Jerimaya 15:15 - Ika

¹⁵ “Osolobuẹ, y'a marịngụọ ihiẹn ẹnya rị a hụn m; dodo, nyanhan m, n'ị hụn ụzọ lepụ m ẹnya. Mẹgwarịnị m ndị rị e kpokponi m. Anịkwọlẹ wẹ gbu m ebe ị rị e gi ndidin e sọn wẹ; nyanhankwọ mkpari m rị e gi ufiri i a narịn.

Jerimaya 15:15 Iomraidhean Croise

Nehemiah 13:22

M nọ sị ndị Livaị wẹ fe ẹhụ kẹ Osolobuẹ dọn ku, jẹnmẹ d'e che ọnụ-mgbọn ndị ahụn, nị wẹ dọnmẹ Ụhụọkịn Ezumikẹn nsọ. Euu Osolobuẹ, gizikwọ hụnnị nyanhan m, y'e gi okẹn ihiẹn-ọsụsụọ ị mẹni m omikẹn!

Nehemiah 13:31

M nọzị mẹ ndị Izrẹlụ tụhamazị nkụn hụ wẹ gi a fiye ọkụn ukpo nchụn-ẹjan imẹ Ụlọ-nsọ, wẹhẹmẹzi ihiẹn-ugbo ibuzọ, e mẹchanrịn wẹ ogẹn wẹ. Euu Osolobuẹ m, nyanhankwọ m ọnyanhan rị mma.

Nehemiah 5:19

Euu Osolobuẹ m, nyanhankwọ m ọnyanhan rị mma makẹ ihiẹn ile rị mma m mẹni ndịnị.

Nehemiah 6:14

Euu, Osolobuẹ m, nyanhan Tobaya lẹ Sanbalatị; gi ihiẹn ile wẹ mẹ nyanhan wẹ; nyanhanzịkwọ onyẹ-amụma okpoho wụ Nụadịa lẹ ndị-amụma họdụnị, ndị te chọ nị wẹ bu egun che m ẹnya.

Jobu 10:7

bụ y'a marịnghọ nị onwọnni ihiẹn m mẹ, nị onwọnzikwọnị onyẹ k'a saẹka gbapụha m ẹka ị?

Ẹbụ-ọma 102:24

M sị, “Chuku m dodo, egbuchukwọlẹ m! Ịyụ hụn rị ndụn gha agbọ pụ agbọ;

Ẹbụ-ọma 106:4

Osolobuẹ, dodo nyanhan m ị gha e mẹni ndị nke i ọhụnma, dodo zụọpụha m ị gha a zụọpụha ndị nke i;

Ẹbụ-ọma 119:84

Nanị kẹ odibo i k'e dinhanzị? Elee mgbe y'e gi ye ndị rị e kpokponi m afụnfụn?

Ẹbụ-ọma 17:3

Y'e lelegụọ obi m; y'e gigụọdẹ abalị bịa d'e kunrun m — y'e lelechanrịngụọ m nke-esi — onwọnni eje-ihiẹn ị hụn. A kwademẹgụọ m obi m n'e gikọ m ọnụ m mẹ njọ.

Ẹbụ-ọma 39:13

Dodo bupụ m ẹnya, nị m mụzị ẹmụ, m gini d'a la, a hụnbehi wẹ m.”

Ẹbụ-ọma 44:22

Ufiri i kẹ wẹ gi nwan e gbu ẹnyi kẹ ụhụọhịn han, e mẹ ẹnyi kẹ atụnrụn wẹ k'e gbu.

Azaya 38:3

“Euu Osolobuẹ, nyanhankwọ kẹ m dọn e bichanrịnnị ịyụ sụọ, e gi obi m ile e fe i, e mẹ ihiẹn rị ị mma ẹnya.” Hezikaya nọ kwan ezigbo ẹkwan.

Jerimaya 12:3

Kanị y'a marịngụọ m, Osolobuẹ; ị hụ a hụn m, e lele kẹ m dọn e ro i. Dọkpụnrụn wẹ kẹ atụnrụn d'e gbu! Bu wẹ tọnị ụhụọhịn wẹ k'e gbu wẹ!

