Jerimaya 18:15 - Ika

¹⁵ Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 18:15 Iomraidhean Croise

Nehemiah 9:17

A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Azaya 41:29

Lee nwan nị ẹlẹ wẹ ezigbo ẹ! Ihiẹn ile wẹ rụn enwọn isi; mmọn ile wẹ kpụ wụhụ ufere lẹ isusu.

Azaya 57:14

O ru ogẹn ahụn, wẹ k'a sị, “Rụndọnzi n'ẹ, rụndọnzi n'ẹ! Dọnzi ni ụzọ! Wepụnị nị ndị nke m ihiẹn rịsọnmẹ ụzọ.”

Azaya 62:10

Pụha nị! Ghashi ni ọnụ-mgbọn hụ pụha!! Kwa nị nị ndị alị ụzọ! Rụn n'a! Rụntọ nị ụwaya! Wepụsọnmẹ ni ọmụma ndị hụ! Weshi ni ahịma elu nị ndị alị ichẹn-ichẹn bịa.

Azaya 65:7

Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”

Azaya 9:16

Ndị-ndu wẹ rị e dufie wẹ, e dula wẹ iwi.

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 10:15

Abannị wẹ erere, wẹ wụhụ ihiẹn ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 11:12

Obodo ndị rị alị Juda lẹ ndị bi obodo Jerusalẹm k'a kwanghọsị mmọn ndị ahụn w'a mụyeni nsẹnsi — kanị eyekọnị wẹ wẹ ẹka imẹ nsọngbu hụ kaka —

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 11:17

Osolobuẹ ihiẹn ile rị okpuru ẹ, hụn kụnn'ị e kugụọ a nwan nị okẹn-ihiẹn k'e mẹ i, makẹni ụnụ ndị Izrẹlụ lẹ Juda e mẹgụọ eje-ihiẹn, kpasu m iwe yeni nsẹnsi ụnụ rị a mụyeni mmọn wụ Baalụ.

Jerimaya 13:25

Ịya wụ ihiẹn run'i, ịya kẹ m keye i — makẹni y'a zọgụọ m, gi mmọn-lẹ-iyi wụlẹni Chuku dọn ẹnya. Ya kẹ Osolobuẹ ku.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 18:14

Mirin-ọchan wụ sno e ziẹnjun imẹ alị Lẹbanọnụ, hụn rịsọnmẹ mkpọtu ugu Lẹbanọnụ e dẹnpụdẹ nwan edẹnpụ ra — mirin oyi hụn gha ebẹhụ tegbu enwẹn ẹ huhẹ, e huhẹbehi e huhẹbehi?

Jerimaya 19:5

A tụnsọnmẹgụọ wẹ ukpo wẹ nọ a rụa Baalụ, a nọ imẹ wẹ a kpọ ụmụ wẹ ọkụn, gi chụnyeni Baalụ ẹjan. Onwọnni ogẹn m gi sị wẹ mẹ ihiẹn nọ ẹnịna mọbụ kud'ẹ oku ẹ; uche m a gbatudẹn'ẹ.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 2:32

Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 3:21

Ụzụn rị elu-ugu ndịnị fọnni, ụzụn ẹkwan lẹ arịrịọ ndị Izrẹlụ rọ, makẹni e bimẹgụọ wẹ ghẹrẹ-ghẹrẹ-ghẹrẹ, zọ Osolobuẹ wụ Chuku wẹ.

Jerimaya 44:25

Osolobuẹ ihiẹn ile rị okpuru ẹ hụn wụ Chuku Izrẹlụ, sị: ụnụ lẹ inyẹnmẹ ụnụ e kugụọ a ọnụ, mẹ ẹ ẹka, ebe ụnụ nọ sị, ‘Ẹnyi sikọ d'e mẹrịrị nkwa ẹnyi kwe Eze-okpoho Elu-igwee: ẹnyi k'a mụyen'ẹ nsẹnsi, tụyen'ẹ manya.’ Dikẹnmẹ ni nwan! Mẹmẹ ni nwan nkwa ụnụ kwe! Mẹsọnmẹ ni ihiẹn hụ ụnụ kwe nkwa a!

Jerimaya 51:18

Abannị wẹ erere, wẹ wụhụ ihiẹn wẹ gi a kpa ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Izikẹlụ 21:15

Kẹni obi dẹnhin wẹ, kẹni ndị bu ọda kpọgburu. E bugụọ m ọpịa-agha ahụn k'e gbuni che ọnụ-mgbọn wẹ ile. Ẹghẹẹ! E sụọngụọ w'a, ọ hụ e be nwaịn-nwaịn kẹ amụma. E bugụọ w'a che ọbụọ nị wẹ gi ẹ gbu ịhịan.

Izikẹlụ 36:15

Emẹkọzị m ụnụ a narịn mkpari ẹka alị ndị ọzọ, alị ndị ọzọ elegberikọzị ụnụ; ụnụ emẹkọzị ndị alị ụnụ dan. Ya kẹ Osolobuẹ nwọn ihiẹn Ile ku.”

Hosia 11:2

Kẹ m dọn rị a kpọ wẹ, kẹ wẹ dọn rị a gbanị m ọsọ; a tọ wẹ a chụnyeni Baalụ ndị ahụn ẹjan, a mụnị mmọn ichẹn-ichẹn nsẹnsi.

Hosia 2:13

M k'e ye ẹ afụnfụn ọrọgbọ ile hụ o gi mụnị Baalụ ichẹn-ichẹn nsẹnsi; o gi rị e yi ihiẹn-ntịn a lẹ ihiẹn-mma a, a gbasọn ndị ya lẹ wẹ rị a sụọ — zọ mmẹ nwẹn. Osolobuẹ e kụgụọ a.

Hosia 2:6

M k'e gi ogun kehunmẹ ẹ; m k'a gbahunmẹ ẹ ụgba ọ hụnkọzị ụzọ gha.’

Malakaị 2:8

“Kanị ụnụ nwẹn a ghagụọ ụzọ pụ; ụnụ e gigụọ eje-ihiẹn ụnụ rị a kuzi mẹ ndị bu ọda kpọgburu; ụnụ e tikpọgụọ iwu hụn m ye ndị Livaị. Ya kẹ Osolobuẹ ihiẹn ile rị okpuru ẹ ku.

Matiu 15:6

ọ rịzịnị mkpa n'o gi ihiẹn o nwọn gbaye nẹdi ẹ mọbụ nnẹ ẹ.’ Ụnụ e gi ufiri ọdịnalị ụnụ e nu oku Osolobuẹ e ye ụsụọ.

Ndị Rom 14:21

Ọ ka mma nị y'e erini anụ mọbụ ra manya mọbụ mẹ ihiẹn ọzọ ọwụlẹ k'e mẹ nwẹnẹ i imẹ Kraịstị dan.

Ditrọnọmi 32:21

E gigụọ wẹ ihiẹn ahụn wụlẹni Chuku mẹ ẹnya fụma m, gi ihiẹn nwọnlẹni isi wẹ kpụ kpasu m iwe. M k'e gi ndị wụlẹni ihiẹn ọwụlẹ mẹ ẹnya fụma wẹ; m k'e gi alị nwọnlẹni nghọta kpasu wẹ iwe.