Jerimaya 18:18 - Ika

¹⁸ O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 18:18 Iomraidhean Croise

Samuẹlụ Nke Ẹbụọ 15:31

A gwagụọ wẹ Defidi, sị, “Ahitofẹlụ rị ndị wẹ lẹ Absalọm gba zun'i umẹ.” Defidi nọ mẹ ekpere, sị, “Osolobuẹ dodo, mẹ ndụnmọdụn ọwụlẹ Ahitofẹlụ jẹnkọ d'e ye wụrụ nzuzu.”

Samuẹlụ Nke Ẹbụọ 17:14

Absalọm lẹ ndị Izrẹlụ ile nọ sị, “Iroro Hushaị onyẹ Aki tụ ka nke Ahitofẹlụ mma.” Ihiẹnni mẹ makẹni ịya kẹ Osolobuẹ kwademẹ n'o gi ẹ kpọrọpụ ezigbo iroro hụ Ahitofẹlụ tụ, kẹn'ọ hụn ụzọ mẹ Absalọm okẹn-ihiẹn.

Ndị-nze Nke Ibuzọ 22:24

Ya Zẹdikaya nwa Kenaana nọ jẹnburu Maịkaya, ma a ọra, sị a, “Elee ụzọ kẹ mmọn Osolobuẹ ahụn gha hụn o gi gharị m d'a gwa ị oku?”

Ihiẹn Mẹni Nke Ẹbụọ 24:21

Ya wẹ nọ zun'ẹ eje umẹ, mẹ kẹ eze dọn ku, gi ọmụma magbu ẹ tọ ezi-ọgwa Ụnọ-nsọ Osolobuẹ.

Jobu 5:13

O gi ihiẹn ndị akọ romẹ a nwụn wẹ, ndị ẹro zugụ umẹ, o mẹ ẹ la iwi.

Ẹbụ-ọma 21:11

Ọsụọn'a nị wẹ romẹn'i eje-ihiẹn, mama eje-ihiẹn, ọ ghakọ.

Ẹbụ-ọma 52:2

Ị hụ e gi ire i a tụ iroro ntikpọ, ire i hụ a tụ nkọ kẹ ẹbeke; ịyụ, onyẹ ntụ!

Ẹbụ-ọma 57:4

M rị nwan imẹ igunrun ẹwọrọ; m dịnọ nwan imẹ igunrun ẹwọrọ ndị e ri ịhịan; obo lẹ ọbara-ụta kẹ eze wẹ wụ, ire wẹ wụ ọpịa-agha tụ nkọ!

Ẹbụ-ọma 64:3

W'e sụọnchanpụ ire wẹ kẹ ọpịa-agha, e bu eje-oku wẹ wụ ọbara-ụta e zinmẹ,

Itẹn 18:21

Ọnwụn lẹ ndụn rị ire, ndị gi ire e bi k'e ri ihiẹn o wẹhẹ.

Azaya 32:7

O mẹ nke eje-ịhịan, eje-ihiẹn rị a ẹka ogẹn ile; o ropụha eje-ihiẹn — hụn wẹ gi e kingbu ogbẹnnyẹ imẹ ọgwa, ọsụọn'a nị ogbẹnnyẹ te k'e ri eṅẹn.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 11:19

M te nọhụ kẹ nwa-atụnrụn mẹ jụụ wẹ dukọ d'e gbu. Amarịndẹ m nị e zugụọnị wẹ m umẹ, sị, “Nị ẹnyi gbutu ni osisini — okẹnnyẹni lẹ ihiẹn rị a gha a ọnụ a pụha; nị ẹnyi gbupụn'a elu-ụwa — anyanhankọzị wẹ ẹfan a.”

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 18:19

M nọ nwan sị, Osolobuẹ, dodo gọn m ntịn! Gọnkwọ ntịn ihiẹn ndị-iṅẹnrẹn m rị e ku.

