Jerimaya 16:18 - Ika

¹⁸ “M jẹnkọ d'e ye wẹ afụnfụn njọ lẹ eje-ihiẹn wẹ mẹ, ye wẹ ya ụzọ ẹbụọ, makẹni e gigụọ wẹ eje-ihiẹn ndị ahụn wẹ kpụtọsọnmẹ mẹrụ alị m, ihiẹn ndị ahụn rụnị rịlẹni ndụn hụn wẹ rị e fe.”

Jerimaya 16:18 Iomraidhean Croise

Ẹbụ-ọma 106:38

gbumẹ ụmụ wẹ ikẹnnyẹ lẹ ikpoho nwọnlẹni ihiẹn wẹ mẹ, e gi wẹ a chụnyeni mmọn ẹjan mmọn ndị rị alị Kenaanị; ẹdeke ndị ahụn ile wẹ gbu nọ mẹrụ alị.

Azaya 24:5

Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Azaya 40:2

Gwa nị Jerusalẹm oku a rọkọ obi, hịnị n'a ya n'ọ nụ a — nị agha e mẹgụọ a ihiẹn o k'e mẹ ẹ; n'ọ kụgụọ ụgwọ njọ a; nị Osolobuẹ e yegụọ a afụnfụn njọ a, yekwasị.

Azaya 61:7

Ndị nke m e nwọnrin ọghọ nwọncheni ẹlẹzi ifẹnrẹn, ukuu wẹ e ye wẹ ịghọghọ; ẹlẹzi ịfa, ukuu ụnụ a ba ụba ọhụnma-ọhụnma, ịghọghọ itẹbitẹ a wụrụ nke wẹ.

Azaya 65:6

Lee ẹ, e detọgụọ m'a ihun m: Agbakọ m nkịtịn! M k'a kụzu wẹ ụgwọ njọ wẹ; kụ a ye wẹ ngadan.

Azaya 65:7

Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”

Jerimaya 17:18

Ifẹnrẹn ya mẹgbu ndị rị e kpokponi m, ka anịlẹ mmẹ nwẹn fa; rọn wẹ egun, ka anịlẹ egun tụ m. Mẹ nwan ogẹn nsọngbu kunrun wẹ, y'e tikpọ wẹ ru alị!

Jerimaya 2:7

Mmẹ wẹhẹ ụnụ alị e mẹ ihiẹn ọda-ọda, kẹni ụnụ ri mkpụrụ a lẹ ihiẹn rị mma o mẹ. Kanị ụnụ a banhan alị m nwẹn, mẹrụ a, mẹ ukuu m họnrin ihiẹn rụnị.

Jerimaya 3:9

Makẹni onwọnkẹni ihiẹn Izrẹlụ Ẹbamịn-ugu kpọ eje-obibi ẹ, o mẹrụchanrịn alịnị ile — rụasọnmẹ osisi lẹ ọmụma — lekẹ okpoho ẹnya rịlẹni ụzọ ohu.

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Jerimaya 7:30

“Osolobuẹ: Ndị Juda e mẹgụọ ihiẹn rịlẹni mma ẹnya m. A kọmagụọ wẹ mmọn ndị ahụn rụnị ye imẹ ụlọ hụn a za ẹfan m, mẹrụ a.

Izikẹlụ 11:18

“Sị wẹ, nị ‘Wẹ k'a lụaha alị Izrẹlụ, wepụchanrịn nwan mmọn ndị hụ ile rụnị lẹ ihiẹn ile w'a sọ rịn'a.

Izikẹlụ 11:21

Nke ndị hụ obi wẹ rịchanrịn mmọn ndị hụ wẹ kọma lẹ arụ ndị hụ wẹ rị e mẹ, m k'e bu ihiẹn wẹ mẹ kwasị wẹ isi. Ya kẹ Osolobuẹ nwọn ihiẹn ile ku.’ ”

Izikẹlụ 36:18

Ya kẹ m nọ gi ọnụma m mẹ wẹ ihiẹn yeni ọchụn wẹ gbu alị wẹ lẹ mmọn ndị wẹ gi mẹrụ a.

Izikẹlụ 5:11

“ ‘Mmẹ, Osolobuẹ nwọn ihiẹn ile rị nwan e kun enwẹn m, a sị ị nị ebe o mẹni y'e gigụọ mmọn ndị hụ ile rụnị ị kpụ lẹ arụ ile ị rị e mẹ mẹrụ Ụlọ-nsọ m, mmẹ lẹ enwẹn k'a kpụnpụ ị ntutu; elekọ m'ị ẹnya ihun, emẹkọnị m'ị omikẹn.

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Lẹvitikọsụ 26:30

M k'e tikpọ ụlọ-mmọn ndị ahụn ụnụ rụn, tikpọ ukpo ndị hụ ụnụ nọ a mụnị mmọn nsẹnsi, kpọn ozun ụnụ ye elu mmọn ndị hụ rịlẹni ndụn ụnụ e fe; ize ụnụ k'a gha e ze m.

Maịka 2:10

Lihi ni! Pụ nị; nị ẹlẹ ebeni kẹ ẹhụ ahụn a nọ fuzi ụnụ, makẹni ụnụ e mẹrụọlẹ ebeni hụn wẹ jẹnkọ d'e gi tikpọ a eje ntikpọ;

Rẹvẹleshọnụ 18:6

“Mẹ ẹ ihiẹn o mẹ ndị-ọzọ! Mẹgwarị a ya ụzọ ẹbụọ! Gbaye ẹ manya k'o dọn gbaye ndị ọzọ, y'a gbayedẹ ẹ ya ụzọ ẹbụọ!