Jerimaya 13:16 - Ika

¹⁶ Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 13:16 Iomraidhean Croise

Jobu 3:5

Ishi ka ishi ya werizi ụhụọhịn ahụn; igwere-ogi ya rukpumẹ ẹ; ishi ya gbakin ukpẹ ẹ.

Ẹbụ-ọma 107:10

O nwọnghọ ndị te rị imẹ ishi lẹ ụya, ndị rị imẹ afụnfụn lẹ ẹgan,

Ẹbụ-ọma 107:14

ọ wepụha wẹ imẹ ishi lẹ ụya ahụn wẹ rị, tibepụchanrịn ẹgan wẹ.

Ẹbụ-ọma 29:2

Ye ni Osolobuẹ ọghọ furu Ẹfan a; fe ni Osolobuẹ hụn rị nsọ pụ-ichẹn.

Ẹbụ-ọma 44:19

Y'e titugụọ ẹnyi, la ẹnyi tọ ebe eje-anụ wụ jakalụ jun; y'e gigụọ ẹkpa-ishi lẹ ụya kpumẹ ẹnyi.

Ọpụpụ 10:21

Osolobuẹ nọ sị Mozizi, “Tịnpụ ẹka zinmẹ igwere, kẹni ọkịkị gbakpuru alị Ijiptu, okẹn ishi hụn e mẹtụdẹ ịhịan.”

Itẹn 4:19

Ụzọ ndị njọ nọ kẹ ẹkpa-ishi; w'a ra marịn ihiẹn ụkụ wẹ kpọgburu.

Ẹkịliziastisi 11:8

Ahụa ole-lẹ-ole ịhịan k'a tọ, ya nwọn anwịnrịn imẹ wẹ ile. Ka ya nyanhankwọ nị ụhụọhịn ishi k'a gha a rịzịkwọ, a rị ọda-ọda. Ihiẹn ile lalanị wụchanrịn ihiẹn ọlaliwi.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Azaya 59:10

Ẹnyi e bisọnmẹ ẹka ẹhụ-ẹjan jẹnkọ lekẹ ẹnya-mpịn e bisọnmẹ ẹka nọkẹ ndị nwọnlẹni ẹnya; a kpọgburu ebe eki rị elu, lekẹ sị ọhịhị a gbamagụọ. Imẹ igunrun ndị ẹhụ rị ikẹn, ẹnyi nọhụ kẹ ozun ndụn rịlẹni.

Azaya 59:9

Ya haịn Osolobuẹ gilẹni a tụnị ẹnyi ụya; ya haịn ihiẹn te furu n'o ru ẹnyi ẹka gilẹni e ru ẹnyi ẹka. Ẹnyi hụ a chọ ukpẹ, kanị ishi kẹ ẹnyi rị nwan a hụn; ẹnyi hụ e lee ẹnya nị eki fọnni ẹnyi, kanị imẹ ẹkpa-ishi kẹ ẹnyi rịkwọ nwan a gha.

Azaya 60:2

Lee ẹ, ụwa ile a gbagụọ ishi; ẹkpa-ishi e kpumẹgụọ alị ndị ọzọ ile — kanị, Osolobuẹ a pụhaọlẹ imẹ i, Jerusalẹm, ọghọ a a pụhagụọ d'e kpuru ụnụ ndị Jerusalẹm.

Azaya 8:22

Wẹ lee ẹnya alị, a hụn wẹ nsọngbu lẹ ishi lẹ eje-ụya sụọ — a tụ wẹ wẹ ye imẹ ụya hụ.

Jerimaya 14:19

Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Jerimaya 23:12

Ufiri ẹ, ụzọ wẹ k'a rị e kpo; wẹ sikọ d'a chụ wẹ ye imẹ ishi, a dantọ wẹ ebẹhụ. M k'e mẹ wẹ okẹn-ihiẹn o ru ogẹn m'e gi ye wẹ afụnfụn. Mmẹ wụ Osolobuẹ e kugụọ a!

Jerimaya 4:23

E lee m ẹnya ụwa, onwọnni k'ọ nọ, ọ gbachanrịn okpokoro; E lee m ẹnya igwere, onwọnzini ukpẹ rịn'a.

Jerimaya 50:6

“Ndị nke m a wụrụgụọ atụnrụn tuhuni; ndị-ndu wẹ e duhuhugụọ wẹ, mẹ wẹ wahunmẹmẹ elu ugu rị ichẹn-ichẹn. Wẹ hụ a wahunmẹ elu ugu lẹ òke, zọ ebe wẹ nọ e zu ikẹn.

