Jerimaya 17:27 - Ika

²⁷ Kanị, omẹni ụnụ emẹni ihiẹn m ku banyeni idọnmẹ Ụhụọhịn Ezumikẹn nsọ, bughabehi ibu ọnụ-mgbọn rịsọnmẹ Jerusalẹm Ụhụọhịn Ezumikẹn, a mụ m ọkụn wẹ ghalẹni a s'ẹka e tinyụn ye ọnụ-mgbọn ile rị Jerusalẹm, ọ dụnpụchanrịn ụlọ-uku ile rị Jerusalẹm hụn w'a gbaban.”

Jerimaya 17:27 Iomraidhean Croise

Ndị-nze Nke Ẹbụọ 22:17

Makẹni a jụgụọ wẹ m tọ, mụmanị mmọn-lẹ-iyi nsẹnsi, gi mmọn-lẹ-iyi ẹka wẹ mẹmẹ kpasu m iwe, m k'e gi olulu m sọn obodoni; onunu m k'e gi sọn ẹ arọkọ.’

Ndị-nze Nke Ẹbụọ 25:9

Ọ nọ mụ ọkụn ye Ụlọ-nsọ Osolobuẹ lẹ obi-eze lẹ ụlọ ile rị Jerusalẹm, dụnpụ ụlọ ile rị mkpa ọkụn.

Ihiẹn Mẹni Nke Ẹbụọ 36:19

Wẹ nọ yi Ụlọ-nsọ Chuku ọkụn, kụtu mgbọn Jerusalẹm, dụnpụ ụlọ ile rị mkpa rịn'a ọkụn, tikpọ ihiẹn ile rị mkpa rị ebẹhụ.

Ẹbụ-ọma 122:7

Ihiẹn ya rịchanrịn mma ebe ile mgbọn i gha; ẹhụ ya fu ịhịan ebe ile wẹ gi dọn ẹnya imẹ i.”

Azaya 1:20

kanị ụnụ jụ, nupụ isi, ọpịa-agha jẹnkọ d'e bu ụnụ ri.” Osolobuẹ e gigụọ ọnụ a ku ẹ.

Azaya 1:31

Ndị wụ dikẹn k'a rị kẹ ẹfịfịa-ọkpọnkụn, ihiẹn wẹ mẹ e họnrin ihiẹn wẹ gi mụye ẹ ọkụn; ọkụn k'a dụn wẹ ẹbụbụọ, onwọnni onyẹ k'e tinyụnn'a.

Jerimaya 17:24

Kanị, omẹni ụnụ nwẹn e dọnringhọ ẹnya mẹ ihiẹn m ku, bughabehi ibu ọnụ-mgbọn obodoni Ụhụọhịn Ezumikẹn, dọnmẹmẹ Ụhụọhịn Ezumikẹn nsọ ghahanị ịlatọ ọrụn ụhụọhịn hụ,

Jerimaya 17:4

Ufiri ihiẹn ụnụ mẹ, ihiẹn m ye ụnụ jẹnkọ d'a nahịn ụnụ; m jẹnkọ d'e mẹ ụnụ wụrụ igbọn ndị iṅẹnrẹn ụnụ, makẹni ụnụ a kpasugụọ m iwe, gi ẹ fụnwun okẹn ọkụn jẹnkọ d'a dụnsọnmẹni.”

Jerimaya 18:1

Ọnwan wụ ozi Osolobuẹ zizi Jerimaya:

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 21:14

Kanị, m jẹnkọ d'e ye ụnụ afụnfụn ihiẹn ụnụ mẹ. Mmẹ wụ Osolobuẹ ku ẹ. M k'a mụ ọkụn ye ẹgboko ụnụ hụ, ọkụn hụn k'a dụnpụ ihiẹn ile rị ebe ụnụ rị.’ ”

Jerimaya 22:5

“ ‘Kanị omẹni ụnụ emẹni ihiẹn ndịnị m sị ụnụ mẹ, ma isi m, obi-ezeni jẹnkọ d'e họnrin mkpọkọ-ụlọ.’ ”

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 49:27

“M k'a mụ ọkụn ye mgbọn Damaskọsụ, o k'a dụnpụ ebe ile eze wụ Bẹn-Hadadị rụn wẹ gi e dọn ẹnya.”

