Jerimaya 13:13 - Ika

¹³ Y'a sị wẹ nị Osolobuẹ sị, ‘M jẹnkọ d'e mẹ ndị alịnị gụnma agụngụn ndị manya rị a tụ, marịnzịlẹni ihiẹn wẹ rị e mẹ, kẹ ndị-nze wẹ nọ ukpo Defidi a kị kẹ ndị nchụn-ẹjan kẹ ndị-amụma kẹ ịhịan ile bi obodo Jerusalẹm.

Jerimaya 13:13 Iomraidhean Croise

Ẹbụ-ọma 60:3

Y'e mẹgụọ ndị nke i hụnjun ẹnya; y'e yegụọ ẹnyi ọnụma ị ra kẹ manya, ọ hụ e mẹ ẹnyi a dan ẹgẹlẹgẹ.

Ẹbụ-ọma 75:8

Makẹni Osolobuẹ gi mkpu manya ẹka; manya zeni rị a gbọ ụfọfọ jun ẹ; o huyegụọnị wẹ ya ra; ndị-njọ ile rị ụwa k'a ra a, rachanpụ.

Azaya 29:9

Ya tụ ụnụ ẹnya, gbagbu ụnụ ngharị ẹnya; tikpọdẹ ni enwẹn ọnụ ẹnya, nị ọnụ leghabehi ụzọ; Nọ nị kẹ ndị manya — bụ manya arị a tụ ụnụ; hanfiemẹ ni ụkụ, bụ ụnụ aranị manya!

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 51:17

Tẹnhin! Tẹnhin ụran! Jerusalẹm, lihi ọtọ! Ịyụ hụn ragụ afụnfụn hụn Osolobuẹ zihẹ imẹ mkpu hụn o buche ọnụma a; y'a ragụọ a, rachanpụdẹ ẹrụrụ a, mkpu hụ hụn e mẹ ịhịan a hanfie ụkụ.

Azaya 51:21

Gọn nwan ntịn, ịyụ wẹ rị e mẹshi ikẹn, ịyụ hụn ra tụ bụ ẹlẹ manya k'ị ra.

Azaya 63:6

E gi m olulu zọkpọ ndị alị ichẹn-ichẹn, e gi m ọnụma mẹ wẹ ihiẹn, ọ tụma wẹ kẹ manya, e hu m ẹdeke wẹ ye alị.”

Jerimaya 13:12

Ya Osolobuẹ nọ sị m, “Sị wẹ nị Osolobuẹ hụn wụ Chuku Izrẹlụ, sị, ‘Manya kẹ wẹ gi a gbajun obele, (mbubọn-manya) ile.’ Wẹ sikọ d'a sị ị, ‘I ro ni ẹnyi amarịn nị w'e gi manya a gbajun mbubọn-manya?’

Jerimaya 25:27

Osolobuẹ sị m, “Sị wẹ nị Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Ra nị tụ, gbọma ẹgbọ, dangungwọn, yeni ọpịa-agha m zila imẹ igunrun ụnụ.’

Jerimaya 25:29

Lee ẹ nị e tikpọmagụọdẹ m obodo Jerusalẹm hụn rị a za ẹfan m, nanị ụnụ e dọn nwan la ọfẹ? Ụnụ alakọkwọ ọfẹ, makẹni m zilanị ndị ile bi elu-ụwa ọpịa-agha. Mmẹ wụ Osolobuẹ ihiẹn ile rị okpuru ẹ e kugụọ a.’

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Jerimaya 51:7

“Babilọnụ te wụ mkpu goru ẹka Osolobuẹ hụn wẹ mẹjun afụnfụn; Babilọnụ e mẹgụọ ụwa ile rarị afụnfụn hụ. Alị ile a rarịgụọ a, mẹmẹ kẹ ndị ẹra.

Habakọkụ 2:16

Ụya k'i k'a hụn hụnjun ẹfọ, ẹlẹ ọghọ; razị nwan ụya nke i tụ nị wẹ hụn ọtọ ị! Mkpu afụnfụn hụn rị ẹka Osolobuẹ k'e ru yụ nwẹn ẹka, e gi wẹ ifẹnrẹn nọkin ẹnya ọghọ ị ahụn.