Jerimaya 18:17 - Ika

¹⁷ Kẹ okẹn ufere ọwụwa ẹnyanwụn dọn e bu ẹjan ẹrịra kẹ m'a dọn mẹ ndị iṅẹnrẹn wẹ chụzịza wẹ; azụụn m kẹ wẹ jẹnkọ d'a hụn ụhụọhịn okẹn-ihiẹn k'e mẹ wẹ, ẹlẹ ihun m.’ ”

Jerimaya 18:17 Iomraidhean Croise

Jobu 27:21

Ufere ọwụwa-ẹnyanwụn e buru ẹ, nke ẹ a gụ; ọ zapụ a ọnọdị a,

Ẹbụ-ọma 48:7

Y'e gi okẹn ẹbi ẹbamịn ọwụwa-ẹnyanwụn e gungwọnpụdẹ okẹn ụgbọ-mirin Tashishi!

Itẹn 24:16

makẹni ọsụọn'a mgbe ẹsa kẹ onyẹ ezi-omumẹ dan, n'o lihighọkwọ, kanị eje-ihiẹn bịanị onyẹ eje-omumẹ, ọ dan.

Jerimaya 13:24

M k'e feyịya ị nọkẹ ẹfịfịa-ọka ufere atụ bukọ.

Jerimaya 2:27

Wẹ sị osisi wẹ pịn, ‘Ịyụ wụ nẹdi m,’ sị ọmụma wẹ tụ ‘Ịyụ mụ m.’ E bu wẹ azụụn zinmẹ m, ẹlẹzi ihun. Kanị nsọngbu bịa, a hịma wẹ m, ‘Dodo d'a zụọpụha ẹnyi!’

Jerimaya 32:33

“E bu wẹ azụụn zinmẹ m, ẹlẹ ihun; m hụ a kuzi wẹ ọkuzi-ọkuzi, w'a ra gọn ntịn, achọdẹni wẹ nị wẹ nụ.

Jerimaya 46:21

Ndị alị ọzọ ahụn wẹ we d'a lụnị wẹ agha du kẹ nwa-efin, kanị wẹ nwẹn k'e sọn wẹ gbala — asakọ wẹ ẹka turu, makẹni ụhụọhịn w'e gi tikpọ wẹ rọ — ogẹn wẹ e gi ye wẹ afụnfụn rọ.

Izikẹlụ 27:26

“ ‘Ndị a nyannị ị e bugụọ ị ru etintin ohimin, ufere ọwụwa-ẹnyanwụn e tikpọpụ ị, tikpọtọ imẹ-imẹ ohimin.

Izikẹlụ 7:22

M k'e fepụdẹ ẹnya, itumunyẹ ndị ahụn e mẹrụ Ụlọ-nsọ m hụ rị m mkpa, ndị ohin a banye ẹ, mẹrụ a.

Hosia 13:15

Ọsụọn'a n'ọ masịgụọnị Izrẹlụ karị umunẹ ẹ, ufere ẹbamịn ọwụwa ẹnyanwụn lala alala, ufere Osolobuẹ k'e zihẹ, o k'a gha alị-ọkpọnkụn fehẹ, isi-mirin ẹ ile a tahị, mirin ẹ ile a la; o k'a zarị ihiẹn ile o butọ, ihiẹn ile rị mkpa.

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Ditrọnọmi 31:17

Wẹ mẹ ẹ, m k'e gi olulu sọn wẹ, la wẹ tọ; m k'e bupụ wẹ ihun, e tikpọ wẹ wẹ. Ihiẹn-ikẹn lẹ nsọngbu ichẹn-ichẹn jẹnkọ d'a bịanị wẹ. O ru ogẹn ahụn, a jụma wẹ, ‘Osolobuẹ a lagụọnị ẹnyi tọ haịn ihiẹn-ikẹn ndịnị gi bịanị ẹnyi ra?’

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.