Jerimaya 14:19 - Ika

¹⁹ Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 14:19 Iomraidhean Croise

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Jobu 30:26

Kanị a tụ m ẹnya ihiẹn rị ọma, eje-ihiẹn a bịa; e lee m ẹnya nị ukpẹ bịa, ya kẹ ishi nọ bịa.

Ẹbụ-ọma 78:59

Chuku a hụn ihiẹn wẹ rị e mẹ, ezigbo iwe nọ we ẹ, ọ nọ jụchanrịn Izrẹlụ.

Ẹbụ-ọma 89:38

Kanị y'a jụgụọ a nwan, y'a lagụọ a tọ; ị rị nwan e weni onyẹ i hukpu udẹn tumẹ iwe!

Itẹn 29:1

Onyẹ w'a jụgbọ ọjụgbọ-ọjụgbọ, ọ tọ a gba isi-akwanran, jẹnkọ d'e tikpọ idẹnmizi — hụn wẹ ghalẹni e dọnzi.

Jerimaya 12:7

“M k'a jụ ụlọ m tọ, gbakitọ ihiẹn m azụụn; m k'e bu Izrẹlụ, okpoho nwẹn wụ obi m, che ẹka ndị-iṅẹnrẹn ẹ.

Jerimaya 12:8

Onyẹ wụchanrịn nke m e bugụọ nụmanị m lekẹ ẹwọrọ rị imẹ ẹgboko. Ọ hụ a gan m; ihiẹn ẹ asụọzịnị m.

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Jerimaya 15:18

Kị haịn nwan afụnfụn m gilẹni a gụ? Kị haịn nwan wẹ gi a rụ m eje-ẹhụ ghalẹni a la? I sikọ d'e mẹ m kẹ iyi a tahịnahịn onyẹ gi ẹ e dọn ẹnya, nọkẹ isi-mirin ghalẹni a gbasọnmẹ mirin?

Jerimaya 30:12

Osolobuẹ sị, “Ẹtẹ i ẹlẹ hụn w'a zụọ, ẹhụ ị rụ a jọka.

Jerimaya 30:13

Onwọnni onyẹ e kuni i ọnụ ị; ẹtẹ i enwọn ọgụn. Onwọnni ihiẹn k'e mẹ i dịnhịn.

Jerimaya 51:5

Makẹni Chuku ndị Izrẹlụ lẹ ndị Juda, hụn wụ Osolobuẹ ihiẹn ile rị okpuru ẹ alanị wẹ tọ, ọsụọn'a njọ jun alị wẹ, njọ wẹ rị e mẹ Onyẹ-Nsọ Izrẹlụ.

Jerimaya 6:30

Siliva wẹ jụ kẹ w'a kpọ wẹ, makẹni Osolobuẹ a jụgụọ wẹ.”

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Jerimaya 8:15

Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi rị a hụn.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Ẹkwan 2:13

Kị m'a sịzị ị nwan, Nwagbọọ wụ Jerusalẹm? Kị m'e gi jen'i? Kị m'e gi ma atụ ị Nwagbọọ ọma wụ Zayọnụ kẹni m hụn ụzọ huhu ị? Ẹtẹ i mi kẹ ohimin! Onyẹ k'a saẹka zụọ ị?

Ẹkwan 2:22

K'i dọn a kpọ oriri ụhụọhịn mmẹmmẹ nsọ, ẹrịra k'i dọn kpọhanị m ihiẹn-egun d'e fihunmẹ m azụụn ile. Ụhụọhịn hụ Osolobuẹ ghọsị olulu rị a obi, onwọnni onyẹ wanahịnnị mọbụ hụn isi pụha — ndị m lepụ ẹnya, zụn, eṅẹnrẹn m e gbugụọ wẹ.”

Ẹkwan 4:17

Ẹnya a rọ ẹnyi, ebe ẹnyi rị a tụ ẹnya ọlaliwi nị eyemẹka lala; ẹnyi hụ ụlọ-nche ẹnyi ichẹn-ichẹn a tụ ẹnya alị hụ hụn ẹnyi te ro ni wẹ k'a zụọpụha ẹnyi.

Ẹkwan 5:22

mmanị y'a jụchanrịngụọ ẹnyi, nị olulu ị rị e buni ẹnyi arọkọzị.

Maịka 1:12

Uhue e d'e huegbu ndị bi Marọtụ, ebe wẹ rị e ro kẹ w'a dọn hụn isi, yeni nsọngbu Osolobuẹ zila ọnụ-mgbọn Jerusalẹm!

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!