Jerimaya 17:10 - Ika

¹⁰ “Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 17:10 Iomraidhean Croise

Ndị-nze Nke Ibuzọ 8:39

dodo, gha elu-igwee, ebe-obibi i, nụ. Gbagharị, y'e mẹ ihiẹn banyen'ẹ, gi ihiẹn ile onyẹ-onyẹ mẹ sọn ẹ, ebe o mẹ ni y'a marịnghọ obi ẹ (makẹni ịyụ sụọ marịn obi ịhịan ile).

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Ihiẹn Mẹni Nke Ẹbụọ 6:30

dodo, gha elu-igwee, ebe obibi i, nụ ekpere ẹ. Gbagharị; y'e mẹ ihiẹn banyen'ẹ, gi ihiẹn ile onyẹ-onyẹ mẹ sọn ẹ, ebe o mẹ ni y'a marịngụọ obi ẹ (makẹni ịyụ sụọ marịn obi ịhịan ile).

Jobu 34:11

Ọ kụ ịhịan ụgwọ ihiẹn o mẹ; o mẹ ịhịan e gi isi e buru eje-obibi ẹ.

Ẹbụ-ọma 44:21

Chuku amarịnkọ? O k'a marịn nụ, makẹni ọ marịnghọ obi ẹnyi, ọsụọn'a nị obi ẹnyi zueri ezueri!

Ẹbụ-ọma 44:22

Ufiri i kẹ wẹ gi nwan e gbu ẹnyi kẹ ụhụọhịn han, e mẹ ẹnyi kẹ atụnrụn wẹ k'e gbu.

Ẹbụ-ọma 62:12

lẹ ni y'e mẹsọnmẹ hụn run'i, Di-nwọnni-ẹnyi; ihiẹn onyẹ rụn k'i gi a kụ a ụgwọ.

Ẹbụ-ọma 7:10

Chuku hụn Kachanrịnnị wụ onyẹ nche m, onyẹ hụn a zụọpụha ndị obi wẹ zin.

Ẹbụ-ọma 7:9

Euu Chuku hụn rị ọchan, ịyụ, hụn e lele obi lẹ iroro ịhịan; dodo kụsị eje-ihiẹn ndị-njọ rị e mẹ, y'e dọnmẹ ndị ezi-omumẹ ọhụnma.

Itẹn 12:14

Oku-ọnụ ịhịan e mẹ ihiẹn rị mma e jun ẹ ẹka, nọkẹ kẹ ọrụn-ẹka ịhịan dọnzi e ye ẹ ihiẹn.

Itẹn 17:3

Ọkụn kẹ wẹ gi e lele siliva; okẹn ọkụn kẹ wẹ gi e lele goru; kanị Osolobuẹ ya nwọn e lele obi.

Ẹkịliziastisi 9:3

Ọnwan wụ eje-ihiẹn hụn rị ihiẹn ile e mẹ elu-ụwa: Ihiẹn ohu ahụn e kunrun ịhịan ile. Obi ịhịan nkẹ wụzịkwọ eje-ihiẹn eje-ihiẹn, ẹra rị wẹ obi e we wẹ bigụ, omẹgụ, a laburu wẹ ndị nwụnnị.

Azaya 59:18

Ihiẹn onyẹ-onyẹ mẹ k'o k'e gi sọn ẹ: o k'e ye ndị iṅẹnrẹn ẹ afụnfụn, mẹshi ndị rị a lụsọn ẹ ọgụn ikẹn — o k'e yedẹ alị ndị rị mkpẹnrẹn ohimin teni afụnfụn ihiẹn wẹ mẹ.

Jerimaya 11:20

Kanị, Osolobuẹ ihiẹn ile rị okpuru ẹ, ịyụ hụn a han ezigbo eṅẹn, e lelezikwọ obi ịhịan lẹ iroro ẹ, nị m nwan gi ẹnya m hụn ebe ị nọ mẹgwarị wẹ, makẹni e bugụọ m oku m che i ẹka.

