Jerimaya 17:22 - Ika

²² Egizilẹ ni Ụhụọhịn Ezumikẹn e bupụha ibu ndịnị iwe ụnụ mọbụ rụn ọrụn ọwụlẹ. Ka e dọnmẹ ni Ụhụọhịn Ezumikẹn nsọ kẹ m dọn gwa ndị nẹdi ụnụ kanị.

Jerimaya 17:22 Iomraidhean Croise

Nehemiah 13:15

Ogẹn hụ, o nwọn ogẹn m gi hụn ndị rị a zọ vaịnị a pịpụha manya vaịnị Ụhụọhịn Ezumikẹn imẹ Juda. Wẹ hụzị e bubanhan ọka, e dọnye elu jaki, ya lẹ manya lẹ mkpụrụ-osisi vaịnị lẹ figi lẹ ibu ile rị ichẹn-ichẹn: wẹ hụ e gi Ụhụọhịn Ezumikẹn e bubanhan wẹ imẹ Jerusalẹm d'e re!! Ya m nọ jụgbọ wẹ, sị wẹ erezilẹ ihiẹn Ụhụọhịn Ezumikẹn.

Ọpụpụ 23:12

“Gi akpọhịn isin rụn ọrụn ị, ka arụnkwọlẹ ọrụn nke akp'ọhịn ẹsa — kẹni efin i lẹ jaki i hụn ụzọ zu ikẹn, kẹ igbọn rị iwe i kẹ onyẹ ọrụn ị a kụ ndụn.

Azaya 58:13

Omẹni y'a latọnị idọnmẹ Ụhụọhịn Ezumikẹn m nsọ, omẹni y'e gizini Ụhụọhịn-nsọ m mẹ ihiẹn sụọnị ị; omẹni y'e kumẹ oku Ụhụọhịn Ezumikẹn ọhụnma, e ye Ụhụọhịn hụ rị Osolobuẹ nsọ ọghọ, omẹni y'e mẹbehi ihiẹn rị ị obi kẹni i ye Ụhụọhịn-nsọ a ọghọ, mẹbehi k'ọ sụọ ị, kubehi oku nwọnlẹni isi.

Jerimaya 17:24

Kanị, omẹni ụnụ nwẹn e dọnringhọ ẹnya mẹ ihiẹn m ku, bughabehi ibu ọnụ-mgbọn obodoni Ụhụọhịn Ezumikẹn, dọnmẹmẹ Ụhụọhịn Ezumikẹn nsọ ghahanị ịlatọ ọrụn ụhụọhịn hụ,

Izikẹlụ 20:12

M nọzị tumẹsọnmẹni wẹ Ogẹn Ezumikẹn m rị ichẹn-ichẹn n'ọ hụn ụzọ wụrụ ahịma rị ẹgbata mmẹ lẹ wẹ, kẹni wẹ marịn nị mmẹ wụ Osolobuẹ wepụha wẹ, dọn wẹ nsọ.

Izikẹlụ 22:8

Y'e mẹrụchanrịngụọ ihiẹn ndị rị m nsọ, mẹrụchanrịn Ogẹn Ezumikẹn ichẹn-ichẹn m kayeni ụnụ.

Lẹvitikọsụ 19:3

“Onyẹ-onyẹ imẹ ụnụ k'a gbayerịrị nnẹ ẹ lẹ nẹdi ẹ. Ụnụ k'e girịrị ụhụọhịn Ezumikẹn ndị hụ m kayesọnmẹ zu ikẹn. Mmẹ wụ Osolobuẹ hụn wụ Chuku ụnụ.

Lẹvitikọsụ 23:3

“Akp'ọhịn isin rị a hụn ụnụ e gi rụn ọrụn, kanị nke akp'ọhịn ẹsa rịn'a wụ Ụhụọhịn Ezumikẹn wẹ jẹnkọlẹni d'a rụn ọrụn, ụhụọhịn ụnụ k'e gi kpọ iko rị nsọ. Ụnụ arụnkọ ọrụn ọwụlẹ; ebe-lẹ-ebe ụnụ bi, Ezumikẹn wẹ gi e ye Osolobuẹ ọghọ rọ.

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Luku 23:56

Ya wẹ nọ lama d'a chọtọ udẹn lẹ ihiẹn ndị ọzọ wẹ gi a kwama ozun. O ru Ụhụọhịn Ezumikẹn, wẹ nọ zu ikẹn kẹ Iwu dọn ku.

Luku 6:5

Ya Jesu nọzị sị wẹ, “Nwa nke Ịhịan nwọn ku ihiẹn w'e mẹ Ụhụọhịn Ezumikẹn.”

Rẹvẹleshọnụ 1:10

O ru ụhụọhịn ohu, Ụhụọhịn Di-nwọnni-ẹnyi, ebe m rị imẹ-mmọn, m nọ nụ okẹn olu nọ kẹ opi azụụn m.