Jerimaya 14:2 - Ika

² “Juda ile rị nwan a kwan; obodo ndị rịn'a rị a la iwi; wẹ hụ e goo alị Juda; okẹn ẹkwan rị imẹ Jerusalẹm.

Jerimaya 14:2 Iomraidhean Croise

Jobu 34:28

E mẹ wẹ ndị igbẹnnyẹ kwan ẹkwan, o ru ẹ ntịn, nke wụnị ọ nụ ẹkwan ndị ahụn elu rị a fụ.

Ẹbụ-ọma 144:14

ihiẹn-ugbo e jun efin ẹnyi gi e bu ibu azụụn; ndị-iṅẹnrẹn etitukọ mgbọn ẹnyi; akpụnrụnkọ wẹ ndị nke ẹnyi shi alị ọzọ; akwankọ wẹ ụya ụwaya ẹnyi.

Ọpụpụ 2:24

Osolobuẹ nọ nụ udẹn wẹ rị a sụn, nyanhan nkwa ahụn o kwe Ebraham lẹ Aziki lẹ Jekọpụ hụn kwọngbama ya lẹ wẹ.

Azaya 15:5

Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Azaya 24:11

Wẹ rị nwan ogbe a kwan, “Ye ẹnyi Manya! Ye ẹnyi Manya!!” Ịkwan-ụya a nọkingụọ ẹnya ịghọghọ ile; ịghọghọ arịzị elu-ụwa kaka.

Azaya 24:4

Elu-ụwa a kpọpụ nkụn, shinwụn; ụwa ile a la iwi, shinwụn; ndị nwọn ọghọ rị elu-ụwa a la iwi.

Azaya 24:7

Manya ọhụn a kọgbu enwẹn ẹ, makẹni vaịnị wẹ gi e mẹmẹ manya e shinwụngụọ; ndị mmẹmmẹ a sụọ hụ a sụn udẹn;

Azaya 3:26

Obodo Zayọnụ k'a gha a kwan, a kwan ụya; o k'a gwọrị alị lekẹ okpoho di lẹ ụmụ nwụnnahịn.

Azaya 33:9

Ụya rị nwan e ri alịnị ile, ọ hụ a la iwi, ẹgboko Lẹbanọnụ e shinwụngụọ, ifẹnrẹn e mẹgbu ẹ! Alị Sharọnụ rị nwan kẹ alị ọkpọ-nkụn. Osisi ndị jun Bashanị lẹ Kamẹlụ a gbụchanrịngụọ ẹhụhụọ.

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Jerimaya 11:11

Ya haịn Osolobuẹ gi nwan rị a sị, ‘M jẹnkọ d'e mẹ wẹ tikpọ wẹ hụn wẹ jẹnkọlẹni d'a s'ẹka wanahịn. Ọsụọn'a wẹ kwanghọsị m, egọnkọ m wẹ ntịn.

Jerimaya 12:11

Wẹ k'e mẹ ẹ wụrụ alị la iwi, alị ọkpọ-nkụn hụn rị a kwanghọsị m; alịnị ile k'a la iwi, makẹni onwọnni onyẹ ọ rị mkpa.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 18:22

Ẹkwan ya rị iwe wẹ, ogẹn y'e gi zi wẹ d'a maye wẹ idẹnmizi. Makẹni e gutọgụọ wẹ olu w'e gi nwụndọn m, kpọtọsọnmẹ ọnyan kẹni m zọye ụkụ.

Jerimaya 4:28

Ya wụ, ụwa jẹnkọ d'a kwan nwan ẹkwan, igwere a gba ishi, makẹni e kuọlẹ m'a, e rotọgụọ m'a; ekuhutọkọ m ọnụ, erohutọkọ m.”

Jerimaya 46:12

Alị ile k'a nụ oku ihiẹn ifẹnrẹn ụnụ; ụwa ile sikọ d'a nụ kẹ ụnụ rị a kwan ụya: ebe odogun nọ a kpọgburu odogun, wẹ ẹbụbụọ hụ a dan!”

Jerimaya 8:21

Jerimaya sị, “Ndụn a gụ m makẹ ihiẹn rị e mẹ ndị nke m; m hụ a kwan a kwangbu enwẹn m.

Ẹkwan 2:8

Osolobuẹ e kughọ a n'o k'e tikpọrịrị mgbọn hụn ghahunmẹ Obodo Zayọnụ. Ọ ghọsịgụ n'ọ nọnị k'ọ chọ, o serini ẹka d'e ru n'o tikpọchanrịn a. Ọ la mgbọn ibuzọ lẹ nke ẹbụọ rịn'a tọnị wẹ tikpọ; wẹ ẹbụbụọ a dankpọpụ.

Ẹkwan 2:9

Ọnụ-mgbọn Jerusalẹm a dangụọ; ọ kpagipụgụọ ihiẹn ndị wẹ gi fidọn wẹ, wiwipụ wẹ. Eze ẹ lẹ ndị-isi ẹ rị nwan alị ndị ọzọ; Iwu Osolobuẹ arịzị, ndị-amụma rịn'a ara hụnzị ihiẹn ọwụlẹ ebe Osolobuẹ rị.

Ẹkwan 5:10

Akpụkpọ-ẹhụ hụ a nụ ẹnyi ọkụn nọkẹ ẹnya-mgba yeni ẹgụn.

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Juwẹlụ 1:10

Ihiẹn wẹ kụn ugbo a lagụọ iwi, akpak'alị a kpọpụ nkụn; ọka ile e lagụọ iwi; manya hụ a kọ akọwaye; ofugbọn-olivu a kọgbu enwẹn ẹ!

Juwẹlụ 1:11

Ya fụma ụnụ, ndị ugbo! Ndị ugbo vaịnị, gomẹ ni! ịhịan ile kwanma nị, nị ọka-witi lẹ ọka-bali e wiwigụọ! Ihiẹn wẹ k'a ghọ imẹ ugbo e wiwigụọ!

Juwẹlụ 1:14

Sị nị ịhịan ile bu ọnụ; zu ni ọgwa rị nsọ! Kpọgbama nị ndị-isi lẹ ịhịan ile bi alị; wẹ zu Ụlọ-nsọ Osolobuẹ wụ Chuku ụnụ d'a kwanghọsị Osolobuẹ.

Juwẹlụ 2:6

Alị ọwụlẹ wẹ ru, egun a tụgbu ndị rịn'a, ndụn a gụ wẹ.

Hagaị 1:11

E bugụọ m ụkọ-ihiẹn cheni ụnụ alị-aradan lẹ elu ugu, ụkọ ọka lẹ manya-vaịnị lẹ ofugbọn-olivu lẹ ihiẹn ugbo ụnụ ile, ụkọ ịhịan lẹ anụmanụ lẹ ihiẹn ile wẹ rị a rụnpụha.”

Zẹkaraya 7:13

Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Samuẹlụ Nke Ibuzọ 5:12

Ndị nwụnlẹni e buru ihiẹn-ofifi, ẹkwan ndị obodo Ẹkrọnụ ahụn a hanrughọdẹ elu-igwere.

Samuẹlụ Nke Ibuzọ 9:16

“Mgbeni eki, m jẹnkọ d'e zihẹn'i onyẹ alị Bẹnjamini. Hukpu ẹ udẹn-ntumẹ, n'ọ wụrụ onyẹ-ndu ndị nke m wụ Izrẹlụ; ịya nwọn zụọpụha ndị nke m ẹka ndị Filistia, makẹni a hụngụọ m k'ọ rị ndị nke m, makẹni ẹkwan wẹ e rugụọ m ẹhụ.”