Jerimaya 6:21

Lee nwan ihiẹn Osolobuẹ ku: “M k'e butọnị ndịnị uke; kẹ ndị nẹdi kẹ ụmụ k'a kpọgburusọnmẹ; kẹ ndị idumu ịhịan kẹ ndị ọwụ a k'a la iwi.”

Jerimaya 8:15

Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi rị a hụn.

Ẹkwan 4:17

Ẹnya a rọ ẹnyi, ebe ẹnyi rị a tụ ẹnya ọlaliwi nị eyemẹka lala; ẹnyi hụ ụlọ-nche ẹnyi ichẹn-ichẹn a tụ ẹnya alị hụ hụn ẹnyi te ro ni wẹ k'a zụọpụha ẹnyi.

Izikẹlụ 21:15

Kẹni obi dẹnhin wẹ, kẹni ndị bu ọda kpọgburu. E bugụọ m ọpịa-agha ahụn k'e gbuni che ọnụ-mgbọn wẹ ile. Ẹghẹẹ! E sụọngụọ w'a, ọ hụ e be nwaịn-nwaịn kẹ amụma. E bugụọ w'a che ọbụọ nị wẹ gi ẹ gbu ịhịan.

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Izikẹlụ 36:15

Emẹkọzị m ụnụ a narịn mkpari ẹka alị ndị ọzọ, alị ndị ọzọ elegberikọzị ụnụ; ụnụ emẹkọzị ndị alị ụnụ dan. Ya kẹ Osolobuẹ nwọn ihiẹn Ile ku.”

Juwẹlụ 2:2

Ọhịhị k'a gba ụhụọhịn ahụn, eki e fọnpụkọ; okẹn mirin k'e ru, igwere e gitọ ụhụọhịn ahụn Igunrun ndị-agha bugbu enwẹn ẹ ọda k'a pụha elu ugu ndịnị, ụdị hụn rịtulẹni; ụdị hụn jẹnkọlẹni d'a rịzị.

Emọsụ 4:13

Lekwọ nị ẹnya, Onyẹ hụn mẹmẹ ugu ile, Onyẹ hụn ke ufere; Onyẹ hụn a gwa ịhịan uche ẹ; Onyẹ hụn e mẹ efinaị a gba ishi; Onyẹ hụn a zọ ebe ile jẹn elu elu-ụwa ụkụ; Osolobuẹ, Chuku ihiẹn ile rị okpuru ẹ ịya wụ ẹfan a!”

Emọsụ 5:18

Nsọngbu rị e che ụnụ ndị rị a sị ụhụọhịn Osolobuẹ ya bịakẹnrin! Kị ụnụ rịdẹ a chọnị n'ọ bịakẹnrin? Ọbịbịa a k'e wẹhẹkwọ ishi, ẹlẹkwọ ukpẹ!

Malakaị 2:2

ụnụ jụ nị ụnụ egọnkọ m ntịn, nị ụnụ egikọ oku iye ẹfan m ọghọ dọn, m k'a bụ ụnụ ọnụ; m k'e gi ịbụ-ọnụ nọkin ngọzi ụnụ — e mẹgụọdẹ m'a, makẹni ụnụ egini oku iye ẹfan m ọghọ dọn. Ya kẹ Osolobuẹ ihiẹn ile rị okpuru ẹ ku.

Jọnụ 12:35

Jesu nọ sị wẹ, “Ukpẹ jẹnkọ d'e sọnzi ụnụ nọdị ẹkẹrẹ sụọ. A ghahunmẹ ni nwan hụnnị ụnụ nwọn ukpẹ, amamgbe ọhịhị a gbakunrun ụnụ idẹnmuzi, makẹni onyẹ ghakọ imẹ ishi amarịn ebe o jẹnkọ.

Joshụa 7:19

Ya Joshụa nọ sị Ekanị, “Nwa m, ku ezioku gi ye Osolobuẹ wụ Chuku Izrẹlụ ọghọ. Gwa m nwan ihiẹn i mẹ; ezuemẹlẹni m'ẹ.”

Pita Ibuzọ 2:8

Ọ wụrụgụọzị “Ọmụma w'a kpọgburu; nkumẹ a han wẹ a dan.” Agbayeni wẹ oku hụ haịn wẹ gi kpọgburu kẹ wẹ dọn detọnị wẹ ya.

Samuẹlụ Nke Ibuzọ 6:5

Kpụ ni ihiẹn-ofifi ndị hụ lẹ oke ndị hụ rị e wiwi alị ụnụ, ụnụ e gi wẹ ye mmọn Izrẹlụ ọghọ. Ikẹnkwọ o sekin ẹka mẹbehi ụnụ lẹ mmọn ụnụ lẹ alị ụnụ ihiẹn ọ rị e mẹ ụnụ.