Jerimaya 17:11 - Ika

¹¹ Nnụnụ hụn e zuru ẹkwan o yilẹni d'e gbu — lẹ onyẹ e gi mmẹgbu a kpa egho wụ ohu; o gini d'e bi ebi, egho a la; ikpanzụụn, a hụn w'a n'ọ wụ nzuzu.

Jerimaya 17:11 Iomraidhean Croise

Jobu 20:21

Onwọnni ihiẹn o rihọdụ; akụ-lẹ-ụba a atọkọ.

Ẹbụ-ọma 49:13

Lee ihiẹn e mẹ ndị “amarịnka m” lẹ ndị e sọnni wẹ lẹ ndị a kwadọn ndụnmọdụn wẹ. Sẹla

Ẹbụ-ọma 55:23

Kanị Osolobuẹ, i k'a tụ ndị-izighẹ ahụn lẹ ndị-ntụ ahụn ye ebe ka e mi imẹ mgbugbu ahụn; wẹ k'a nwụnchu! Kanị mmẹ nwẹn, m k'e gisọnmẹ i dọn ẹnya!

Itẹn 13:11

Eje-egho e gi ẹrẹtẹ-ẹrẹtẹ a la, kanị hụn wẹ kpa ẹkẹrẹ-ẹkẹrẹ a ba ọbụba-ọbụba.

Itẹn 15:27

Onyẹ ẹnya-uku e sehẹni ikpụlọ a nsọngbu, kanị onyẹ hụn ghalẹni a narịn ihiẹn furulẹni n'ọ narịn k'a rị ndụn.

Itẹn 21:6

Akụ-lẹ-ụba wẹ gi ntụ kpa wụhụ igirigi e fopụnị lẹ ọnyan e gbuni.

Itẹn 23:5

I buhụ ẹnya che akụ-lẹ-ụba, a la wẹ; makẹni wẹ k'e purịrị nku, fela kẹ ugọn.

Itẹn 28:16

Ọnapụ-ọnapụ kẹ onyẹ-ọkịkị nwọnlẹni nghọta a napụ, kanị onyẹ-ọkịkị eje-erere e ze ize k'a tọ.

Itẹn 28:20

Onyẹ hụn tọ e mẹ ihiẹn furuni e nwọnhẹn ngọzi ọhụnma-ọhụnma, kanị onyẹ a hụhụ n'o hi ọdanfịn a lakọ mmaka.

Itẹn 28:22

Onyẹ-atịntịn a chọkẹnmẹ n'o hi ọdanfịn, bụ ọ marịn n'o jẹnkọ d'a dan ogbẹnnyẹ.

Itẹn 28:8

Onyẹ hụn e gi okẹn ọmụnịnwa e hiwaye ọdanfịn rị a kpatọnị onyẹ e mẹni ndị igbẹnnyẹ ọhụnma.

Jerimaya 22:13

“Ọ rịkọnị eze gi eje-omumẹ tụn obi-eze ẹ mma, hụn gi mmẹgbu tụn a ụlọ-elu, mẹ ndị alị a tụnn'a ya ọfẹ, onwọnni ihiẹn ọ kụ wẹ!

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Emọsụ 3:10

Osolobuẹ sị: “Ama wẹ mẹ ihiẹn rị mma, ihiẹn junsọnmẹ okẹn ụlọ wẹ gichanrịn egbu-lẹ-egbu lẹ ohin bịa.”

Maịka 2:9

Ụnụ a chụpụ ikpoho alị m iwe wẹ obi gi a sụọ wẹ ụsụọ, a napụ ụmụ wẹ ọghọ m ye wẹ, a napụchanrịn.

Maịka 7:3

Wẹ ile buchanrịn ẹka ẹbụbụọ che eje-ihiẹn, ọ hụ a gha wẹ ẹka. Ndị isi hụ e gi ọnụ a dọ egho-azụụn, ndị ọka-ikpe hụzị a na; Ndị uku hụ e gi ọnụ wẹ a chọ nke wẹ; wẹ ile hụ e kịgbama e mẹ eje-ihiẹn.

Zẹfanaya 1:9

Osolobuẹ sị, “O ru ogẹn ahụn, m k'e mẹshi wẹ ikẹn ndị ile e ṅọnghafe ụzọ kẹ ndị a rụa mmọn, lẹ ndị a tụnarịn, a zụọnarịn ndị ọzọ ihiẹn wẹ, e kpọnjun ụlọ onyẹ wẹ rị e fe.”

Zẹkaraya 5:4

Osolobuẹ nwọn ikẹn ile sị, ‘M zikọ a d'a banyesọnmẹ iwe onyẹ ọwụlẹ e zun ohin lẹ onyẹ e kun ẹfan m a tụ ntụ. O jẹnkọ d'a nọbie iwe ẹ, tikpọ a ru alị, kẹ osisi kẹ blọkụ lẹ ẹjan.’ ”

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Luku 12:20

Kanị Osolobuẹ nọ sị a, ‘Onyẹ nzuzu! Uhinhinni kẹ wẹ jẹnkọ d'a napụ ị ndụn ị! Onyẹ jẹnkọ nwan d'e nwọnrin ihiẹn ndịnị ile i rụntọ?’ ”

Timoti Ibuzọ 6:9

Ndị rị a chọ nị wẹ hi ọdanfịn a danban ọnwụnwan lẹ ọnyan lẹ ẹgụn rị ichẹn-ichẹn nwọnlẹni isi a rụ ịhịan ẹhụ, e wiwi ịhịan, e tikpọ a.

Taịtọsụ 1:11

O furu ni wẹ kpukin wẹ ọnụ! Makẹni, wẹ rị e gi ihiẹn ahụn furulẹni wẹ gi ufiri egho a kuzi a sụkpọsọnmẹ ikpụlọ.

Pita Nke Ẹbụọ 2:14

Ughẹrẹ jun wẹ ẹnya; ẹfọ njọ ara jun wẹ. W'a rẹrẹrị ndị kelẹni wuzo ọhụnma e ye imẹ njọ. E gigụọ wẹ ẹnya-uku zụn obi wẹ. Ndị wẹ bụ ọnụ kẹ wẹ wụ!

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!