Jerimaya 15:2 - Ika

² Wẹ sị ị, ‘Elebe kẹ ẹnyi jẹnkọ?’ Sị wẹ, ‘Lee ni ihiẹn Osolobuẹ ku, Ndị ọnwụn jẹnkọ d'e gbu, wẹ jẹnmẹ nị ọnwụn d'e gbu wẹ; ndị agha k'e gbu, wẹ jẹnmẹ nị agha d'e gbu wẹ; ndị ẹgụn jẹnkọ d'e gbu, wẹ jẹnmẹ nị ẹgụn d'e gbu wẹ; ndị wẹ jẹnkọ d'a kpụnrụn, wẹ jẹnmẹ ni wẹ d'a kpụnrụn wẹ.’

Jerimaya 15:2 Iomraidhean Croise

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 24:18

Onyẹ hụn isi gbanahịn ihiẹn-egun ahụn, ọ danye imẹ mgbugbu; onyẹ hụn isi gha imẹ mgbugbu hụ nyinpụha, ọnyan a nwụn a. Ụzọ mirin rị elu-igwere a gụnpụsọnmẹgụọ, iyetọ ụwa hụ e zinzin.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 14:16

Ọpịa-agha lẹ ụnwụn k'e gbuzikwọ ndị ahụn wẹ rị e buni amụma tọ ọgbara-ogbe Jerusalẹm. Onwọnkọ onyẹ k'e lini wẹ lẹ inyẹnmẹ wẹ lẹ ụmụ wẹ ikẹnnyẹ lẹ ikpoho. M jẹnkọ d'e hu afụnfụn ahụn furuni wẹ kpu wẹ.

Jerimaya 16:4

Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Jerimaya 19:7

“M jẹnkọ d'a nọ ebeni kpayịya ihiẹn ile ndị Juda lẹ ndị bi imẹ Jerusalẹm romẹ. M k'e mẹ ndị-iṅẹnrẹn wẹ gi ọpịa-agha gbu wẹ, m k'e mẹ wẹ danyesọnmẹ ẹka ndị rị a chọ isi wẹ; m k'e we ozun wẹ ye nnụnụ lẹ anụmanụ ri.

Jerimaya 43:11

O k'a bịa d'a lụsọn alị Ijiptu agha, ọnwụn e gbu ndị m sị nị ọnwụn k'e gbu, ọ kpụnrụn ndị m sị nị wẹ k'a kpụnrụn, ọpịa-agha e gbu ndị m sị nị ọpịa-agha k'e gbu.

Izikẹlụ 12:11

Sị wẹ, ‘Osolobuẹ rị e gi m a ghọsị ụnụ ihiẹn jẹnkọ d'e mẹni.’ “Ihiẹnni m mẹ kẹ wẹ jẹnkọ d'e mẹ wẹ. Wẹ k'a kpụn wẹ shi alị ọzọ; wẹ k'a nwụnrụn wẹ.

Izikẹlụ 14:21

“Mmẹ wụ Osolobuẹ Nwọn Ihiẹn Ile sị ẹrịra k'o k'a rị ogẹn m'e gi zihẹni Jerusalẹm eje-ihiẹn ẹnọnị m gi e ye afụnfụn — ọpịa-agha, ẹgụn, eje-anụ lẹ eje-emu, gi wẹ gbu ịhịan lẹ anụmanụ rị imẹ ẹ!

Izikẹlụ 33:27

“Sị wẹ nị Osolobuẹ Nwọn Ihiẹn Ile sị, ‘Ma isi m, ọpịa-agha k'e gbu onyẹ ọwụlẹ họdụ imẹ obodo ndị ahụn mẹ mkpọkọ-mkpọkọ imẹ Izrẹlụ, m jẹnkọ d'e we ndị rị alị-ọfịa ye anụ-ọfịa gburi, gi eje-emu gbu ndị warịsọnmẹ ebe a fụ ọrụn ọbanye lẹ okporo.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Izikẹlụ 5:2

Ị nọzugụ akpọhịn ole hụ y'e gi ghọsị okehunmẹ wẹ sikọ d'e kehunmẹ Jerusalẹm, y'e weri ụzọ ohu imẹ ntutu hụ ị kọpụha, dụn a ọkụn etintinnaị Jerusalẹm hụ i seye elu ụrụa. Y'e weri ụzọ ohu, gi ọpịa-agha beyịya wẹ imẹ obodo hụ; y'a bụọ ụzọ ohu họdụnị ye imẹ ufere, m jẹnkọ d'e sepụha ọpịa-agha chụ wẹ.

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.

Emọsụ 5:19

Nọkẹ ebe ịhịan gbakọnị ẹwọrọ, gbakunrun eje-anụ wụ biẹ mọbụ ebe ịhịan nọ ban imẹ ụlọ, bu ẹka kwasị ẹhụ-ẹjan, agwọ a ta a.

Zẹkaraya 11:9

M nọ sị atụnrụn ndị ahụn, “Edukọzị m ụnụ. Hụn chọ n'ọ nwụn y'a nwụn; hụn wẹ k'e gbu, wẹ gbu; ndị họdụnị wẹ bu ibe wẹ ri!”

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.