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Jerimaya 20:12

Euu, Osolobuẹ ihiẹn ile rị okpuru ẹ, hụn e lele ndị ezi-omumẹ, e nyọnchan obi lẹ iroro ịhịan! Nị m hụn kẹ ị rị e mẹgwarị wẹ — makẹni e bugụọ m oku m che i ẹka.

Jerimaya 21:14

Kanị, m jẹnkọ d'e ye ụnụ afụnfụn ihiẹn ụnụ mẹ. Mmẹ wụ Osolobuẹ ku ẹ. M k'a mụ ọkụn ye ẹgboko ụnụ hụ, ọkụn hụn k'a dụnpụ ihiẹn ile rị ebe ụnụ rị.’ ”

Jerimaya 23:2

Lee nwan ihiẹn Osolobuẹ hụn wụ Chuku Izrẹlụ ku banyeni ndị rị e du ndị nke m: “Makẹni ụnụ a chụzịzagụọ ndị nke m, chụpụ wẹ — hụn nkẹ ụnụ e gi lepụ wẹ ẹnya, m k'e ye ụnụ afụnfụn eje-ihiẹn ụnụ mẹ. Mmẹ wụ Osolobuẹ e kugụọ a!

Jerimaya 32:19

Y'e rokẹkwọ! Y'e mẹkẹ okẹn-ihiẹn!! Y'a hụnchanrịn ihiẹn ile ịhịan rị e mẹ, e gi obibi onyẹ-onyẹ lẹ ihiẹn o mẹ e sọn ẹ, a kụ a ụgwọ-ọrụn.

Izikẹlụ 11:5

Ya kẹ Mmọn Osolobuẹ nọ kwọndọn m, Osolobuẹ nọ sị m, “Sị wẹ, ‘Lee ni ihiẹn Osolobuẹ ku: Ihiẹnni kẹ ụnụ ndị Izrẹlụ rị e ku; a marịnzịghọ m ihiẹn ụnụ rị e ro imẹ obi ụnụ.

Izikẹlụ 14:5

M k'e mẹ ẹ kẹni m gi ẹ nwụndọn ndị Izrẹlụ, mẹ ihiẹn rị wẹ obi pụha ifọn, makẹni obi wẹ ile a pụgụọ ebe m rị yeni mmọn ile wẹ rị e fe.’

Maịka 7:13

Kanị ụwa k'e mẹ mkpọkọ-mkpọkọ, yeni ihiẹn ndị rịn'a rị e mẹ.

Matiu 16:27

“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Matiu 6:4

kẹni ihiẹn ụnụ mẹni ndị-igbẹnnyẹ wụrụ ihiẹn ụnụ mẹ nzuzue, Nẹdi ụnụ hụn a hụn ihiẹn zuerini a kụ ụnụ ụgwọ.

Jọnụ 2:25

Ẹlẹ hụn w'e gi gwama a kẹ ịhịan nọ, makẹni ya lẹ enwẹn ẹ a marịngụọ ihiẹn rị imẹ ịhịan.

Ọrụn Ndị-ozi 1:24

Ya wẹ nọ mẹ ekpere, sị, “Di-nwọnni-ẹnyi, ịyụ marịn obi ịhịan ile; dodo, ghọsị ẹnyi onyẹ ị họrị imẹ madụ ẹbụọnị,

Ndị Rom 6:21

Kị wụ nwan erere ihiẹn ndị ahụn ụnụ mẹ ogẹn ahụn — hụn rị nwan e mẹ ụnụ ifẹnrẹn? Ọnwụn, ya kẹ ihiẹn ndị ahụn e buhẹ!

Ndị Rom 8:27

Osolobuẹ hụn e legha obi ẹnyi marịn ihiẹn Mmọn-nsọ rị a rịọ, makẹni Mmọn-nsọ a rịọdọnni ndị-nsọ kẹ Osolobuẹ dọn chọ.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 22:12

Jesu sị, “Lee ẹ, m lala ẹgwa, m gi ụgwọ-ọrụn m k'a kụ lala d'a kụ onyẹ-onyẹ ihiẹn ọ rụn.

Samuẹlụ Nke Ibuzọ 16:7

Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”