Jerimaya 14:16 - Ika

¹⁶ Ọpịa-agha lẹ ụnwụn k'e gbuzikwọ ndị ahụn wẹ rị e buni amụma tọ ọgbara-ogbe Jerusalẹm. Onwọnkọ onyẹ k'e lini wẹ lẹ inyẹnmẹ wẹ lẹ ụmụ wẹ ikẹnnyẹ lẹ ikpoho. M jẹnkọ d'e hu afụnfụn ahụn furuni wẹ kpu wẹ.

Jerimaya 14:16 Iomraidhean Croise

Itẹn 1:31

ụnụ jẹnkọ nwan d'e ri mkpụrụ hụn obibi ụnụ mịpụha, gi isi buru ihiẹn ụnụ romẹ, ẹfọ e jun ụnụ.

Azaya 51:20

Ụmụ ị ikẹnnyẹ a sọhịgụọ, fiẹnrinsọnmẹ ọgbara-ogbe ile, nọkẹ mgbadan ọnyan nwụndọn. A ragụọ wẹ ọnụma Osolobuẹ, rajun ẹfọ — ya lẹ ọjụgbọ Chuku i jụgbọ wẹ.

Azaya 9:16

Ndị-ndu wẹ rị e dufie wẹ, e dula wẹ iwi.

Jerimaya 16:4

Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Jerimaya 18:21

Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 20:6

“ ‘Yụ nwẹn wụ Pashuru, wẹ k'a kpụn yụ lẹ ndị ile rị iwe i shi Babilọnụ. I k'a nọ ebẹhụ nwụnhụn; ebẹhụ kẹ wẹ k'e litọ ị, kẹ yụ kẹ ndị-ọwụ ị ile ị rị a tụ ntụ n'o nwọnni ihiẹn jẹnkọ d'e mẹni.’ ”

Jerimaya 27:15

Osolobuẹ sị, ‘Ezikwọnị m wẹ. Wẹ rịkwọ e gi ẹfan m e bu amụma ntụ, Ụnụ gikwọ ihiẹn wẹ ku dọn, m jẹnkọ d'a chụpụ ụnụ, ụnụ a la iwi — kẹ ụnụ kẹ ndị-amụma ahụn rị e buni ụnụ amụma ndị ahụn.’ ”

Jerimaya 4:18

“Obibi i lẹ omumẹ i buhẹn'i ihiẹnni. Ọnwan wụ afụnfụn m ye i. Ọ hụ e lu i ilu; ọ fụrugụọ ị akpobi!”

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 7:33

Nnụnụ lẹ anụmanụ e rimẹ ozun ndị alịnị, onyẹ k'a chụnị wẹ arịk'a.

Jerimaya 8:1

“Osolobuẹ sị: O ru ogẹn hụ, wẹ k'e kpọnpụsọnmẹ ọkpụkpụ ndị-nze kị alị Juda lẹ ịhaịmẹ wẹ imẹ ili wẹ, lẹ ọkpụkpụ ndị nchụn-ẹjan lẹ ndị-amụma lẹ ọkpụkpụ ndị Jerusalẹm ile.

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Jerimaya 9:20

Ikpoho, gọn ni nwan ntịn oku Osolobuẹ; gọn ni ntịn oku-ọnụ a. Zin ni mmụ ụnụ ikpoho kẹ wẹ dọn e goo; kuzi ni ibe ụnụ ịkwan-ụya.

Jerimaya 9:22

Sị wẹ, “Osolobuẹ sị: ‘Ozun ịhịan jẹnkọ d'e jun ụzọ ile nọkẹ nsịn-efin rịsọnmẹ ogige; wẹ k'e jun alị kẹ ọka wẹ betọsọnmẹ alị hụn wẹ kelẹni kpọnkikomẹ.’ ”

Izikẹlụ 39:14

“ ‘Ifọn ẹsa hụ ghagụ, e tumẹ wẹ ndị k'a ghahunmẹmẹ alị, e li ndị họdụ alị, kẹni wẹ wepụ ọkpụkpụ wẹ rị e mẹ alị a rụ.

Emọsụ 7:17

Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Rẹvẹleshọnụ 16:1

Ya m nọ nụ kẹ olu hannị gha imẹ Ụlọ-nsọ elu-igwee ebẹhụ gwa ndị mmọn-ozi ẹsa hụ oku, sị wẹ, “D'e hu ni iwe-lẹ-ọnụma Osolobuẹ rị imẹ afẹrẹ ẹsanị ye elu-ụwa.”