Jerimaya 17:13 - Ika

¹³ Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 17:13 Iomraidhean Croise

Ẹbụ-ọma 22:4

ịyụ kẹ ndị nẹdi ẹnyi kanị gi dọn ẹnya — e gi wẹ i dọn ẹnya, ị nọ zụọpụha wẹ!

Ẹbụ-ọma 69:29

Mmẹ nwẹn, m rị nwan imẹ afụnfụn lẹ ụfụ; Chuku dodo, zụọpụha m bu m che elu ebe ẹka wẹ jẹnkọlẹni d'e ru!

Ẹbụ-ọma 71:5

Makẹni, ịyụ wụ Osolobuẹ kẹ m rị e lee ẹnya, ịyụ kẹ m gi e dọn ẹnya gha ẹhụ nwandu m lala.

Ẹbụ-ọma 73:27

Chuku, ndị nọkunmẹlẹni i k'a la iwi; i k'e tikpọ ndị la ị tọ sọnmẹ ihiẹn ichẹn.

Ẹbụ-ọma 97:7

Ifẹnrẹn e mẹgbugụọ ndị ile e fe ihiẹn wẹ kpụ, ndị rị e gi mmọn nwọnlẹni ihiẹn ọ wụ a nyan isi; mmọn ile, kụnị nị Osolobuẹ isi alị!

Itẹn 10:7

Ịnyanhan onyẹ ezi-omumẹ wụ ngọzi, kanị ẹfan eje-ịhịan k'e rehi.

Itẹn 14:14

Onyẹ hụn obi ẹ latọgụ Osolobuẹ k'a narịnrịrị ụgwọ-ọrụn a; onyẹ-ọma k'a narịnzịkwọ ụgwọ nke ẹ.

Azaya 1:28

Kanị ntikpọ kẹ wẹ k'e tikpọ ndị nnupụ-isi lẹ ndị-njọ, ndị hụn gbakitọ Osolobuẹ azụụn k'a la iwi.

Azaya 66:5

Nụ nị nwan oku Osolobuẹ, ụnụ ndị a nụ oku ẹ, e mẹhunmẹ! Umunẹ ụnụ hụn rị e ze ize ụnụ, e nu ụnụ e ye ụsụọ makẹ ufiri ẹfan m, a sịgụọ, “Osolobuẹ ya ghọsịkwọ ikẹn ẹ, kẹni ẹnyi hụn ịghọghọ ụnụ!” Kanị, uwẹ kẹ ifẹnrẹn jẹnkọ d'e mẹ.

Jerimaya 14:8

Euu, Onyẹ hụn Izrẹlụ rị e lee ẹnya! Onyẹ hụ a zụọpụhan'a ogẹn nsọngbu, k'ị gbanị nkịtịn nọkẹ onyẹ-ọbịa, e mẹ kẹ onyẹ-ijẹn banhanhụ d'a ranhịn nị eki fọn?

Jerimaya 17:17

Dodo, erọnlẹ m nwan egun; ịyụ kẹ m'a gbaburu ogẹn nsọngbu.

Jerimaya 17:18

Ifẹnrẹn ya mẹgbu ndị rị e kpokponi m, ka anịlẹ mmẹ nwẹn fa; rọn wẹ egun, ka anịlẹ egun tụ m. Mẹ nwan ogẹn nsọngbu kunrun wẹ, y'e tikpọ wẹ ru alị!

Jerimaya 17:5

Osolobuẹ sị, “Ịbụ-ọnụ ya rịnị onyẹ k'e gi ịhịan dọn ẹnya, onyẹ hụn ịhịan mmaka wụ ikẹn ẹ, onyẹ hụn obi ẹ rịzịlẹni ebe Osolobuẹ rị.

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 50:7

Ndị ile hụnnị wẹ hụ e bu wẹ e ri. Ndị iṅẹnrẹn wẹ hụ a sị, ‘Uwẹ sị ẹnyi mẹ wẹ ihiẹn ẹnyi mẹ wẹ, uwẹ mẹ Osolobuẹ njọ — Osolobuẹ hụn wẹ nọ ẹka a e rijun ẹfọ, Osolobuẹ ndị nẹdi wẹ gi dọn ẹnya.’ Osolobuẹ sị nwan,

Izikẹlụ 13:9

Ẹka m k'e bitụ ndị-amụma hụ rị a hụn ọhụn ntụ, a gba-ẹfa ntụ; arịkọzị wẹ imẹ ozuzu ndị nke m; ẹfan wẹ arịkọzị ẹkụkwọ ndị Izrẹlụ; abankọzịdẹ wẹ alị Izrẹlụ. Ogẹn hụ, ụnụ a marịn nị m wụ Osolobuẹ nwọn ihiẹn ile.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Izikẹlụ 36:32

“Osolobuẹ Nwọn Ihiẹn Ile sị, m chọ nị ụnụ marịn nị ẹlẹkwọ ụnụ haịn m gi rị e mẹ ihiẹnni. Obibi ụnụ ya mẹgbu ụnụ ifẹnrẹn, fa ụnụ, ụnụ ndị Izrẹlụ.

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Juwẹlụ 3:16

Olu Osolobuẹ k'a gha Ugu Zayọnụ hanpụha kẹ olu ẹwọrọ rị e dẹnni; olu ẹ k'a gha Jerusalẹm hanpụha kẹ akpara (akpabọ). Elu-igwee lẹ ụwa k'e mẹhunmẹ. Kanị Osolobuẹ lẹ enwẹn ẹ k'e che ndị nke ẹ nche, ebe ndị Izrẹlụ a gbaban.

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Zẹkaraya 9:12

Ndị wẹ kwọndọn hụn rị e lee ẹnya nzụọpụha, kinhẹn ni nwan ezigbo ụlọ ụnụ zeni! M rị a gwa ụnụ tannị nị m k'e yekin ụnụ ihiẹn ile ụnụ tuhu, gi hụn han kẹ ịya dụnnị ụnụ ya.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Ọrụn Ndị-ozi 28:20

Ya haịn m gi sị nị m hụn ụnụ gwa ụnụ oku, makẹni oku ihiẹn ahụn Izrẹlụ ile rị e lee ẹnya a kẹ m gi rị ẹgannị.”

Timoti Ibuzọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị Jizọsị. Osolobuẹ hụn a zụọpụhanị ẹnyi lẹ Kraịstị wụ Jizọsị hụn wụ olilẹnya ẹnyi tumẹ m.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”