Jerimaya 16:4 - Ika

⁴ Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Jerimaya 16:4 Iomraidhean Croise

Ndị-nze Nke Ẹbụọ 9:10

O mẹ nke Jezibẹlụ, nkitẹ jẹnkọ d'a ra ẹdeke ẹ imẹ alị nẹi rị Jezriẹlụ, onwọnni onyẹ k'e lin'ẹ.’ ” Ogẹn onyẹ amụma hụ gi zigụ ozini, ọ nọ gụnpụ ụzọ, gbama ọsọ.

Ẹbụ-ọma 78:64

E gi wẹ ọpịa-agha gbupụ ndị nchụn-ẹjan wẹ, inyẹnmẹ wẹ asanị ẹka kwan wẹ.

Ẹbụ-ọma 83:10

ndị hụn i tikpọ la iwi imẹ Ẹndọ, ozun wẹ e retọ alị nọkẹ nsịn.

Azaya 18:6

Ọ la wẹ tọnị nnụnụ a kpa elu-ugu e ri anụ lẹ anụ ndị-ọzọ e ri anụ; nnụnụ ndị ahụn e ri wẹ ọkọkị e we gụ, anụ-ọfịa e ri wẹ udu-mirin e we gụ.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Jerimaya 19:7

“M jẹnkọ d'a nọ ebeni kpayịya ihiẹn ile ndị Juda lẹ ndị bi imẹ Jerusalẹm romẹ. M k'e mẹ ndị-iṅẹnrẹn wẹ gi ọpịa-agha gbu wẹ, m k'e mẹ wẹ danyesọnmẹ ẹka ndị rị a chọ isi wẹ; m k'e we ozun wẹ ye nnụnụ lẹ anụmanụ ri.

Jerimaya 21:6

M k'e gbu ihiẹn ile rị imẹ obodoni — kẹ ịhịan kẹ anụmanụ, eje-emu k'e gbu wẹ.

Jerimaya 25:33

O ru ogẹn hụ, ndị Osolobuẹ gi ọpịa-agha gbu jẹnkọ d'e jun ụwa ile — gha isini d'e ru isini. Akwankọ wẹ wẹ, ekpọngbamakọ wẹ wẹ, elikọ wẹ wẹ — wẹ k'e jun alị kẹ nsịn anụ.

Jerimaya 34:17

“Ufiri ẹ, mmẹ wụ Osolobuẹ sị, ‘Ụnụ egọnni m ntịn hatu umunẹ ụnụ, ndị alị Juda ibe ụnụ. M jẹnkọ nwan d'a hatu ụnụ nwẹn, ha ụnụ yeni ọpịa-agha, eje-emu lẹ ẹgụn nị wẹ gbu ụnụ. Ya kẹ Osolobuẹ ku. M mẹgụ ụnụ ihiẹn m k'e mẹ ụnụ, egun k'a tụma ndị alị-eze ile rị ụwa.

Jerimaya 34:20

m k'e we wẹ ye ndị iṅẹnrẹn wẹ chọkọ isi wẹ; ozun wẹ a wụrụ ihiẹn-oriri nnụnụ lẹ anụ-ọfịa.

Jerimaya 36:30

“ ‘Lee nwan ihiẹn Osolobuẹ sị o k'e mẹ Jehoyakim eze Juda: Osolobuẹ sị: Onwọnni nwa Jehoyakim jẹnkọ d'a nọdị ukpo Defidi; wẹ k'a mahu ozun Jehoyakim, anwụn hụ a ma a efinaị, igirigi hụ e ziẹn ẹ uhinhin.

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 7:33

Nnụnụ lẹ anụmanụ e rimẹ ozun ndị alịnị, onyẹ k'a chụnị wẹ arịk'a.

Jerimaya 9:22

Sị wẹ, “Osolobuẹ sị: ‘Ozun ịhịan jẹnkọ d'e jun ụzọ ile nọkẹ nsịn-efin rịsọnmẹ ogige; wẹ k'e jun alị kẹ ọka wẹ betọsọnmẹ alị hụn wẹ kelẹni kpọnkikomẹ.’ ”

Ẹkwan 4:9

Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Zẹfanaya 1:17

M k'e wẹhẹni ịhịan nsọngbu, e bisọnmẹ wẹ ẹka e jẹn nọkẹ ndị ẹnya-ishi, makẹni e mẹọlẹ wẹ Osolobuẹ njọ. Ẹdeke wẹ k'a gba kẹ mirin ogẹn hụ; ozun wẹ k'e retọ alị kẹ nsịn efin.

Ditrọnọmi 28:22

Osolobuẹ k'a tụ ụnụ eje-emu e rikpọnị, ẹhụ-ọkụn, emu ịhịan gi e nwun anwụn-anwụn; o k'a tụ ihiẹn-akụnkụn ụnụ okẹn uwowo lẹ ụkọ-mirin lẹ ndundu e gbu ihiẹn-ugbo lẹ ịkpọ-nkụn; o k'e gi ihiẹn ndịnị sọn ụnụ d'e ru nị ụnụ a lachanrịn iwi.

Ditrọnọmi 28:26

Ozun ụnụ k'a wụrụ ihiẹn-oriri nnụnụ ile e ri ozun lẹ ihiẹn-oriri anụ-ọfịa, onwọnni onyẹ k'a chụnnị wẹ.