Jerimaya 15:10

Euu nnẹ m, ọ jọkakwọ n'ị mụ m amụ! E họnringụọ m onyẹ-oku lẹ onyẹ-adịdọ! Ẹlẹ m onyẹ e zinye ịhịan egho, erini m ụgwọ, kanị ịhịan ile hụ nwan a kpọ m iyi.

Jerimaya 15:20

M k'e mẹdẹ i wụrụ ẹhụ-ẹjan ebe ndịnị rị, ẹhụ-ẹjan igwe-bronzu zegbu enwẹn ẹ. Wẹ k'a lụsọn i ọgụn, kanị onwọnni ihiẹn wẹ k'a saẹka mẹ i, makẹni m nọyeni i anọyeni — m k'a gbapụha ị; m k'a zụọpụha ị — Ya kẹ Osolobuẹ ku.

Jerimaya 17:16

Agbatọnị m ndịnị ị sị m lepụ ẹnya, ọ rịtuni m nị ogẹn nsọngbu kunrun wẹ. Y'a marịnghọ ihiẹn gha m ọnụ a pụha — idẹnya ị kẹ m nọ e ku ihiẹn m'e ku.

Jerimaya 18:23

Kanị Osolobuẹ, y'a marịnghọ kẹ wẹ dọn rị e zu eje-umẹ nị wẹ gbu m. Agbagharịkwọlẹ wẹ eje-ihiẹn wẹ mẹ! efinchanpụkwọlẹ njọ wẹ ebe ị rị. Ndị iṅẹnrẹn wẹ wẹ mẹri wẹ ru alị idẹnya ị. Mẹ wẹ ihiẹn ebe olulu i kelẹni rọ.

Jerimaya 20:11

“Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Jerimaya 20:12

Euu, Osolobuẹ ihiẹn ile rị okpuru ẹ, hụn e lele ndị ezi-omumẹ, e nyọnchan obi lẹ iroro ịhịan! Nị m hụn kẹ ị rị e mẹgwarị wẹ — makẹni e bugụọ m oku m che i ẹka.

Jerimaya 20:8

M shịapụhụ ọnụ ku oku, ‘Nsọngbu-nsọngbu lẹ ntikpọ-ntikpọ’ kẹ m'e yisọnmẹ. Oku-Osolobuẹ hụ e buhẹni m mkpari lẹ ifẹnrẹn uhinhin lẹ efinaị.

Ẹkwan 3:64

Osolobuẹ dodo, mẹ wẹ ihiẹn han kẹ ihiẹn wẹ mẹ, ihiẹn han kẹ ihiẹn ẹka wẹ mẹ.

Ẹkwan 3:66

Gi olulu chụ wẹ, n'i gbupụ wẹ elu-ụwanị hụn rị okpuru igwere.

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Luku 21:17

Ize ụnụ k'e ze ịhịan ile makẹ ẹfan m.

Ndị Rom 12:19

Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”

Ndị Rom 8:35

Kịnị k'a sa nwan ẹka napụ ẹnyi ihiẹn-ọsụsụọ Kraịstị? Nsọngbu? Ra afụnfụn? Ra ukpokpo; ra ẹgụn; ra ahụnnị ẹkwa je; ra eje-ọnọdị; ra ọpịa-agha?

Ndị Kọrẹntị Nke Ẹbụọ 5:11

Egun Di-nwọnni-ẹnyi haịnkwọ ẹnyi gi a rịọ ịhịan ile sọnmẹ ẹ. Osolobuẹ a marịnghọ ẹnyi ọhụnma-ọhụnma; e gighọ m'a dọn nị ụnụ nwẹn a marịnzịghọ ẹnyi imẹ obi ụnụ.

Timoti Nke Ẹbụọ 4:14

Alẹzanda hụn a kpụ ụzụn kọpa mẹ m eje-ihiẹn ọda-ọda. Di-nwọnni-ẹnyi jẹnkọ d'a kụ a ụgwọ ihiẹn o mẹ.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”

Ndị Han Eṅẹn 16:28

Ya Samsịn nọ kpọku Osolobuẹ, sị, “Osolobuẹ ihiẹn ile rị okpuru ẹ, dodo nyanhan m! Chuku dodo, yezi m ndụn mgbe ohuni sụọ, nị m gi ube-ohu mẹgwarị ndị Filistia ẹnya m ẹbụbụọ wẹ gụpụ!”