Jerimaya 19:4 - Ika

⁴ M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 19:4 Iomraidhean Croise

Ndị-nze Nke Ẹbụọ 21:16

Manasẹ e gbuzighọ ndị bu ọda nwọnlẹni ihiẹn wẹ mẹ, nke wụnị ẹdeke wẹ e jun Jerusalẹm, gha isini d'e ru isini, cheni njọ hụn ọ dọ Juda ye imẹ ẹ, nke wụnị e mẹ wẹ eje-ihiẹn ẹnya Osolobuẹ.

Ndị-nze Nke Ẹbụọ 23:10

Josaya e mẹrụzịghọ Tofẹtị hụn rị Ọdanmgbugbu Bẹn-Hinọm, makẹ wẹ ghazị e gi ụmụ wẹ ikẹnnyẹ lẹ ikpoho a chụnnị Molẹkị ẹjan w'a dụn ọkụn.

Ndị-nze Nke Ẹbụọ 24:4

kẹ ẹdeke ndị nwọnlẹni ihiẹn wẹ mẹ Manasẹ gbu. Makẹni Manasẹ mẹ ẹdeke ndị nwọnlẹni ihiẹn wẹ mẹ jun imẹ Jerusalẹm — ndị nwọnlẹni ihiẹn wẹ mẹ hụn o gbu; ufiri ẹ, Osolobuẹ achọnị n'ọ gbagharị.

Ẹbụ-ọma 106:38

gbumẹ ụmụ wẹ ikẹnnyẹ lẹ ikpoho nwọnlẹni ihiẹn wẹ mẹ, e gi wẹ a chụnyeni mmọn ẹjan mmọn ndị rị alị Kenaanị; ẹdeke ndị ahụn ile wẹ gbu nọ mẹrụ alị.

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Azaya 65:11

Kanị, ụnụ ile hụn gbakitọ Osolobuẹ azụụn, zọchanrịn ofufe ụnụ e fe m Ugu nsọ m; ụnụ ile hụn e fe Isi-ẹwẹrẹ, e butọn'a ihiẹn-oriri, e fe Okeri, e hugbaman'a manya, e mẹjunn'ẹ mkpu;

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 16:11

Sị wẹ nị Osolobuẹ sị, ‘Makẹni ndị nẹdi ụnụ kanị gbakitọ m azụụn, sọnmẹ mmọn ichẹn-ichẹn, e fe wẹ, a kpọnị wẹ isi-alị; wẹ gbakitọ m azụụn; edọnmẹni wẹ Iwu m.

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 17:20

Sị wẹ: Gọn nị ntịn ihiẹn Osolobuẹ ku, ụnụ ndị-nze alị Juda lẹ ndị Juda ile lẹ ndị ile bi Jerusalẹm, hụn a gha ọnụ-mgbọn ndịnị a banhan.

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 2:34

Ẹdeke rị ụnụ ẹbulu-ukun — ẹdeke ndị-igbẹnnyẹ nwọnlẹni ihiẹn wẹ mẹ — ụnụ nwụnlẹni ebe wẹ rị e gbukpọ ụlọ. Ihiẹn ndịnị ile mẹni,

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Jerimaya 26:15

Ka marịnkwọ nị, nị ụnụ gbu m, ikpe a ma ụnụ lẹ obodoni lẹ ndị ile bi imẹ ẹ nị ụnụ gbu onyẹ nwọnlẹni ihiẹn o mẹ, makẹni, ezioku-ezioku, Osolobuẹ ịya zi m d'a gwa ụnụ ihiẹn ndịnị nị ụnụ nụ.”

Jerimaya 26:23

Wẹ nọ gha Ijiptu nwụnlụa Yuria, w'ẹ ye eze wụ Jehoyakim. Jehoyakim nọ gi ọpịa-agha gbu ẹ, tụ ozun ẹ ye ikpẹkpẹ ndị mmaka.

Jerimaya 44:3

eje-ihiẹn ndị bi imẹ wẹ mẹ haịn wẹ gi rị ẹrịra. Njọ wẹ kẹ wẹ gi kpasu m iwe — nsẹnsi w'a mụyeni mmọn lẹ mmọn wẹ rị a rụa, mmọn ndị ụnụ lẹ wẹ lẹ ndị nẹdi ụnụ kanị marịnlẹni.

