Jerimaya 17:25 - Ika

²⁵ ụnụ sikọ d'e nwọnsọnmẹ ndị-nze nọ ukpo Defidi a kị lẹ ndị-isi hụn k'a gha e gi ụgbọ-anyịnyan lẹ ẹshin a gha ọnụ-mgbọn ndị rị obodoni, uwẹ lẹ ndị alị Juda lẹ ndị bi Jerusalẹm; ịhịan k'e bisọnmẹ obodoni.

Jerimaya 17:25 Iomraidhean Croise

Samuẹlụ Nke Ẹbụọ 7:16

Ikpụlọ i lẹ alị-eze i k'a rịsọnmẹ ihun m, ukpo-eze i k'a tọ jẹnrin-ejẹn.”

Samuẹlụ Nke Ẹbụọ 8:4

Defidi nọ nọ imẹ agha hụ narịn Hadadeza ụgbọ-ẹshin agha ọgụn-iri kwasị nnụ-uku ohu-lẹ-mkpikpi (1,700), lẹ ndị-agha e nyinni wẹ, ọ narịnzị a madụ nnụ-uku ọgụn (20,000) hụn gi ụkụ e jẹn agha. Ọ nọ tụbepụchanrịn ẹshin ile a dọkpụn ụgbọ-ẹshin ndị hụ akwanran mkpụkụ ibe azụụn, latọ ọgụn-isẹn sụọ.

Ọpụpụ 12:14

“Ụnụ k'a gha a nyanhan ụhụọhịnnị; e gi n'ẹ e mẹni Osolobuẹ mmẹmmẹ agbọ ụnụ ile lalanị. Iwu ụnụ jẹnkọ d'e dọnmẹ jẹnrin ejẹn rọ.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 13:13

Y'a sị wẹ nị Osolobuẹ sị, ‘M jẹnkọ d'e mẹ ndị alịnị gụnma agụngụn ndị manya rị a tụ, marịnzịlẹni ihiẹn wẹ rị e mẹ, kẹ ndị-nze wẹ nọ ukpo Defidi a kị kẹ ndị nchụn-ẹjan kẹ ndị-amụma kẹ ịhịan ile bi obodo Jerusalẹm.

Jerimaya 22:2

“ ‘Gọn ntịn ihiẹn Osolobuẹ ku, eze Juda hụn rị ukpo Defidi a kị — kẹ ịyụ kẹ ịhaịmẹ i kẹ ndị nke i ile hụn a gha ọnụ-mgbọn obi-ezeni.

Jerimaya 22:30

Osolobuẹ sị, “Gụn nị okẹnnyẹni yeni ndị mụlẹni nwa; Gụn n'a yeni ndị elu jẹnkọlẹni d'a masị e we wẹ nwụn, makẹni onwọnni nwa a ọwụlẹ ọ k'a rịnị mma, onwọnni hụn k'a nọdị ukpo-eze Defidi mọbụ kị alị Juda.”

Jerimaya 22:4

Ụnụ dọnrin ẹnya mẹ ihiẹn ndịnị m sị ụnụ mẹ, ndị-nze ẹbozo Defidi k'a rịsọnmẹ, e gi ụgbọ-anyịnyan lẹ ẹshin a gha ọnụ-mgbọnni, wẹ lẹ ịhaịmẹ wẹ lẹ ndị nke wẹ.

Jerimaya 25:5

Wẹ hụ a sị ụnụ: Bihutọ nị nwan ẹka; onyẹ ọwụlẹ imẹ ụnụ ya latọ eje-ihiẹn ile ọ rị e mẹ lẹ eje-obibi ẹ, kẹni m nị ụnụ bisọnmẹ alị mmẹ wụ Osolobuẹ ye ụnụ lẹ ndị nẹdi ụnụ.

Jerimaya 33:15

O ru ogẹn hụ daị, m k'e wepụhanị Defidi ịhịan lekẹ agala osisi, onyẹ ezi-omumẹ hụn k'a nọ ukpo ẹ kị alịnị, e mẹ ihiẹn furuni, e mẹ ezi-omumẹ,

Jerimaya 33:17

Makẹni, mmẹ wụ Osolobuẹ sị: ‘Onyẹ ikpụlọ Defidi agụkọ ukpo-eze Izrẹlụ

Jerimaya 33:21

ya kẹ w'a nọ s'ẹka kagbu nkwa m kwe odibo m wụ Defidi lẹ nkwa m kwe ndị ọrụn m ndị ebọn Livaị — nke wụ nị Defidi enwọnbehi nwa k'a nọ ukpo-eze ẹ a kị, ebọn Livaị arụnbehini m ọrụn ịchụn-ẹjan.

Jerimaya 7:3

Osolobuẹ ihiẹn ile rị okpuru ẹ hụn wụ Chuku Izrẹlụ sị: ‘Bihutọ nị ẹka, kẹni m nị ụnụ bisọnmẹ alịnị.’

Jerimaya 7:7

ya kẹ m'a nọ nị ụnụ bisọnmẹ alịnị, alịnị m ye ndị nẹdi ụnụ kanị weri jẹnrin ejẹn.

Ditrọnọmi 17:16

Hụn e sọnn'ẹ, eze hụ enwọnkwọlẹ ẹshin ọda-ọda mọbụ mẹ ndị alị ụnụ kinzi alị Ijiptu d'a chọma ẹshin, makẹni Osolobuẹ a sịgụọ ụnụ, “Ekinkwọlẹ ni ụzọ ahụn;”

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.

Samuẹlụ Nke Ibuzọ 8:11

Ọ sị wẹ, “Lekwọ nị ihiẹn eze hụ k'a kịnị ụnụ k'e mẹ: O k'e gi ụmụ ụnụ ikẹnnyẹ họnrin ndị-agha a hụn e nyinn'ẹ ụgbọ-ẹshin ẹ lẹ ẹshin ẹ, e burun'ẹ ụzọ o nyinkọnị ụgbọ-ẹshin ẹ;