Jerimaya 13:24 - Ika

²⁴ M k'e feyịya ị nọkẹ ẹfịfịa-ọka ufere atụ bukọ.

Jerimaya 13:24 Iomraidhean Croise

Ẹbụ-ọma 1:4

Ndị eje-omumẹ anọkwọnị ẹrịra! Wẹ nọhụ kẹ ẹfịfịa ọka, hụn ufere e bupụ.

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Jerimaya 18:17

Kẹ okẹn ufere ọwụwa ẹnyanwụn dọn e bu ẹjan ẹrịra kẹ m'a dọn mẹ ndị iṅẹnrẹn wẹ chụzịza wẹ; azụụn m kẹ wẹ jẹnkọ d'a hụn ụhụọhịn okẹn-ihiẹn k'e mẹ wẹ, ẹlẹ ihun m.’ ”

Jerimaya 9:16

M jẹnkọ d'e feyịya wẹ ye alị ichẹn-ichẹn hụn o mẹ ni kẹ wẹ kẹ ndị nẹdi wẹ amarịn, e gi m ọpịa-agha ndị-iṅẹnrẹn wẹ chụ wẹ d'e ru n'a gụchanrịn wẹ.’ ”

Ẹkwan 1:15

Osolobuẹ a lagụọ ndị odogun-agha m tọ; o zigụọ ndị-agha d'a pịpịa ikorọbịa m ile. Osolobuẹ a zọpịpịagụọ Nwagbọọ wụ Juda kẹ w'e mẹ ebe wẹ nọ a zọ vaịnị.

Izikẹlụ 17:21

“ ‘Ọpịa-agha kẹ wẹ k'e gi gbuchanrịndẹ ndị odogun-agha a ile gbapụkọnị; wẹ k'e fe ndị ile hụn isi wanahịn ye azụụn ile, ogẹn hụ, ụnụ a marịn nị mmẹ wụ Osolobuẹ ku ẹ.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Izikẹlụ 5:2

Ị nọzugụ akpọhịn ole hụ y'e gi ghọsị okehunmẹ wẹ sikọ d'e kehunmẹ Jerusalẹm, y'e weri ụzọ ohu imẹ ntutu hụ ị kọpụha, dụn a ọkụn etintinnaị Jerusalẹm hụ i seye elu ụrụa. Y'e weri ụzọ ohu, gi ọpịa-agha beyịya wẹ imẹ obodo hụ; y'a bụọ ụzọ ohu họdụnị ye imẹ ufere, m jẹnkọ d'e sepụha ọpịa-agha chụ wẹ.

Izikẹlụ 6:8

“Kanị, o nwọnghọ ndị m k'e dọnmẹ ndụn. Ogẹn hụ, ndị ọpịa-agha k'e gbuhọdụ imẹ ụnụ k'a rị alị ndị ọzọ m k'e feyịya ụnụ ye.

Hosia 13:3

Ufiri ihiẹnni, wẹ k'e fopụ kẹ igirigi ụtụntụn igirigi ụtụntụn hụn ghalẹni e bie; wẹ k'a nọ kẹ ẹfịfịa-ọka hụn ufere rị e bupụ ebe wẹ nọ a kụkpọ ọka, nọkẹ ẹnwụnrụn rị a gha windo a lọpụ.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Zẹfanaya 2:2

Mẹ n'ẹ Osolobuẹ gini d'e mẹ ụnụ ihiẹn o ku; amamgbe ogẹn ụnụ e gi wanahịn a ghafe kẹ ẹfịfịa ufere bupụ; amamgbe olulu Osolobuẹ nọ kẹ ọkụn e kunrun ụnụ, amamgbe ogẹn ahụn Osolobuẹ e gi ghọsị eje-olulu ẹ e kunrun ụnụ!

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Ditrọnọmi 32:26

M te sị nị m k'e feyịya wẹ, kpọnchanpụ wẹ, ịhịan anyanhankọzị wẹ.

Ditrọnọmi 4:27

Osolobuẹ k'e feyịya ụnụ ye alị ndị ọzọ rị ichẹn-ichẹn; ndị k'a hụn isi pụha imẹ alị ndị ahụn Osolobuẹ k'a chụyesọnmẹ ụnụ ebukọ ọda.