Jerimaya 17:2 - Ika

² Kẹ ụmụ wẹ ara zọdẹ ijẹn ukpo nchụn-ẹjan lẹ osisi mmọn Ashẹra wẹ hụn rịsọnmẹ ukun osisi ile duni lẹ elu òke ile jẹn elu.

Jerimaya 17:2 Iomraidhean Croise

Ihiẹn Mẹni Nke Ẹbụọ 24:18

Juda nọ gbakitọ Ụlọ-nsọ Osolobuẹ wụ Chuku ndị nẹdi wẹ azụụn, femẹ osisi ndị wẹ zumẹni onyẹnnyẹ-mmọn Ashẹra lẹ mmọn ndị wẹ kpụ. Ufiri njọnị wẹ mẹ, ize Juda lẹ Jerusalẹm nọ ban Osolobuẹ.

Ihiẹn Mẹni Nke Ẹbụọ 33:19

Ekpere ẹ lẹzi kẹ arịrịọ a dọn mẹtụ Chuku, lẹzi njọ a lẹ ihiẹn ile o gi latọ Osolobuẹ; ebe ile ọ rụntọ ụlọ-mmọn, zumẹsọnmẹ osisi onyẹnnyẹ-mmọn wụ Ashẹra lẹ mmọn-lẹ-iyi ndị hụ ọ kpụ n'o d'e welụa enwẹn ẹ alị, wẹ ile rị ebe ndị-amụma detọ ihiẹn mẹni.

Ihiẹn Mẹni Nke Ẹbụọ 33:3

Ọ tụnkinsọnmẹ ebe ile jẹn elu wẹ nọ e fe ofufe hụn nẹdi ẹ wụ Hezikaya tikpọ; o tumẹsọnmẹ ukpo wẹ nọ a chụnyeni Baalụ ichẹn-ichẹn ẹjan, zumẹsọnmẹ osisi onyẹnnyẹ-mmọn wụ Ashẹra. Ọ kụsọnmẹni kokisẹ lẹ ihiẹn ndị rị igwere isi alị, e fe wẹ.

Ẹbụ-ọma 78:58

E gi wẹ mmọn wẹ rị a rụa ebe jẹn elu a kpasu ẹ iwe, gi mmọn wẹ kpụ e mẹ ẹnya a fụ a.

Ọpụpụ 34:13

Kụtusọnmẹ ni ukpo ndị wẹ nọ a rụa mmọn; kụkpọpụ nị ọmụma ndị wẹ dọn nsọ; gbutukwama nị osisi ndị hụ wẹ zumẹsọnmẹ ni mmọn ahụn wụ Ashẹra.

Azaya 1:29

Ifẹnrẹn k'e mẹ ụnụ makẹ osisi ndị hụ ụnụ a rụa, hụn a sụọ ụnụ ụsụọ; ụnụ k'a fa makẹ ugbo-nta ndị hụ ụnụ nọ a rụa mmọn hụn ụnụ sị nị ịya ka ụnụ mma.

Azaya 17:8

Ebukọzị wẹ obi tụkwasị ihiẹn ẹka wẹ kpụ: kẹ ukpo-mmọn kẹ osisi ndị hụ wẹ zumẹni mmọn wụ Ashẹra kẹ ukpo nsẹnsi.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 3:23

Eziẹ, ụzụn ile ẹnyi a zụn ebe ẹnyi rị a rụa mmọn elu òke lẹ elu-ugu enwọn isi; ezioku, ẹka Osolobuẹ wụ Chuku ẹnyi sụọ kẹ nzụọpụha k'a gha bịanị Izrẹlụ.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 7:18

Ụmụẹka kpashimẹ ọkụn, ndị nẹdi wẹ a mụye ọkụn, ikpoho e shi ihiẹn-oriri wẹ gi a rụa mmọn wẹ w'a kpọ ‘Eze-okpoho Elu-igwee.’ Wẹ hụ a tụ manya e yeni mmọn ichẹn-ichẹn, e gi ẹ a kpasu m iwe.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Ditrọnọmi 12:2

Tikpọpụchanrịn nị ebe ile alị ichẹn-ichẹn ụnụ k'e weri alị wẹ a nọ e fe mmọn-lẹ-iyi wẹ — kẹ ndị rịsọnmẹ ugu jẹn elu, kẹ ndị rịsọnmẹ elu òke kẹ ndị rị okpuru osisi ile nwọn igungun ghalẹni a gbụ ẹhụhụọ.

Ndị Han Eṅẹn 3:7

Ndị Izrẹlụ mẹ ihiẹn rịlẹni mma ẹnya Osolobuẹ, wẹ zọ Osolobuẹ wụ Chuku wẹ, femẹ Baalụ lẹ Ashẹra.