Jerimaya 15:16 - Ika

¹⁶ K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Jerimaya 15:16 Iomraidhean Croise

Nehemiah 8:12

Omẹgụ, wẹ ile nọ nwan jẹnmẹ d'e ri ra, d'e zijẹnzikwọnị ndị ọzọ ihiẹn-oriri, d'e mẹ mmẹmmẹ ndị rị a ghọghọ ọda-ọda, makẹni wẹ ghọha oku ile wẹ kọwanị wẹ.

Jobu 23:12

Apatuni m oku gha a ọnụ pụha; oku-ọnụ a kadẹ m mkpa karị ihiẹn-oriri m.

Ẹbụ-ọma 119:111

Oku-ọnụ ị wụ ukuu m jẹnrin ejẹn; uwẹ e mẹ obi a sụọ m ụsụọ.

Ẹbụ-ọma 119:16

Ọdịnalị i tumẹsọnmẹni ẹnyi k'a gha a sụọ m; azọkọ m ihiẹn i ku.

Ẹbụ-ọma 119:72

Iwu gha ị ọnụ pụha ka m mkpa karị egho, karị akpụrụ goru lẹ siliva nnụ bu ọda.

Ẹbụ-ọma 119:97

Euu, Iwu i a sụọka m! Ịya kẹ m'e ro kẹ ụhụọhịn han.

Ẹbụ-ọma 19:10

Uwẹ kadẹ goru mkpa a rị, kẹ ezigbo goru bu ọda; uwẹ kazị mirin-ẹnwụn a sụọ — kadẹ mirin-ẹnwụn wẹ buchelẹni ihiẹn ọzọ hụn rị a gha ọgba mirin-ẹnwụn a tantu.

Jerimaya 14:9

K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.

Izikẹlụ 2:8

“Yụ nwẹn, nwa-ịhịan, gọn ntịn ihiẹn m rị a gwa ị. Enupụkwọlẹ isi nọkẹ ebọn nnupụ-isi ahụn. Shịapụ nwan ọnụ n'i ri ihiẹn m sikọ d'e ye i.”

Maịka 2:7

Heuu, ikpụlọ Jekọpụ, ụnụ hụ e sị nị ndụn ndidin ara gụ Osolobuẹ, nị ẹlẹ Osolobuẹ ku ihiẹn ndịnị. Kanị, oku-ọnụ m hụ a rị ndị kụrụ ọtọ mma ẹhụ. Ẹlẹ ya?