Jerimaya 15:20 - Ika

²⁰ M k'e mẹdẹ i wụrụ ẹhụ-ẹjan ebe ndịnị rị, ẹhụ-ẹjan igwe-bronzu zegbu enwẹn ẹ. Wẹ k'a lụsọn i ọgụn, kanị onwọnni ihiẹn wẹ k'a saẹka mẹ i, makẹni m nọyeni i anọyeni — m k'a gbapụha ị; m k'a zụọpụha ị — Ya kẹ Osolobuẹ ku.

Jerimaya 15:20 Iomraidhean Croise

Ẹbụ-ọma 37:39

Ẹka Osolobuẹ kẹ nzụọpụha gha a bịanị ndị ezi-omumẹ; ịya e kpumẹ wẹ ogẹn nsọngbu.

Ẹbụ-ọma 46:11

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! Sẹla

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Jerimaya 1:8

Atụkwọlẹ egun wẹ, nị m k'a nọyeni i, zụọpụha ị.” Ya kẹ Osolobuẹ ku.

Jerimaya 15:10

Euu nnẹ m, ọ jọkakwọ n'ị mụ m amụ! E họnringụọ m onyẹ-oku lẹ onyẹ-adịdọ! Ẹlẹ m onyẹ e zinye ịhịan egho, erini m ụgwọ, kanị ịhịan ile hụ nwan a kpọ m iyi.

Jerimaya 15:15

“Osolobuẹ, y'a marịngụọ ihiẹn ẹnya rị a hụn m; dodo, nyanhan m, n'ị hụn ụzọ lepụ m ẹnya. Mẹgwarịnị m ndị rị e kpokponi m. Anịkwọlẹ wẹ gbu m ebe ị rị e gi ndidin e sọn wẹ; nyanhankwọ mkpari m rị e gi ufiri i a narịn.

Jerimaya 38:28

Jerimaya nọ nọdị ezi-ọgwa ndị-nche ebẹhụ — d'e ru ụhụọhịn ndị Babilọnụ weri Jerusalẹm.

Jerimaya 39:11

Nebukadineza wụ eze ndị Babilọnụ a gwagụọlẹ Nebuzaradanị hụn wụ onyẹ-isi ndị-agha e che ẹ nche ẹka w'e gi sọn Jerimaya. Ọ sị a,

Jerimaya 42:11

Atụzịlẹ ni egun eze Babilọnụ ụnụ rị a tụ. Atụlẹ ni egun ẹ. Makẹni, m jẹnkọ d'a nọyeni ụnụ, zụọpụha ụnụ ẹka a. Mmẹ wụ Osolobuẹ e kugụọ a.

Jerimaya 6:27

Osolobuẹ sị m, “E tumẹgụọ m'ị onyẹ e gi ọkụn e lele kẹ igwe nọ; ndị nke m wụ nwan igwe wẹ kelẹni kpụ; i k'e lele wẹ nwan kẹ w'e lele igwe; i k'e lele kẹ w'e bi.

Izikẹlụ 3:8

Kanị, e mẹgụọ m n'ị yụ nwẹn wụrụnị wẹ onyẹ isi-akwanran nọkẹ uwẹ, onyẹ ghalẹni a nụ nke ịhịan.

Izikẹlụ 3:9

E mẹgụọ m'ị ze kẹ ọmụma zenahịn ibe ẹ, mẹ i zenahịndẹ ọmụma flịntị. Atụlẹ nwan egun wẹ mọbụ lee wẹ ẹnya ihun tụma egun, kẹ w'e mẹhanlẹ ndị nnupụ-isi.”

Daniẹlụ 3:17

Omẹni, Chuku ẹnyi rị e fe a chọghọ n'ọ zụọpụha ẹnyi imẹ ọkụnnị lẹ ẹka ị, o k'a gbapụha ẹnyi ẹka ị, Agụ.

Timoti Nke Ẹbụọ 4:22

Di-nwọnni-ẹnyi ya nọyeni mmọn ị. Ẹfọma Osolobuẹ ya rịnị ụnụ.