Jerimaya 15:9 - Ika

⁹ Okpoho te gi ụmụ ẹsa k'a sọhị, kwọnbepụ, anwụn a rọn'a ebe eki rị elu; ọ fa, ụya e ri ẹ. “ ‘M k'e gi ọpịa-agha gbuzi ndị k'a họdụnị — ghahanị ndị-iṅẹnrẹn wẹ.’ ” Ya kẹ Osolobuẹ ku.

Jerimaya 15:9 Iomraidhean Croise

Azaya 47:9

Kanị ihiẹn ẹbụbụọ ahụn k'e kunrun i — imẹ njube-ẹnya ohu, akpọhịn ohu — ụmụ a nwụnnahịn ị, di a nwụnnahịn ị! Wẹ k'e rukpumẹ i ọhụnma-ọhụnma; kẹ y'a gwọlẹ ọgụn ru, kẹ y'e buhanlẹ nshi.

Jerimaya 19:7

“M jẹnkọ d'a nọ ebeni kpayịya ihiẹn ile ndị Juda lẹ ndị bi imẹ Jerusalẹm romẹ. M k'e mẹ ndị-iṅẹnrẹn wẹ gi ọpịa-agha gbu wẹ, m k'e mẹ wẹ danyesọnmẹ ẹka ndị rị a chọ isi wẹ; m k'e we ozun wẹ ye nnụnụ lẹ anụmanụ ri.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 50:12

Ifẹnrẹn jẹnkọ d'e mẹgbu nnẹ ụnụ alị Babilọnụ ahụn mụnị ụnụ k'a fa. O jẹnkọ d'a kachanrịn alị ile ntịn. O jẹnkọ d'e họnrin atụ, alị ọkpọ-nkụn, atụ rị alị-aradan ịhịan rịlẹni.

Jerimaya 6:4

Wẹ k'a sị, “Kọnrin ni d'a lụ a agha! Lihi ni nị ẹnyi d'e gi efinnaị maye ẹ! Kanị, ọ jọka njọ nị eki e gimẹgụọlẹ, nị ọhịhị a gbamagụzịghọ.

Jerimaya 7:19

Mmẹ kẹ wẹ rịdẹ nwan e mẹ ra? Ẹlẹ enwẹn wẹ kẹ wẹ rị nwan e mẹ, e gi ẹ e gbe ifẹnrẹn e ye enwẹn wẹ ihun? Ya kẹ Osolobuẹ ku.

Ẹkwan 1:1

Euu, obodo nwẹn a gba okpokoro! Obodo nwẹn ịhịan te jun! Ledẹ k'ọ nọ kẹ okpoho di nwụnnahịn — obodo hụn te wụ okẹn obodo imẹ alị ichẹn-ichẹn! Obodo hụn te wụ eze-okpoho imẹ ẹgbẹrẹ rị ichẹn-ichẹn, e họnnringụọ nwan igbọn!

Ẹkwan 4:10

Ikpoho ẹgozizi e mẹ gidẹ ẹka wẹ shi ụmụ ẹfọ wẹ, gi wẹ họnrin ihiẹn-oriri ogẹn ahụn wẹ gi tikpọ ndị nke m.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Izikẹlụ 5:13

“ ‘Ogẹn ahụn, olulu m a rọ, ọnụma m a kụsị; ẹfọ e jun m. Ya wụ, m mẹchanrịngụ wẹ ihiẹn m k'e gi ọnụma m mẹ wẹ, a marịn wẹ nị mmẹ wụ Osolobuẹ rị nwan e gi ẹnya rị a fụnị m a gwa wẹ ihiẹnni.

Samuẹlụ Nke Ibuzọ 2:5

Ndị e te rijun ẹfọ e regụọ nwan enwẹn wẹ yeni ẹgụn, kanị ẹfọ e jungụọ ndị ẹgụn te rị a gụn! Okpoho nwẹn wụ agan a mụgụọ ẹsa, kanị hụn te mụ ọda enwọnzi ihiẹn ọ wụ!