Jerimaya 16:6 - Ika

⁶ Kẹ onyẹ uku kẹ onyẹ nta jẹnkọ d'a nwụntọ alịnị; onwọnkọ onyẹ k'e lini wẹ mọbụ kwan wẹ; onwọnzikwọnị onyẹ jẹnkọ d'e be enwẹn ẹ ihiẹn mọbụ kọ ntutu ẹ n'ọ rị a kwan wẹ.

Jerimaya 16:6 Iomraidhean Croise

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 24:2

ihiẹn ohu hụ jẹnkọ d'e kunrun ịhịan ile — kẹ ndị nchụn-ẹjan kẹ ndị mmaka, kẹ odibo-okẹnnyẹ kẹ onyẹ-nwọnni ẹ, kẹ odibo-okpoho kẹ okpoho ọ rị iwe ẹ, kẹ onyẹ e reni kẹ onyẹ e ṅọnni, kẹ onyẹ e zinrinni kẹ onyẹ e zinyeni, kẹ onyẹ gi ụgwọ kẹ onyẹ wẹ gi ụgwọ.

Jerimaya 13:13

Y'a sị wẹ nị Osolobuẹ sị, ‘M jẹnkọ d'e mẹ ndị alịnị gụnma agụngụn ndị manya rị a tụ, marịnzịlẹni ihiẹn wẹ rị e mẹ, kẹ ndị-nze wẹ nọ ukpo Defidi a kị kẹ ndị nchụn-ẹjan kẹ ndị-amụma kẹ ịhịan ile bi obodo Jerusalẹm.

Jerimaya 16:4

Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Jerimaya 41:5

ikẹnnyẹ ọgụn-ẹnọ kọ ẹtu, dọka ẹwuru wẹ, bekika enwẹn wẹ ẹhụ, nọ gha Shẹkẹm, Shilo lẹ Sameria bịa Mizpa. Wẹ ile busọnmẹ ọka lẹ nsẹnsi wẹ jẹnkọ d'e gi chụnyeni Osolobuẹ ẹjan imẹ Ụlọ-nsọ rị Jerusalẹm.

Jerimaya 47:5

Ndị obodo Gaza rị alị Filistia k'a kpụnpụ ntutu wẹ, nị ụya e ru wẹ isi. Ndị obodo Ash'kẹlọnụ rị alị Filistia ahụnkọ ọnụ ku oku. Ndị họdụ alị-aradan Filistia, elee mgbe kẹ ụnụ e bekikabehi enwẹn ụnụ ẹhụ — ebe ụnụ rị a kwan ụya?!

Jerimaya 48:37

Wẹ ile jẹnkọ d'a kpụnpụ ntutu, kọpụ ẹtu; wẹ ile k'e bekika enwẹn wẹ ẹka, jeri ẹkwa-achọ ndị rị a kwan ụya.

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Lẹvitikọsụ 19:27

“Akọhunmẹlẹ ni isi mọbụ gbubelụa ẹtu ụnụ.

Lẹvitikọsụ 19:28

“Egilẹ ni ufiri onyẹ nwụnnị gi ihiẹn be enwẹn ụnụ; egbulẹ ni ahịma ye enwẹn ụnụ ẹhụ. Mmẹ wụ Osolobuẹ.

Emọsụ 6:11

Osolobuẹ e kuọl'a: o k'e tikpọpụchanrịn kẹ ụlọ uku kẹ ụlọ nta!

Matiu 9:23

Ogẹn Jizọsị gi nwan ru iwe onyẹ-isi ahụn bịa d'a rịọn'a, ọ hụn ndị rị e gbu ẹkpịrị lẹ igunrun ịhịan ebẹhụ kẹ wẹ rị a zụn ụzụn,

Ditrọnọmi 14:1

Ụmụ Osolobuẹ wụ Chuku ụnụ kẹ ụnụ wụ, egilẹ ni nwan ufiri onyẹ nwụnnị be enwẹn ụnụ ihiẹn mọbụ kọpụ ntutu ụnụ ibe ihun,

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 6:15

Ya ndị-nze ụwa lẹ ndị uku lẹ ndị ndu-agha uku lẹ ndị ịdanfịn lẹ ndị ile wẹ gi oku wẹ e dọn lẹ ndị ọzọ ile — kẹ igbọn kẹ ndị nwọn enwẹn wẹ — wẹ ile nọ shi imẹ okporo lẹ ọmụma ndị rịsọnmẹ elu ugu d'a warị,