Jerimaya 18:8 - Ika

⁸ nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 18:8 Iomraidhean Croise

Ihiẹn Mẹni Nke Ẹbụọ 12:6

Ndị-isi Izrẹlụ lẹ eze nọ welụa enwẹn wẹ alị, sị, “Osolobuẹ wụ onyẹ-ezioku.”

Ẹbụ-ọma 106:45

O gi ufiri wẹ a nyanhan nkwa a, e mẹni wẹ omikẹn, yeni okẹn ihiẹn-ọsụsụọ a.

Ẹbụ-ọma 135:14

makẹni Osolobuẹ k'a tụnị ndị nke ẹ ụya, o k'e mẹ omikẹn idibo ẹ.

Ẹbụ-ọma 90:13

Osolobuẹ dodo, elee mgbe k'i k'e webehi iwe, n'i mẹni idibo i omikẹn!

Ọpụpụ 32:12

O ru ndị Ijiptu e sị, ‘O wepụha wẹ n'o mẹ wẹ eje-ihiẹn, n'o gbu wẹ tọ elu ugu ndịnị, kẹn'o kpọnchanpụ wẹ elu-ụwa.’ Dodo, bubehi nwan olulu; etikpọlẹ ndị nke i.

Ọpụpụ 32:14

Ya Osolobuẹ nọzilẹni mẹ ihiẹn ọ sị o k'e mẹ wẹ; o tikpọzịnị wẹ k'o te dọn ku.

Jerimaya 12:16

Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 26:13

Ka bihutọ nị nwan ẹka, mẹbehi eje-ihiẹn; gọn ni Osolobuẹ wụ Chuku ụnụ ntịn, kẹni Osolobuẹ rohutọ, latọ ihiẹn ọ sị o k'e mẹ ụnụ.

Jerimaya 26:19

“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”

Jerimaya 26:3

Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Jerimaya 36:3

Ikẹnkwọ ndị Juda a nụ ihiẹn ile m chọ nị m mẹ wẹ, onyẹ-onyẹ e bihutọ ẹka, mẹbehi eje-ihiẹn ọ rị e mẹ, a gbagharị m wẹ eje-omumẹ wẹ lẹ njọ wẹ.”

Jerimaya 42:10

Omẹni ụnụ e rohutọ, nọdị alịnị, m sikọ d'a gọzi ụnụ; m k'a tụn ụnụ kẹ ụlọ, etikpọkọ m ụnụ; m k'a gbọma ụnụ, ehuepụkọ m ụnụ — makẹni ọ fụka m nị m mẹ ụnụ ihiẹnni ile m mẹ ụnụ.

Izikẹlụ 18:21

“Kanị, omẹni onyẹ-njọ e bihutọ ẹka, mẹbehi njọ ile ọ rị e mẹ, mẹmẹ ihiẹn ile m sị wẹ e mẹ, e mẹ onyẹ ọwụlẹ k'o furu, e mẹ ihiẹn furuni, o k'a rịrịrị ndụn; ọ nwụnkọ.

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Izikẹlụ 33:12

“Nwa-ịhịan, sị nwan ndị alị ụnụ, ‘Onyẹ ezi-omumẹ nupụ isi, ezi-omumẹ ẹ azụọpụhakọ a; eje-ihiẹn hụn eje-ịhịan mẹ egbukọ a omẹni ọ latọ a, bimẹ ọhụnma. Onyẹ ezi-omumẹ mẹ njọ o gikọ ezi-omumẹ hụn o mẹ mbụ rị ndụn.’

Izikẹlụ 33:13

M sị onyẹ ezi-omumẹ n'o k'a rịrịrị ndụn, bụ o gi ezi-omumẹ ẹ dọn ẹnya, mẹmẹ eje-ihiẹn, anyanhankọ wẹ ezi omumẹ ẹ; o k'a nwụnrịrị.

Izikẹlụ 33:14

O mẹzikwọ nị m sị eje-ịhịan, ‘Ị k'a nwụnrịrị!!’ kanị o bihutọ ẹka, mẹmẹ ihiẹn furuni, mẹmẹ ezi-omumẹ —

Hosia 11:8

Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Jona 4:2

Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Ndị Han Eṅẹn 2:18

Ogẹn ọwụlẹ Osolobuẹ gi ye ndị Izrẹlụ onyẹ-ndu a hannị wẹ eṅẹn, o sikọ d'a nọyeni onyẹ-ndu hụ, zụọpụha wẹ ẹka ndị-iṅẹnrẹn wẹ onyẹ-ndu hụ e we nwụn, makẹni omikẹn wẹ e mẹ Osolobuẹ wẹ gha a sụn udẹn okpuru ndị rị e mẹshi wẹ ikẹn a bịangbuni wẹ.