Jerimaya 16:12 - Ika

¹² Kanị, ụnụ e mẹkarịgụọdẹ nwan ndị nẹdi ụnụ njọ! Onyẹ-onyẹ hụ e bu isi-ikẹn ebe ọ rị e mẹ ihiẹn eje-obi ẹ gwa a, jụ nị ụnụ egọnkọ m ntịn.

Jerimaya 16:12 Iomraidhean Croise

Jẹnẹsisi 6:5

Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ẹkịliziastisi 8:12

Ọsụọn'a nị eje-ịhịan mẹ njọ ọgụn-isẹn, e nwọnzikwọ ụtọmị, a marịnghọ m nị ndị a tụ egun Chuku k'o k'a rịnị mma, makẹni wẹ rị e gi egun Chuku e bi.

Ẹkịliziastisi 9:3

Ọnwan wụ eje-ihiẹn hụn rị ihiẹn ile e mẹ elu-ụwa: Ihiẹn ohu ahụn e kunrun ịhịan ile. Obi ịhịan nkẹ wụzịkwọ eje-ihiẹn eje-ihiẹn, ẹra rị wẹ obi e we wẹ bigụ, omẹgụ, a laburu wẹ ndị nwụnnị.

Jerimaya 13:10

ndị-ejẹni jụ nị egikọ wẹ oku m dọn, ndịnị rị a gba isi-akwanran kẹ eje-obi wẹ dọn gwa wẹ, e sọn mmọn, e fe wẹ, a kụnị wẹ isi-alị, wẹ jẹnkọ d'a nọkẹ nwa-mpeni wiwini nwọnlẹni ihiẹn wẹ k'e gi ẹ mẹ!

Jerimaya 17:9

“Onwọnni ihiẹn e dufie ịhịan nọkẹ obi ịhịan; ọ jọgbu enwẹn ẹ njọ! Onyẹ a saẹka a ghọta a?

Jerimaya 18:12

“Kanị, wẹ jẹnkọ d'a sị, ‘Ẹlẹkwọ ẹnyi k'ị rị a gwa! Ihiẹn rị ẹnyi obi kẹ ẹnyi jẹnkọ d'e mẹ! Ihiẹn obi ẹnyi ye ẹnyi kẹ ẹnyi sikọ d'e mẹ — ọsụọn'a eje-ihiẹn rọ, ọsụọn'a isi-ikẹn rọ!’

Jerimaya 22:28

Okẹnnyẹni wụ Jehoyakini wụdẹ nwan mkpọkọ-ite hụn nwọnlẹni ihiẹn wẹ gi ẹ e mẹ — ra ọ wụ ihiẹn wẹ k'a mahu? Kị wẹ k'a kpụnrụnnị ya lẹ ụmụ a shi alị ọzọ? Kị wẹ k'a manị wẹ ye alị wẹ marịnlẹni?

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Jerimaya 9:14

Kanị a gba wẹ isi-akwanran kẹ obi wẹ dọn gwa wẹ, fesọnmẹ Baalụ kẹ ndị nẹdi wẹ dọn kuzi wẹ.

Ẹkwan 5:7

Ndị nẹdi ẹnyi mẹ njọ bụ arịzị wẹ nwan ndụn, ẹnyi rị nwan a ta afụnfụn njọ wẹ.

Izikẹlụ 20:30

Osolobuẹ sị, “Sị nwan ikpụlọ Izrẹlụ: Lee ihiẹn Osolobuẹ Nwọn Ihiẹn Ile ku: Nị ụnụ mẹrụ nwan enwẹn ụnụ nọkẹ ndị nẹdi ụnụ? Nị ụnụ wezi nwan enwẹn ụnụ kwanị mmọn ndị ahụn rụnị nọkẹ wẹ?

Emọsụ 2:4

Osolobuẹ sị: “Makẹ njọ ẹtọ ndị Juda mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni a jụgụọ wẹ Iwu Osolobuẹ, e dọnmẹni wẹ ụmụ-iwu rịn'a; e giziọlẹ wẹ mmọn ndị ahụn wụlẹni Chuku dufie wẹ, mmọn ndị nẹdi wẹ kanị sọnkọ kpahu.

Malakaị 3:7

makẹni gha ogẹn ndị nẹdi ụnụ lala kẹ ụnụ latọma iwu m, ụnụ edọnmẹni wẹ. Bihutọ nị nwan ẹka buruhẹ m, kẹni m buruhẹzi ụnụ. Ya kẹ Osolobuẹ ihiẹn ile rị okpuru ẹ ku. “Kanị ụnụ hụ a jụ, ‘Elee ẹka kẹ ẹnyi k'e bihutọ?’

Makị 7:21

Makẹni, imẹ ịhịan, imẹ obi ịhịan, kẹ eje-iroro lẹ ughẹrẹ gha a pụha, lẹ Izun-ohin, igbu-ọchụn,

Ditrọnọmi 29:19

Onyẹ nọ ẹrịra nụ ihiẹn ndịnị wẹ rị e kun ẹfan Osolobuẹ e ku, ọ tụma enwẹn ẹ ntụ, sị, “Onwọnni ihiẹn k'e mẹni m, ọsụọn'a nị m gbasọnmẹ isi-akwanran.” Ọnwan k'e buhẹni alị Izrẹlụ ile ntikpọ, kẹ ndị rị mma kẹ ndị rịlẹni mma.

Ditrọnọmi 9:27

Nyanhan idibo i wụ Ebraham, Aziki lẹ Jekọpụ. Fepụ ẹnya isi-ikẹn ndịnị lẹ eje-obibi wẹ lẹ njọ wẹ mẹ.

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Ndị Han Eṅẹn 2:19

Kanị onyẹ-ndu hụ nwụnhụn, ndị Izrẹlụ e bimẹzi obibi kadẹ nke ndị mbụ a rụ, sọnmẹ mmọn-lẹ-iyi, femẹ wẹ, kụmanị wẹ isi alị. Ekweni wẹ latọ eje-ihiẹn wẹ rị e mẹ lẹ isi-akwanran wẹ rị a gba.

Samuẹlụ Nke Ibuzọ 15:23

“Nnupụ-isi lẹ ịgba-ẹfa wụ ohu; imẹ-karị-enwẹn ịhịan lẹ ịrụa-mmọn wụ ohu. Ebe o mẹ ni ya jụgụọ oku Osolobuẹ, Osolobuẹ a jụgụọ ị nị y'e ẹlẹzi eze.”