Jerimaya 17:16 - Ika

¹⁶ Agbatọnị m ndịnị ị sị m lepụ ẹnya, ọ rịtuni m nị ogẹn nsọngbu kunrun wẹ. Y'a marịnghọ ihiẹn gha m ọnụ a pụha — idẹnya ị kẹ m nọ e ku ihiẹn m'e ku.

Jerimaya 17:16 Iomraidhean Croise

Jerimaya 12:3

Kanị y'a marịngụọ m, Osolobuẹ; ị hụ a hụn m, e lele kẹ m dọn e ro i. Dọkpụnrụn wẹ kẹ atụnrụn d'e gbu! Bu wẹ tọnị ụhụọhịn wẹ k'e gbu wẹ!

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Jerimaya 15:15

“Osolobuẹ, y'a marịngụọ ihiẹn ẹnya rị a hụn m; dodo, nyanhan m, n'ị hụn ụzọ lepụ m ẹnya. Mẹgwarịnị m ndị rị e kpokponi m. Anịkwọlẹ wẹ gbu m ebe ị rị e gi ndidin e sọn wẹ; nyanhankwọ mkpari m rị e gi ufiri i a narịn.

Jerimaya 18:20

W'e gidẹ nwan njọ a kụ mma ra? E gutọgụọnị wẹ m olu kẹni m danye. Nyanhankwọ kẹ m dọn nọ ihun i a rịọdọnni wẹ, a rịọ ị n'i mẹyeni wẹ, makẹ ị gha e gi ọnụma e sọn wẹ!

Jerimaya 20:7

Jerimaya nọ sị, “Euu Osolobuẹ, y'e dufie m, m nọ kweyeni i; y'a karị m ẹka, nke i nọ bụn. Ẹmụ-ẹmụ kẹ w'a mụ m nwan uhinhin lẹ efinaị! Ịhịan ile hụ a mụ m ẹmụ!

Jerimaya 20:9

M sị ‘Ekukọzị m banyeni Osolobuẹ, Egikọzị m ẹfan a ku,’ oku ẹ a dụnma m kẹ ọkụn imẹ obi, ọkụn hụn rị m imẹ ọkpụkpụ, ẹhụ a rọ m m gi e kwọndọn ẹ — ọ nịkọ m kwọndọn!

Jerimaya 9:1

K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Emọsụ 5:10

Onyẹ jụgbọ wẹ lẹ ntụ wẹ ọgwa ize ẹ a ban wẹ; onyẹ ku ezioku, ize ẹ e zemẹ wẹ.

Ọrụn Ndị-ozi 20:20

ụnụ a marịnzịghọ nị egini m egun seri isi m ihiẹn m marịn k'e yeni ụnụ ẹka; a kuzi m ụnụ ihun ịhịan ile lẹ ụlọ-ụlọ —

Ọrụn Ndị-ozi 20:27

A gwachanrịngụọ m ụnụ ihiẹn ile wụ uche Osolobuẹ k'ọ nọ — eserini m isi latọ hụn ọwụlẹ.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 2:17

Ẹnyi anọnị kẹ ndị bu ọda rị e ghoro oku-Chuku nọkẹ sị ibu-afịa rọ; kama, rịkẹ ndị rị imẹ Kraịstị, ẹnyi gi obi rị ọchan e ku kẹ ndị Chuku zi, ndị nọ idẹnya Chuku e ku.

Jemisi 1:19

Ezigbo umunẹ m, ọnwan ya we ụnụ ẹnya: onyẹ ọwụlẹ ya a nụkpọ oku; y'e kukẹnrinlẹ oku; y'e bukẹnrinlẹ olulu —

Jemisi 3:1

Umunẹ m, emẹlẹ ni ndị-nkuzi, ndị-nkuzi, makẹni ụnụ a marịnghọ nị ikpe wẹ k'e kin ẹnyi ndị-nkuzi k'a ka ikẹn.