Jerimaya 52:13

Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Jerimaya 6:17

Mmẹ tumẹni ụnụ ndị nche — ndị amụma, sị ụnụ, ‘Wẹ gbu (opi) ọdụ, ụnụ e gọn ntịn!’ Kanị ụnụ sị, ‘Ẹnyi egọnkọ ntịn.’

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Ẹkwan 2:6

Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 16:41

Wẹ k'a dụn ụlọ ndị rị imẹ ị ọkụn, nọ idẹnya ikpoho bu ọda ye i afụnfụn. M k'e mẹ i gbabehi ịgbaraja, mẹ i kụbehi ndị hụ yụ lẹ wẹ gba a sụọ ụgwọ.

Izikẹlụ 21:15

Kẹni obi dẹnhin wẹ, kẹni ndị bu ọda kpọgburu. E bugụọ m ọpịa-agha ahụn k'e gbuni che ọnụ-mgbọn wẹ ile. Ẹghẹẹ! E sụọngụọ w'a, ọ hụ e be nwaịn-nwaịn kẹ amụma. E bugụọ w'a che ọbụọ nị wẹ gi ẹ gbu ịhịan.

Izikẹlụ 21:3

Sị alị Izrẹlụ, ‘Osolobuẹ sị: Lee ẹ, mmẹ lẹ yụ rọ! M k'e sepụha ọpịa-agha m imẹ ọbụọ a, gbupụ kẹ ndị ezi-omumẹ kẹ ndị-ejẹ rịn'a!

Izikẹlụ 22:8

Y'e mẹrụchanrịngụọ ihiẹn ndị rị m nsọ, mẹrụchanrịn Ogẹn Ezumikẹn ichẹn-ichẹn m kayeni ụnụ.

Izikẹlụ 23:38

Ọzọ wẹ mẹ m wụ ọnwan: wẹ mẹrụ Ụlọ-nsọ m ụhụọhịn hụ, mẹrụ Ogẹn Ezumikẹn m tumẹsọnmẹni wẹ.

Hosia 8:14

Izrẹlụ Ẹbamịn-ugu a zọgụọ Onyẹ keni wẹ, rụnsọnmẹ okẹn ụlọ: Juda hụ a tụnhunmẹ obodo-obodo mgbọn. M jẹnkọ nwan d'e zi ọkụn ye obodo ndị ahụn, ọkụn a dụnpụ okẹn ụlọ ndị ahụn.”

Emọsụ 1:10

M sikọ nwan d'e zi ọkụn ye mgbọn Taya; ọkụn hụn k'e ripụ ụlọ-agha ile zegbu enwẹn ẹ rị Taya.”

Emọsụ 1:12

M jẹnkọ nwan d'e zi ọkụn ye obodo wẹ wụ Tẹmanị. Ọkụn ahụn k'e ripụ ụlọ-agha ile zegbu enwẹn wẹ hụn rị isi alị wẹ wụ Bozra.”

Emọsụ 1:14

M jẹnkọ d'a mụ nwan ọkụn ye mgbọn obodo wẹ wụ Raba. Ọkụn ahụn k'e ripụ ụlọ-agha ile zegbu enwẹn ẹ rịn'a, ya lẹ oro-agha lẹ agha k'a wị, ya lẹ eje ẹbi k'a kpọnị k'a wịzị.

Emọsụ 1:4

M jẹnkọ nwan d'e zi ọkụn ye ikpụlọ Hazaẹlụ eze wẹ. Ọkụn ahụn k'e ripụ ụlọ-agha ile zegbu enwẹn wẹ hụn Bẹn-Hadadị eze wẹ gi dọn ẹnya.

Emọsụ 1:7

M jẹnkọ nwan d'e zi ọkụn ye mgbọn Gaza; ọkụn hụn k'e ripụ ụlọ-agha ile zegbu enwẹn ẹ rị Gaza.

Emọsụ 2:2

M sikọ nwan d'e zi ọkụn ye alị Mụabụ. Ọkụn ahụn k'e ripụ ụlọ-agha ndị ahụn zegbu enwẹn ẹ rị Kẹriọtụ. Wẹ k'e tikpọ alị Mụabụ. Nkpọtụ lẹ oro-agha lẹ opi-agha k'a rị ụhụọhịn wẹ k'e tikpọ alị Mụabụ.

Ditrọnọmi 32:22

Makẹni ọnụma m a mụyeọlẹ ọkụn, hụn a dụnrudẹ alị mmọn. O k'a dụnpụ ụwa lẹ mkpụrụ ọ mị, dụnrudẹ ebe ugu ile gha suepụha.

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.