Jerimaya 13:27 - Ika

²⁷ hụn k'ị dọn e fe m, e fezi mmọn, a tụsọn ihiẹn ile, e mẹ kẹ ịgbaraja nwọnlẹni ifẹnrẹn! A hụngụọ m arụ ị rị e mẹ elu ugu lẹ òke ichẹn-ichẹn. Nke i a jọka-o, Jerusalẹm! Elee mgbe y'a wụbehi onyẹ rụnị?”

Jerimaya 13:27 Iomraidhean Croise

Ẹbụ-ọma 94:4

Wẹ e kukarị enwẹn wẹ; ndị-njọ ile a nyan isi.

Ẹbụ-ọma 94:8

Ndị ẹwobi, rokpọ nị ihiẹnni; ndị-nzuzu, elee mgbe kẹ ụnụ k'e nwọnrin uche?

Itẹn 1:22

“Euu, ndị ẹwobi, ele mgbe kẹ ‘Onwọnni hụn m marịn’ k'a sụọbehi ụnụ? Elee ogẹn kẹ ịmụ ịhịan ẹmụ k'a sụọbehi ndị-nlelịa? Elee mgbe kẹ ịmarịn-ihiẹn k'e zebehi ndị-nzuzu ize?

Azaya 57:7

Y'a gbagụọ ịgbaraja elu ugu ile jẹn elu, ebahụn ị nọ a kwa ese.

Azaya 65:7

Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”

Jerimaya 11:15

Elee hụn Izrẹlụ m bu obi rịdẹ nwan imẹ ụlọ-nsọ m e mẹ hụnnị wẹ rị e mẹ eje-ihiẹnni ile? N'i gi anụ lẹ ịchụn ẹjan chụnpụ afụnfụn-njọ ị — bụ ị hụ e mẹ eje-ihiẹn y'e mẹ, a ghọghọ?”

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Izikẹlụ 16:23

“ ‘Osolobuẹ Nwọn Ihiẹn Ile sị, “O k'a jọ ị njọ! O k'a jọ ị njọ!!” Ị hụ e bi eje-obibi hụ ile i rị e bi,

Izikẹlụ 2:10

Ọ nọ shịapụnị m'a; wẹ deye ẹ ihiẹn ihun lẹ azụụn. Ihiẹn wẹ deye ẹ wụ ihiẹn-ẹkwan lẹ ụya lẹ nsọngbu.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 24:12

“ ‘Kanị e mẹ wẹ elu, mẹ alị, onwọnni hụn ghanị; nchara ekweni pụ, ọkụn asadẹni ẹka wepụ a.

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Izikẹlụ 24:6

“ ‘Lee nwan ihiẹn Osolobuẹ Nwọn Ihiẹn ile gi ẹ e ku: Nsọngbu lalanị alịnị e gbu ọchụn, iteni tụgụ ẹnwụnrụn, ẹnwụnrụn hụn jụ n'ọ pụkọ! Gụpụha ọkpụrụkpụ-anụ ndị hụ ohu-ohu, ahọkwọlẹ wẹ ahọ.

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Izikẹlụ 36:37

“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,

Izikẹlụ 6:13

Ụnụ k'a marịn nị mmẹ wụ Osolobuẹ ogẹn ozun ndị hụ e gi jun ebẹhụ mmọn wẹ lẹ ukpo-mmọn wẹ rịsọnmẹ, elu òke ile jẹn elu lẹ ugu ile, okpuru osisi ọwụlẹ duni lẹ ukun okẹn-osisi okuu ọwụlẹ ẹhụhụọ jun — ebe ile wẹ nọ a mụyeni mmọn wẹ nsẹnsi.

Hosia 1:2

Isi ibuzọ Osolobuẹ gi kumẹ oku ghahanị Hosia, ọ sị Hosia, “Jẹn d'a lụrụ ịgbaraja; o k'a gha ogbe mụhann'ị ụmụ. M k'e gi ẹ ghọsị nị ẹrịra kẹ ndị alịnị dọn wụrụ ịgbaraja ebe wẹ nọ latọ mmẹ wụ Osolobuẹ d'e femẹ mmọn.”

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Hosia 8:5

Ẹka m arị nwa-efin goru ndị hụ ụnụ kpụ, ụnụ ndị obodo Sameria! Olulu ndị Sameria rị e bu m! Nanị wẹ k'e biehan d'e dọnmẹmẹ ẹka wẹ ọchan?

Zẹfanaya 3:1

O k'a jọ ị njọ, onyẹ nnupụ-isi rụgụnị! Eje obodo mmẹgbu-mmẹgbu!

Matiu 11:21

Ọ sị, “Ndị Korazini, o sikọ d'a fụ ụnụ ọrụn! Ndị Bẹtisaịda, o sikọ d'a fụ ụnụ ọrụn! Makẹni, omẹni alị Taya-lẹ-Sidọnụ mẹgbu enwẹn wẹ njọ kẹ wẹ te nọ rụn ọrụn-atụmẹnya ile wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharị, yiri ẹkwa achọ, kpọn ntụn kpu enwẹn wẹ gi ghọsị nị e rogharịgụọ wẹ.

Ndị Kọrẹntị Nke Ẹbụọ 12:21

Egun rị a tụ m, nị, ikẹnkwọ Osolobuẹ m e welụa m alị imẹ igunrun ụnụ, m bịazị; ikẹnkwọ a kwanma m ẹkwan makẹ ndị bu ọda mẹ njọ mbụ hụn kelẹni rogharị ihiẹn ru unyin lẹ ughẹrẹ lẹ ihiẹn-ifẹnrẹn ile wẹ mẹsọnmẹ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Rẹvẹleshọnụ 8:13

M nọ lee ẹnya elu, hụn ugọn ohu k'o fekọ imẹ elu, yikọ, “Nsọngbu! Nsọngbu! Okẹn nsọngbu jẹnkọ d'a rịnị ndị ile bi elu-ụwa ogẹn ndị mmọn-ozi ẹtọ họdụnị e gi gbu opi ndị họdụnị!”