Jerimaya 14:9 - Ika

⁹ K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.

Jerimaya 14:9 Iomraidhean Croise

Ihiẹn Mẹni Nke Ẹbụọ 7:14

omẹni ndị nke m, ndị rị a za ẹfan m, e welụaghọ enwẹn wẹ alị, mẹ ekpere, chọ ihun m, latọ eje-ihiẹn w'e mẹ, m k'a gha elu-igwee nụ olu wẹ, a gbagharị m wẹ njọ, zụọ alị wẹ emu rị a kụn'a.

Ẹbụ-ọma 10:1

Euu Osolobuẹ, k'ị nọteni nwan ebe m rị? Kị y'e zuemẹ enwẹn i ogẹn nsọngbu?

Ẹbụ-ọma 27:9

dodo, ezuemẹlẹ ni m ihun i! Egikwọlẹ olulu chụpụ odibo i, nị ịyụ e yeni m ẹka. Dodo, ajụlẹ m mọbụ la m tọ, Chuku hụn a zụọpụhanị m.

Ẹbụ-ọma 46:5

Chuku rị imẹ obodo ahụn, onwọnni ihiẹn k'e mẹn'ẹ; Chuku k'a zọ ụzọ d'e yen'ẹ ẹka.

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 43:7

ndị ile wẹ gi ẹfan m marịn, ndị ile hụn m ke nị m gi nwọnrin ọghọ, ndị ile m mẹmẹ.”

Azaya 51:9

Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Azaya 59:1

Lee ẹ, ẹlẹ ni ẹka Osolobuẹ e mẹkẹ mkpụrụ haịn o gilẹni a zụọpụha ụnụ mọbụ nị ntịn e kinkẹ ẹ haịn o gilẹni a nụ ekpere ụnụ.

Azaya 63:19

Ẹnyi nwẹn rị okpuru i gha alị lala; kanị wẹ nwẹn arịtuni okpuru i, azatuni wẹ ẹfan ị.

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Jerimaya 51:5

Makẹni Chuku ndị Izrẹlụ lẹ ndị Juda, hụn wụ Osolobuẹ ihiẹn ile rị okpuru ẹ alanị wẹ tọ, ọsụọn'a njọ jun alị wẹ, njọ wẹ rị e mẹ Onyẹ-Nsọ Izrẹlụ.

Jerimaya 8:19

Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Ẹkwan 5:20

K'ị tọnị nwan a zọ ẹnyi? K'ị lanị nwan ẹnyi tọ ọrọgbọnị ile?

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Habakọkụ 1:2

Euu Osolobuẹ, nanị m'a kpọkubiehan ị i kebe za m?! M hụ e yi, “Wẹ rị e mẹkwọ eje-ihiẹn alịnị! Wẹ rị e mẹkwọ eje-ihiẹn alịnị!!” onwọnni ihiẹn i mẹ.

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Ọgụngụn 11:23

Osolobuẹ nọ sị Mozizi, “Ẹka Osolobuẹ e mẹkẹ mkpụrụ? Ị jẹnkọ nwan d'a hụn kẹ ihiẹn m ku sikọ d'e mẹ ra o mẹkọ.”

Ọrụn Ndị-ozi 15:17

kẹni ndị ile họdụnị hụn ụzọ bịa d'e kunrun Di-nwọnni-ẹnyi — kẹ ndị alị ọzọ ile m k'a kpọ d'a za ẹfan m. Ya kẹ Di-nwọnni-ẹnyi hụn mẹ wẹ

Ndị Kọrẹntị Nke Ẹbụọ 6:16

Kị Ụlọ-nsọ Osolobuẹ lẹ mmọn gi? Ẹnyi wụ Ụlọ-nsọ Osolobuẹ, Chuku hụ rị ndụn, nọkẹ kẹ Osolobuẹ dọn ku ẹ, sị, “M k'e biri imẹ wẹ, e jẹnhunmẹ imẹ igunrun wẹ. M k'a wụrụ Chuku wẹ, a wụrụ wẹ ndị nke m.”

Ditrọnọmi 23:14

Makẹni Osolobuẹ wụ Chuku ụnụ a ghahunmẹ imẹ agọ ụnụ, e che ụnụ nche, e we ndị-iṅẹnrẹn ụnụ e che ụnụ ẹka nị ụnụ mẹri wẹ. Agọ ụnụ sikọ d'a rịrịrị nsọ, amamgbe o legha ihiẹn ọwụlẹ rịlẹni mma ẹnya, gbakitọ ụnụ azụụn.

Ditrọnọmi 28:10

Ogẹn hụ, ndị alị ile rị ụwa k'a hụn Ẹfan Osolobuẹ hụn ụnụ rị a za, a tụ wẹ egun ụnụ.

Hibru 13:5

Anịkwọlẹ ni egho a sụọ ụnụ; a nị nị ihiẹn ụnụ nwọn e jun ụnụ ẹfọ. Makẹni, Osolobuẹ e kuọlẹ, sị, “Ahapụkọ m ụnụ; alakọ m ụnụ tọ.”

Rẹvẹleshọnụ 21:3

M nọ nụ okẹn olu gha ukpo-eze hụ a sị, “Lee ẹ, ebe-obibi Osolobuẹ rị nwan imẹ igunrun ịhịan; o k'e bi imẹ igunrun wẹ, wẹ k'a wụ ndị nke ẹ; ya nwẹn k'a nọyeni wẹ, o k'a wụ Chuku wẹ.

Samuẹlụ Nke Ibuzọ 12:22

Makẹ ufiri okẹn ẹfan Osolobuẹ, Osolobuẹ ajụtọkọ ụnụ wụ ndị nke ẹ, makẹni ọ sụọghọ a ebe ọ nọ gi ụnụ họnrin ndị nke ẹ.