ebahụn, obi i nọ shi ihiẹn ndị k'e mẹ ihun, onyẹ hụn a ghọsị ịhịan ihiẹn-omimi n'ọ ghọsị ị ihiẹn k'e mẹni.

Lẹvitikọsụ 18:21

“Eyekwọlẹ wẹ nwa ị ọwụlẹ gi chụnyeni Molẹkị ẹjan; emẹrụlẹ ẹfan Chuku ụnụ. Mmẹ wụ Osolobuẹ.

Ọgụngụn 22:41

Eki e fọn, Balakị nọ weri Balaam, shi elu ugu Bamotu Baalụ, ọ nọ gha ebahụn legha ụfọdụ ndị rị imẹ igunrun Izrẹlụ.

Ditrọnọmi 12:31

Efekwọlẹ ni Osolobuẹ wụ Chuku ụnụ kẹ wẹ dọn e fe mmọn-lẹ-iyi wẹ; makẹni, wẹ gha e fe mmọn-lẹ-iyi wẹ, w'e mẹsọnmẹ eje-ihiẹn ile Osolobuẹ a sọ: w'a dụndẹ ụmụ wẹ ikẹnnyẹ lẹ ikpoho ọkụn, e gi wẹ a chụnyeni mmọn-lẹ-iyi wẹ ẹjan!