Jerimaya 19:13 - Ika

¹³ Ụlọ ndị rị Jerusalẹm lẹ obi-eze ndị-nze Juda jẹnkọ d'a rụ nọkẹ Tofẹtị ebeni, ụlọ ile wẹ nọ elu wẹ chụnyesọnmẹni ihiẹn ile rị igwere ẹjan nsẹnsi, nọ elu wẹ huyesọnmẹni mmọn ndị ọzọ manya.’ ”

Jerimaya 19:13 Iomraidhean Croise

Ndị-nze Nke Ẹbụọ 17:16

A latọ wẹ ihiẹn ile Osolobuẹ wụ Chuku wẹ sị wẹ e mẹ, gi igwe kpụrụ ụmụ-efin ẹbụọ femẹ, zumẹ osisi wẹ gi a rụa Ashẹra. A kpọnị wẹ ihiẹn ile rị igwere isi alị, e fe wẹ mmọn Baalụ.

Ndị-nze Nke Ẹbụọ 23:10

Josaya e mẹrụzịghọ Tofẹtị hụn rị Ọdanmgbugbu Bẹn-Hinọm, makẹ wẹ ghazị e gi ụmụ wẹ ikẹnnyẹ lẹ ikpoho a chụnnị Molẹkị ẹjan w'a dụn ọkụn.

Ndị-nze Nke Ẹbụọ 23:12

Ọ kụtu ukpo nchụn-ẹjan ndị hụ ndị-nze Juda rụnye elu obi-eze ẹhụ mmughẹ Ahazị rị ibe elu, kụtuzi hụn ndị Manasẹ rụnye imẹ ezi-ọgwa ẹbụbụọ rị Ụlọ-nsọ Osolobuẹ. O bupụ wẹ ebẹhụ, kụkpọchanrịn wẹ kpọnye Ọdanmgbugbu-Kidrọnụ.

Ndị-nze Nke Ẹbụọ 23:14

O tikpọzịghọ ọmụma ndị wẹ tumẹ w'e fe, gbutusọnmẹ osisi ndị wẹ zumẹ wẹ gi e fe Ashẹra, kpọn ọkpụkpụ ịhịan jun ebẹhụ gi mẹrụ a.

Ẹbụ-ọma 74:7

A dụngụọ wẹ Ụlọ-nsọ ị ọkụn ru alị; e mẹrụgụọ wẹ ebẹhụ rị a za ẹfan ị.

Ẹbụ-ọma 79:1

Chuku, ndị alị ọzọ a banhangụọ alị ị; e mẹrụgụọ wẹ Ụlọ-NSỌ ị, e tikpọgụọ wẹ Jerusalẹm, o họnrin mkpọkọ-mkpọkọ!!

Azaya 22:1

Lee ihiẹn Chuku ku banyeni Jerusalẹm, Ọdanmgbugbu Ozi-Osolobuẹ. Kị wụ nwan nsọngbu ụnụ, hụn ụnụ ile gi nwan shi elu ụlọ.

Jerimaya 19:12

Ẹrịra kẹ m jẹnkọ d'e mẹ ebeni lẹ ndị rịn'a, mmẹ wụ Osolobuẹ ku ẹ. M k'e mẹ obodoni n'ọ rị kẹ Tofẹtị.

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Jerimaya 44:18

Kete ẹnyi chụnbehini Eze-okpoho Elu-igwee ẹjan, tụyebehin'ẹ manya, onwọnzini ihiẹn ẹnyi nwọn, ọpịa-agha lẹ ụnwụn hụ e gbu ẹnyi.”

Jerimaya 52:13

Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Jerimaya 7:18

Ụmụẹka kpashimẹ ọkụn, ndị nẹdi wẹ a mụye ọkụn, ikpoho e shi ihiẹn-oriri wẹ gi a rụa mmọn wẹ w'a kpọ ‘Eze-okpoho Elu-igwee.’ Wẹ hụ a tụ manya e yeni mmọn ichẹn-ichẹn, e gi ẹ a kpasu m iwe.

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Zẹfanaya 1:5

M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Ọrụn Ndị-ozi 10:9

Eki e fọn, ibẹka ọkụrọkụ mmẹbụọ efinnaị anwụn gi a rị isi, ikẹnnyẹ ahụn e rumẹ obodo hụ. Ogẹn hụ kẹ Pita nkẹ gi shi elu ụlọ d'e mẹ ekpere.

Ọrụn Ndị-ozi 7:42

Ya kẹ Osolobuẹ nọ gbakitọ wẹ azụụn, ha wẹ ye nị wẹ femẹ ihiẹn ndị rị igwere. Ya kẹ ndị-amụma de, sị, ‘Heuu, ikpụlọ Izrẹlụ! Ẹlẹkwọ mmẹ kẹ ụnụ gbuni anụ ndị ahụn; ẹlẹ mmẹ kẹ ụnụ chụnyesọnmẹni ẹjan ndị ahụn imẹ atụ ọrọgbọ ahụa ọgụnnaị.

Ditrọnọmi 4:19

Ụnụ lekwọ ẹnya elu-igwere, hụn ẹnyanwụn lẹ ifọn lẹ kokisẹ, ihiẹn ile rị igwere, anịkwọlẹni wẹ chanban ụnụ ẹnya, ụnụ a kpọma nị wẹ isi alị, femẹ ihiẹn-okike mmaka ndị ahụn Osolobuẹ wụ Chuku ụnụ ketọnị ụwa ile.