Jerimaya 14:10 - Ika

¹⁰ Lee ihiẹn Osolobuẹ ku banyeni ndịnị: “Ịkpahuni a sụọ wẹ ọda-ọda; ụkụ ara nọ wẹ ụzọ ohu. Ufiri ẹ kẹ Osolobuẹ gilẹni a nabanhan wẹ; m jẹnkọ nwan d'a nyanhan eje-omumẹ wẹ, ye wẹ afụnfụn njọ wẹ.”

Jerimaya 14:10 Iomraidhean Croise

Ndị-nze Nke Ibuzọ 17:18

Okpoho hụ nọ sị Ẹlaịja, “Kịnị kẹ m mẹ i, odibo Osolobuẹ? Ị bịa d'a nyanhannị m njọ m, gbunarịn m nwa?”

Ẹbụ-ọma 119:101

M'a ra budẹ ụkụ che ụzọ rịlẹni mma, kẹni m hụn ụzọ e mẹ ihiẹn i ku.

Ẹbụ-ọma 95:10

Ize agbọ ahụn nọ ze m ọrọgbọ ahụa ọgụnnaị, m nọ sị, “Ndịnị e nwọnkẹ obi-ẹbụọ; w'e ke marịnkwọ kẹ m'e mẹ.”

Ọpụpụ 32:34

Jẹnmẹ nwan; duru wẹ shi ebẹhụ m ku; lee ẹ, mmọn-ozi m k'e burun'i ụzọ. K'osilẹrị, ogẹn ru m'e gi ye afụnfụn, m k'e yekwọ wẹ afụnfụn njọ wẹ.”

Jerimaya 2:36

K'ị rị e jẹnjẹnni e jẹnlụa, i buru onyẹni, y'e buru onyẹni? Ijiptu eyekọnị ụnụ ẹka nọkẹ kẹ Asiria dọnlẹni yeni ụnụ ẹka.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Izikẹlụ 29:16

Ijiptu awụkọzị ihiẹn ndị Izrẹlụ gi e dọn ẹnya, ihiẹn wẹ gi a nyanhanzịnị m njọ wẹ mẹ, ọgbasọn ahụn wẹ gbasọn wẹ ogẹn mbụ d'a chọ eyemẹka. Ogẹn ahụn kẹ w'e gi marịn nị m wụ Osolobuẹ Nwọn Ihiẹn Ile.’ ”

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Hosia 11:9

Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Hosia 7:13

“Nsọngbu rị e che wẹ makẹni a kpapụgụọ wẹ ebe m rị! Wẹ tikpọ wẹ! Makẹni e nupụgụọ wẹ isi okpuru m! M te chọ nị m gbapụha we kanị e buokingụọ wẹ m ọnụ.

Hosia 7:2

“Egini wẹ dọn ni m k'a nyanhan njọ wẹ ile. Njọ wẹ e fihunmẹgụọ wẹ nwan; a hụnchanrịngụọ m'a.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 9:9

E mẹrụchanrịngụọ wẹ enwẹn wẹ kẹ wẹ dọn mẹ imẹ Gibia ogẹn mbụ! Osolobuẹ k'a nyanhan njọ wẹ; o k'e yerịrị wẹ afụnfụn njọ wẹ.

Emọsụ 3:2

Imẹ alị ile rị elu ụwa ụnụ sụọ kẹ m họrị; m sikọ nwan d'e yerịrị ụnụ afụnfụn makẹ njọ ile ụnụ mẹ.”

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Hibru 8:12

Makẹni, m k'e mẹ omikẹn gbagharị wẹ njọ wẹ; anyanhankọzị m njọ ndị wẹ mẹ.’ ”

Samuẹlụ Nke Ibuzọ 15:2

Ọnwan wụ ihiẹn Osolobuẹ ihiẹn ile rị okpuru ẹ ku: ‘M jẹnkọ d'e ye ndị Amalẹki afụnfụn makẹ eje-ihiẹn wẹ mẹ ndị Izrẹlụ — ebe wẹ nọ maye ndị Izrẹlụ ụzọ kẹ ndị Izrẹlụ gha alị Ijiptu pụla.