Jerimaya 14:18 - Ika

¹⁸ M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 14:18 Iomraidhean Croise

Azaya 22:2

Euu, obodo isusu jun! Euu, obodo uku ẹhụ-ọtụtụ lẹ eje-nkpọtụ jun? Egini wẹ ọpịa-agha gbu ndị nke ọnụ wẹ gbu, ẹlẹzikwọ agha gbu wẹ.

Azaya 28:7

Ndịnị hụzị a hanfie ụkụ yeni manya, wẹ hụzị a kpọgburusọnmẹ yeni manya: kẹ ndị nchụn-ẹjan kẹ ndị-amụma hụzị a hanfie ụkụ yeni manya; manya ara nịzị wẹ marịn ihiẹn wẹ rị e mẹ; wẹ hụ e ruehunmẹ — a hụnfie ọhụn, a hanfie eṅẹn.

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 23:21

Ezini m ndị-amụma hụ, e jẹnmẹ wẹ d'e zi ozi wẹ; agwanị m wẹ ihiẹn ọwụlẹ, bụ wẹ hụ e bu amụma.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 6:25

Apụkwọlẹ ni nị ụnụ jẹnkọ ugbo, aghakwọlẹni ụwaya — makẹni eṅẹnrẹn ahụn bịanị bukwọ ọpịa-agha; ihiẹn-egun fihunmẹ ẹnyi azụụn ile.

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Ẹkwan 1:20

Euu, Osolobuẹ, dodo lee nsọngbu m! Imẹ ẹhụ rị e nwụn m ọkụn, obi eruni m alị, makẹni e nupụgụọ m isi ọda-ọda. Ọpịa hụ e gbu ndị ọ rị e gbu ogbe; ọnwụn hụ e gbu mmụlọ.

Ẹkwan 2:19

Lihi ọtọ imẹ abalị n'ị kwan ẹkwan, ogẹn ndị nche abalị gi e bidọn nche; hupụha ihiẹn rị e sọngbu i obi nọkẹ mirin ihun Osolobuẹ; Kịshi ẹka elu, rịọ a, makẹ ndụn ụmụ ị, hụn rị a sọhịnị yeni ẹgụn isi ọgbara-ogbe ile.

Ẹkwan 4:9

Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Izikẹlụ 7:15

“Ọpịa-agha hụ ogbe e gbu, emu lẹ ẹgụn hụ mmụlọ e gbu. Onyẹ shi ugbo, ọpịa-agha e gbu ẹ; onyẹ nọdị imẹ obodo emu lẹ ẹgụn e gbu ẹ.

Emọsụ 4:6

“Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Ditrọnọmi 28:36

Osolobuẹ k'a chụ ụnụ lẹ eze ụnụ hụn ụnụ tumẹ shi alị ụnụ lẹ ndị nẹdi ụnụ marịnlẹni. Ụnụ k'a nọ ebẹhụ fe mmọn, mmọn ndị wẹ gi osisi lẹ ọmụma mẹmẹ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!