Jerimaya 17:18 - Ika

¹⁸ Ifẹnrẹn ya mẹgbu ndị rị e kpokponi m, ka anịlẹ mmẹ nwẹn fa; rọn wẹ egun, ka anịlẹ egun tụ m. Mẹ nwan ogẹn nsọngbu kunrun wẹ, y'e tikpọ wẹ ru alị!

Jerimaya 17:18 Iomraidhean Croise

Jobu 16:14

Ọ hụ a maye m, ọmaye-ọmaye; ọ zụnburu m nọkẹ onyẹ-agha.

Ẹbụ-ọma 35:4

Ndị hụn chọ nị wẹ gbu m, wẹ fa, ifẹnrẹn ya mẹ wẹ; ndị rị e zu umẹ ni wẹ tikpọ m, wẹ gi ifẹnrẹn la.

Ẹbụ-ọma 35:8

Ntikpọ ya kunrun wẹ idẹnmizi, ọnyan-ọga wẹ shitọ ya kụ wẹ nwụndọn wẹ; wẹ dan a, la iwi.

Ẹbụ-ọma 40:14

Ndị ile chọkọ nị wẹ gbu m, ifẹnrẹn ya mẹ wẹ, w'a marịnzịlẹ hụn w'e mẹ; ndị ọ rị a sụọ nị wẹ tikpọ m wẹ gi ifẹnrẹn kin azụụn.

Ẹbụ-ọma 70:2

Ifẹnrẹn lẹ ịfa ya gbu ndị rị a chọ isi m! Wẹ chụkin ndị chọkọ ihiẹn e mẹni m, gbe ifẹnrẹn ye wẹ ihun!

Ẹbụ-ọma 71:1

Euu Osolobuẹ, ịyụ kẹ m'e gbọnni! Dodo, anịkwọlẹ ifẹnrẹn mẹ m!

Jerimaya 1:17

“Kọnrin nwan ọrụn, y'e lihi n'ị gwa wẹ ihiẹn ọwụlẹ m k'a sị ị gwa wẹ. Atụkwọlẹ egun wẹ, makẹni i mẹ ẹ, m k'e rọn ị egun idẹnya wẹ.

Jerimaya 11:20

Kanị, Osolobuẹ ihiẹn ile rị okpuru ẹ, ịyụ hụn a han ezigbo eṅẹn, e lelezikwọ obi ịhịan lẹ iroro ẹ, nị m nwan gi ẹnya m hụn ebe ị nọ mẹgwarị wẹ, makẹni e bugụọ m oku m che i ẹka.

Jerimaya 12:3

Kanị y'a marịngụọ m, Osolobuẹ; ị hụ a hụn m, e lele kẹ m dọn e ro i. Dọkpụnrụn wẹ kẹ atụnrụn d'e gbu! Bu wẹ tọnị ụhụọhịn wẹ k'e gbu wẹ!

Jerimaya 14:17

Lee ihiẹn i k'a gwa wẹ: Ẹnya-mirin ẹnya-mirin kẹ m'a kwan uhinhin lẹ efinnaị; makẹni nwagbọọ wụ alị m a rụgụọ eje-ẹhụ, a dụgụọ w'a eje-ịkpa.

Jerimaya 16:18

“M jẹnkọ d'e ye wẹ afụnfụn njọ lẹ eje-ihiẹn wẹ mẹ, ye wẹ ya ụzọ ẹbụọ, makẹni e gigụọ wẹ eje-ihiẹn ndị ahụn wẹ kpụtọsọnmẹ mẹrụ alị m, ihiẹn ndị ahụn rụnị rịlẹni ndụn hụn wẹ rị e fe.”

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 17:16

Agbatọnị m ndịnị ị sị m lepụ ẹnya, ọ rịtuni m nị ogẹn nsọngbu kunrun wẹ. Y'a marịnghọ ihiẹn gha m ọnụ a pụha — idẹnya ị kẹ m nọ e ku ihiẹn m'e ku.

Jerimaya 17:19

Osolobuẹ sị m, “Jẹn d'e turu Ọnụ-mgbọn Ịhịan-ile, hụn ndị-nze alị Juda gha a pụ, a banhan, n'ị hị ihiẹn m k'a gwa ị, y'e jẹnsọnmẹzikwọ ọnụ-mgbọn ndị ọzọ ile rị Jerusalẹm d'a hịzị a.

Jerimaya 20:11

“Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Ditrọnọmi 33:11

Euu, Osolobuẹ, dodo gọzi ẹ imẹ ihiẹn ile ọ ma mẹ, ya nị ọrụn-ẹka a sụọ ị ụsụọ. Kpagichanrịn ogelemazụụn ndị ile a lụsọn ẹ ọgụn lẹ ndị ize ẹ e ze makẹ wẹ ghazị e lihi ọtọ.”

Rẹvẹleshọnụ 18:6

“Mẹ ẹ ihiẹn o mẹ ndị-ọzọ! Mẹgwarị a ya ụzọ ẹbụọ! Gbaye ẹ manya k'o dọn gbaye ndị ọzọ, y'a gbayedẹ ẹ ya ụzọ ẹbụọ!