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 26:11

Ya ndị nchụn-ẹjan hụ lẹ ndị-amụma hụ nọ sị ịhaịmẹ eze lẹ ndị ile rị ebẹhụ, “Okẹnnyẹni furu hụn w'a ma ikpe ọnwụn, makẹni o buọlẹ amụma nị eje-ihiẹn jẹnkọ d'e mẹ obodoni. Ụnụ nwẹn e gigụọ ntịn ụnụ nụ a.”

Jerimaya 37:13

Kanị, ogẹn o gi chọ n'ọ gha Ọnụ-mgbọn Bẹnjamini pụ, onyẹ-isi ndị-nche Jerusalẹm nọ kwọndọn ẹ. Ẹfan okẹnnyẹ hụ wụ Irija nwa Shẹlẹmia nwa Hanania. Ọ sị Jerimaya, “Ọsọ k'ị gbakọ; ị gbaburukọ ndị Babilọnụ!”

Jerimaya 43:2

ya kẹ Azaria nwa Hoshaya lẹ Johananị nwa Karia lẹzi ikẹnnyẹ ndị-ọzọ e mẹkarị enwẹn wẹ nọ sị Jerimaya, “Ntụ k'ị rị a tụ! Ẹlẹ Osolobuẹ wụ Chuku ẹnyi zi i d'a sị ẹnyi, ‘Ejẹnkwọlẹ ni Ijiptu d'e biri.’

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Jerimaya 8:8

Nanị ụnụ e dọn sị, “Ẹnyi a marịnghọ ihiẹn; Iwu Osolobuẹ hụ ebeni.” Bụ ndị-ntụ hụn a kuzini ụnụ ya e bugụọ a isi kpọma alị?

Ẹkwan 3:62

oku-ọnụ ndị-iṅẹnrẹn m lẹ nwịnrịn-nwịnrịn wẹ rị a ka lẹ eje-ihiẹn wẹ e romẹni m uhinhin lẹ efinaị.

Izikẹlụ 7:26

Ọdakin k'a gha a bịanị wẹ ọbịbịa-ọbịbịa; wẹ k'a nụsọnmẹ oku nsọngbu. Wẹ k'a chọ uche Osolobuẹ mmaka ẹka onyẹ-amụma; ndị nchụn-ẹjan asakọ ẹka kuzi Iwu Osolobuẹ; ndị-ichẹn asakọ ẹka dụn ọdụn.

Lẹvitikọsụ 10:11

Ụnụ k'a kuzirịrị ndị Izrẹlụ iwu ile Osolobuẹ gha ọnụ Mozizi ye wẹ.”

Maịka 3:6

Ọhịhị k'a gbakin ụnụ ẹnya, ụnụ ahụnkọzị ọhụn; ishi k'a gbakin ụnụ ẹnya, ụnụ eleghakọzị ẹfa gba; anwụn k'a rọnahịn ndị-amụma hụ, eki e ginahịn wẹ.

Maịka 3:7

Ndị ahụn rị a hụnnị ụnụ ụzọ k'a fa; ifẹnrẹn k'e mẹgbu ndị rị a gbanị ụnụ ẹfa. Wẹ ile jẹnkọ d'e kpumẹ ihun wẹ, makẹni onwọnni ihiẹn Osolobuẹ ghọsị wẹ.

Malakaị 2:7

Makẹni ọnụ onyẹ nchụn-ẹjan kẹ wẹ nọ a hụn amamihiẹn, ọnụ a kẹ wẹ nọ a mụnrụn Iwu Osolobuẹ — makẹni ụkọ Osolobuẹ k'ọ wụ.

Luku 11:45

Onyẹ ohu imẹ ndị-nkuzi Iwu nọ sị a, “Onyẹ-nkuzi, ị gha e ku ihiẹn ndịnị wẹ, ị rị a kparizikwọ ẹnyi nwẹn!”

Jọnụ 9:40

Ndị Itu-Farisi nọkunmẹn'ẹ a nụ ihiẹnni o ku, wẹ nọ jụ a, sị, “Ẹnyi nwẹn wụzịdẹ ndị ẹnya-ishi ra?”