Jerimaya 15:14 - Ika

¹⁴ M k'e gi i họnrin igbọn ndị-iṅẹnrẹn i imẹ alị ị marịnlẹni — makẹni m jẹnkọ d'e gi olulu mụye ọkụn hụn jẹnkọ d'a dụn ụnụ.

Jerimaya 15:14 Iomraidhean Croise

Ẹbụ-ọma 21:9

Ị pụha, y'e mẹ wẹ ihiẹn okẹn ọkụn e mẹ ihiẹn. Osolobuẹ k'e gi olulu luepụ wẹ; ọkụn a k'e bu wẹ ri.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 15:4

M k'e gi ufiri ihiẹn eze Juda mbụ wụ Manasẹ nwa Hezikaya mẹ imẹ Jerusalẹm mẹ wẹ ihiẹn alị-eze ndị ọzọ ile rị ụwa jẹnkọ d'a hụn, egun a tụ wẹ.

Jerimaya 16:13

M jẹnkọ nwan d'a gha alịnị ma ụnụ tuhu, ma ụnụ ye alị ụnụ marịnlẹni, ndị nẹdi ụnụ marịnlẹni, ụnụ a nọ ebẹhụ fe mmọn-lẹ-iyi ichẹn-ichẹn uhinhin lẹ efinnaị, makẹni emẹkọnị m ụnụ omikẹn.’

Jerimaya 17:4

Ufiri ihiẹn ụnụ mẹ, ihiẹn m ye ụnụ jẹnkọ d'a nahịn ụnụ; m jẹnkọ d'e mẹ ụnụ wụrụ igbọn ndị iṅẹnrẹn ụnụ, makẹni ụnụ a kpasugụọ m iwe, gi ẹ fụnwun okẹn ọkụn jẹnkọ d'a dụnsọnmẹni.”

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 52:27

Eze Babilọnụ nọ gbu wẹ ebẹhụ, imẹ Ribla rị alị Hamatị. Ẹrịra kẹ wẹ dọn wepụ ndị azụụn Juda alị wẹ, kpụn wẹ shi alị ọzọ.

Emọsụ 5:27

e gi m ufiri ẹ dupụ ụnụ alị ụnụ, we ụnụ fetu Damaskọsụ, shi alị ọzọ.” Osolobuẹ hụn ẹfan a wụ Chuku ihiẹn ile rị okpuru ẹ e kugụọ a.

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 28:36

Osolobuẹ k'a chụ ụnụ lẹ eze ụnụ hụn ụnụ tumẹ shi alị ụnụ lẹ ndị nẹdi ụnụ marịnlẹni. Ụnụ k'a nọ ebẹhụ fe mmọn, mmọn ndị wẹ gi osisi lẹ ọmụma mẹmẹ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Ditrọnọmi 29:23

Alị ahụn ile sikọ d'a la iwi, họnrin alị nnu lẹ nsịn-ẹnyanwụn, alị e wiwi ihiẹn, alị wẹ ghalẹni a kụnye ihiẹn, ihiẹn ghalẹni e pu mọbụ e sue imẹ ẹ. O k'a nọ kẹ ntikpọ wẹ tikpọ alị Sodọm lẹ Gomora lẹ Adima lẹ Zẹbo, hụn Osolobuẹ gi okẹn-ọnụma a tikpọpụ.

Ditrọnọmi 32:22

Makẹni ọnụma m a mụyeọlẹ ọkụn, hụn a dụnrudẹ alị mmọn. O k'a dụnpụ ụwa lẹ mkpụrụ ọ mị, dụnrudẹ ebe ugu ile gha suepụha.

Hibru 12:29

makẹni ezioku-ezioku, Chuku ẹnyi wụ ọkụn hụn e bu ihiẹn e ri.