Jerimaya 17:7 - Ika

⁷ Kanị, ngọzi wụ nke onyẹ hụn gi Osolobuẹ dọn ẹnya — onyẹ hụn danbemẹn'ẹ.

Jerimaya 17:7 Iomraidhean Croise

Ẹbụ-ọma 125:1

Ndị gi Osolobuẹ dọn ẹnya nọ kẹ ugu-Zayọnụ, hụn wẹ ghalẹni asẹka e mẹhunmẹ, hụn k'a rị jẹnrin ejẹn.

Ẹbụ-ọma 146:5

Onyẹ Chuku Jekọpụ e yeni ẹka e nwọnkẹ ngọzi, onyẹ bu obi tụkwasị Osolobuẹ wụ Chuku ẹ,

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ẹbụ-ọma 20:8

Wẹ k'a sọhị, dan, ẹnyi nwẹn k'e lihi, turu ọhụnma-ọhụnma.

Ẹbụ-ọma 34:8

Danmịndẹle, n'ị hụn a nị Osolobuẹ a rịka mma; onyẹ hụn gbaburun'ẹ e nwọnkẹ ngọzi.

Ẹbụ-ọma 40:4

Onyẹ hụn gi Osolobuẹ dọn ẹnya enwọnkẹ ngọzi, onyẹ ghalẹni e gi ndị mpache e dọn ẹnya ghalẹni e gi ndị ihunnaị.

Ẹbụ-ọma 71:5

Makẹni, ịyụ wụ Osolobuẹ kẹ m rị e lee ẹnya, ịyụ kẹ m gi e dọn ẹnya gha ẹhụ nwandu m lala.

Ẹbụ-ọma 84:12

Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!

Itẹn 16:20

Onyẹ gi ezigbo ihiẹn wẹ kuzi ẹ dọn, ihiẹn a ghan'a, onyẹ gi Osolobuẹ dọn ẹnya, ngọzi a wụrụ nke ẹ.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Jerimaya 39:18

Ẹghẹẹ, m k'a zụọpụha ị, aghanị erikọ ị isi; kama ị k'a hụn isi wanahịn, makẹni i gi m dọn ẹnya. Ya kẹ Osolobuẹ ku.’ ”

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Ndị Ẹfẹsọsụ 1:12

O mẹ ẹ kẹni ẹnyi wụrụ ihiẹn wẹ gi a ja Osolobuẹ mma n'o hikẹ ogbe, ẹnyi ndị ibuzọ gi Kraịstị dọn ẹnya.