Jerimaya 15:7 - Ika

⁷ M k'a fụchan ndịnị kẹ ọka, imẹ obodo ile rị alịnị. M k'e gbunarịnsọnmẹ ndị nke m ịhịan, tikpọ wẹ, makẹni alatọnị wẹ eje-omumẹ wẹ.

Jerimaya 15:7 Iomraidhean Croise

Ẹbụ-ọma 1:4

Ndị eje-omumẹ anọkwọnị ẹrịra! Wẹ nọhụ kẹ ẹfịfịa ọka, hụn ufere e bupụ.

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 9:12

Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:13

Kanị ehutọnị wẹ nwan buru Osolobuẹ hụn fịan wẹ ihiẹn, arịọnị wẹ Osolobuẹ, Onyẹ-nwọn ikẹn ile.

Jerimaya 18:21

Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 51:2

M k'e zijẹn ndị alị ọzọ Babilọnụ d'a fụpụ a kẹ ẹfịfịa ọka, d'e mẹ ẹ gba a okpokoro. Wẹ k'a gha azụụn ile maye ẹ ọgụn, o ru ogẹn w'e gi tikpọ a.

Jerimaya 9:21

Makẹni ọnwụn a ghagụọ windo ẹnyi nyinbanhan, o nyinbangụọ ebe ile zeni ẹnyi te a gbaban; o werigụọ ụmụ-ẹka rị ogbe e gu egu lẹ ikorọbịa rị ebe wẹ nọ e zu. Osolobuẹ sị:

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 24:25

“Yụ nwẹn, Nwa-ịhịan, ụhụọhịn m k'a napụ wẹ Ụlọ hụ wẹ gi e dọn ẹnya, hụn wụzị ịghọghọ wẹ lẹ ọghọ wẹ, ihiẹn ahụn a sụọ wẹ ụsụọ olegha, ihiẹn ahụn obi w'a chọ, napụzịkwọ wẹ ụmụ wẹ ikẹnnyẹ lẹ ikpoho —

Izikẹlụ 36:12

M k'e mẹ ịhịan, ndị nke m Izrẹlụ, jẹn ijẹn elu ụnụ wụ ugu Izrẹlụ. Wẹ k'e nwọnrin ụnụ, ụnụ a wụrụ nke wẹ; ụnụ egbukọzị ụmụ wẹ.

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”

Ditrọnọmi 28:18

Ọnụ-ẹsọn k'e sọn ụmụ ụnụ mụ, sọn ihiẹn-ugbo ụnụ, sọn ụmụ-efin lẹ atụnrụn lẹ ewu ụnụ.

Ditrọnọmi 28:32

Wẹ sikọ d'e we ụmụ ị ikẹnnyẹ lẹ ikpoho ye ndị alị ọzọ, y'a tọ e lee ẹnya wẹ ụhụọhịn-ụhụọhịn, ẹnya a rọ ị — bụ y'a sakọ ẹka mẹ ihiẹn ọwụlẹ.

Ditrọnọmi 28:41

Ị k'a mụ ikẹnnyẹ lẹ ikpoho, kanị anọkọ wẹ i ẹka, makẹni wẹ k'a kpụnrụn wẹ.