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 7:6

ụnụ a bịangbubehi abịamabịa bi alị ụnụ lẹ ụmụ nwọnlẹni nẹdi lẹ ikpoho di nwụnnahịn, gbubehi ndị nwọnlẹni ihiẹn wẹ mẹ ụnụ alịnị, sọnbehi mmọn-lẹ-iyi ndị ahụn ụnụ rị e sọn rị a na ụnụ isi,

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Ẹkwan 4:13

Kanị, o mẹghọ — makẹ njọ ndị-amụma a lẹ ụrụ ndị nchụn-ẹjan a, hụn nọsọnmẹ imẹ ẹ gbu ndị ezi-omumẹ.

Izikẹlụ 20:26

e mẹ m wẹ gi oyiye ndị hụ wẹ rị e ye mmọn rụ — ẹjan ndị hụ wẹ gi nwa-ibuzọ wẹ a chụn, kẹni ize enwẹn wẹ ban wẹ, e gi w'ẹ marịn nị mmẹ wụ Osolobuẹ.

Izikẹlụ 7:22

M k'e fepụdẹ ẹnya, itumunyẹ ndị ahụn e mẹrụ Ụlọ-nsọ m hụ rị m mkpa, ndị ohin a banye ẹ, mẹrụ a.

Izikẹlụ 8:11

Madụ iri kwasị ọgụn-ẹtọ imẹ ndị-ichẹn Izrẹlụ wuzo ihun ihiẹn ndị hụ wẹ seye ẹhụ-ụlọ; Ja-azanịa nwa Shafanị rị imẹ wẹ. Onyẹ-onyẹ imẹ wẹ gi mkpu nsẹnsi, ẹnwụnrụn nsẹnsi hụ a lọshi elu.

Daniẹlụ 11:31

“Ndị-agha a k'a pụha d'e mẹrụ Ụlọ-nsọ, ebẹhụ Izrẹlụ gi e dọn ẹnya, kagbu ẹjan w'a chụnyeni Osolobuẹ ụhụọhịn-ụhụọhịn, a bịa wẹ d'e tumẹ arụ ahụn hụn e buhẹ ntikpọ.

Luku 11:50

Ẹghẹẹ, kẹni wẹ jụ agbọnị ukwere ẹdeke ndị-amụma ile wẹ gbu kete wẹ kelẹ ụwa —

Ditrọnọmi 13:13

nị o nwọn ndị-ejẹ gha imẹ igunrun ụnụ kpapụ, dufie ndị bi obodo wẹ, sị, “Nị ẹnyi jẹn ni d'e fe mmọn-lẹ-iyi”, a chọ nị wẹ mẹ wẹ fe mmọn-lẹ-iyi ndị ahụn ụnụ ghalẹni e fe,

Ditrọnọmi 13:6

Omẹdẹni nwẹnẹ ẹfọ ị mọbụ nwa ị okẹnnyẹ mọbụ nwa ị okpoho mọbụ nwunyẹ i hụn ihiẹn ẹ a sụọ ị mọbụ ọwụ ị kẹnkẹnkẹn e gi nzuzue rẹrẹ i, sị ị, “Nị ẹnyi jẹn d'e fe mmọn-lẹ-iyi”, ọ chọkọ n'o mẹ i fe mmọn-lẹ-iyi ndị o mẹ ni kẹ ịyụ kẹ ndị nẹdi i ghalẹni e fe,

Ditrọnọmi 28:20

Osolobuẹ lẹ enwẹn ẹ k'e zi ọnụ-ẹsọn lẹ isusu lẹ ụya ye imẹ ihiẹn ile ụnụ buche ẹka, d'e ru n'e tikpọ wẹ ụnụ ru alị, makẹ eje-ihiẹn ụnụ mẹ ebe ụnụ nọ jụ m.

Ditrọnọmi 28:36

Osolobuẹ k'a chụ ụnụ lẹ eze ụnụ hụn ụnụ tumẹ shi alị ụnụ lẹ ndị nẹdi ụnụ marịnlẹni. Ụnụ k'a nọ ebẹhụ fe mmọn, mmọn ndị wẹ gi osisi lẹ ọmụma mẹmẹ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Ndị Han Eṅẹn 5:8

Ogẹn ndị Izrẹlụ gi họrị ihiẹn ọzọ femẹ, agha nọ ru ọnụ-mgbọn obodo. Ahụnnị wẹ akpaịn imẹ Izrẹlụ, a hụnnị wẹ obo, kẹ imẹ ndị-agha Izrẹlụ nnụ-uku ọgụnnaị!