Jerimaya 13:11 - Ika

¹¹ Makẹni m te we ikpụlọ Izrẹlụ ile lẹ ikpụlọ Juda ile che ẹhụ kẹ nwa-mpe dọn a rịchanrịn ịhịan ẹhụ, kẹni wẹ wụrụ ndị nke m, wụrụ ndị wẹ gi a nụ ẹfan m, wụrụ ndị wẹ gi a ja m mma lẹ ndị wẹ gi e ye m ọghọ. Kanị, egọnni wẹ m nwan ntịn.” Ya kẹ Osolobuẹ ku.

Jerimaya 13:11 Iomraidhean Croise

Ẹbụ-ọma 135:4

Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn.

Ẹbụ-ọma 147:20

Onwọnni alị ọzọ o mẹni ihiẹnni; amarịn wẹ uhi ẹ. Ja nị Osolobuẹ mma!

Ẹbụ-ọma 81:11

Kanị ndị nke m egọnni m ntịn; Izrẹlụ ekweyenini m.

Azaya 43:21

ndị nke m hụn m mẹmẹni enwẹn m — kẹni wẹ ku ọrụn ọma m rụn.

Azaya 62:12

Wẹ k'a kpọ wẹ “Ndị-nsọ, ndị Osolobuẹ gbapụha;” wẹ k'a kpọ yụ nwẹn wụ obodo Zayọnụ, “Obodo w'a chọ achọ, obodo wẹ Latọlẹni.”

Jerimaya 13:1

Lee ihiẹn Osolobuẹ gwa m: ọ sị m, “Jẹn d'e ṅọnrin nwa-mpe wẹ gi ẹkwa linẹ kwa, n'i jeri ẹ, ka anịkwọlẹ mirin mẹtụ a.”

Jerimaya 13:10

ndị-ejẹni jụ nị egikọ wẹ oku m dọn, ndịnị rị a gba isi-akwanran kẹ eje-obi wẹ dọn gwa wẹ, e sọn mmọn, e fe wẹ, a kụnị wẹ isi-alị, wẹ jẹnkọ d'a nọkẹ nwa-mpeni wiwini nwọnlẹni ihiẹn wẹ k'e gi ẹ mẹ!

Jerimaya 13:12

Ya Osolobuẹ nọ sị m, “Sị wẹ nị Osolobuẹ hụn wụ Chuku Izrẹlụ, sị, ‘Manya kẹ wẹ gi a gbajun obele, (mbubọn-manya) ile.’ Wẹ sikọ d'a sị ị, ‘I ro ni ẹnyi amarịn nị w'e gi manya a gbajun mbubọn-manya?’

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 32:20

Ịyụ rụnsọnmẹ okẹn ọrụn atụmẹnya imẹ alị Ijiptu, rụnsọnmẹ wẹ d'e ru tannị, kẹ imẹ alị Izrẹlụ kẹ elu ụwa ile — hụn ẹfan ị gikwọ nwan rị a kpọ d'e ru tannị.

Jerimaya 33:9

M k'e gi obodoni nwọnrinzi ẹfan, ịghọghọ, ịja-mma lẹ ọghọ ẹnya ndị alị ile rị elu ụwa — ndị ile hụn k'a nụ ihiẹn-ọma ile m k'e mẹni obodoni. Egun k'a tụ ndị alị ile rị elu ụwa wẹ hụn ihiẹn-ọma m k'e mẹni ndị alịnị.’ ”

Jerimaya 6:17

Mmẹ tumẹni ụnụ ndị nche — ndị amụma, sị ụnụ, ‘Wẹ gbu (opi) ọdụ, ụnụ e gọn ntịn!’ Kanị ụnụ sị, ‘Ẹnyi egọnkọ ntịn.’

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Jerimaya 7:23

kanị, ihiẹn m gwa wẹ wụ, ‘E mẹ ni ihiẹn m sị ụnụ e mẹ, nị m hụn ụzọ wụrụ Chuku ụnụ, ụnụ a wụrụ ndị nke m. E bini kẹ m sị ụnụ e bi kẹni ọ rịnị ụnụ mma.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Emọsụ 3:1

Ndị Izrẹlụ, nụ nị ihiẹn Osolobuẹ sị nị ịya kẹ ụnụ mẹ, “Ihiẹn alị Izrẹlụ ile m gha alị Ijiptu wepụha mẹ hụn rị e ze m ize:

Luku 10:11

‘Kẹ ẹjan obodo ụnụ rị ẹnyi ụkụ, ẹnyi rị e tichanpụ a a tọnị ụnụ n'ọ shịagbu ụnụ ẹri. Ka marịnkwọ nị nị Alị-eze Osolobuẹ a rịgụọ nsue!’

Ditrọnọmi 26:18

Osolobuẹ nkẹ e kugụọ a tannị nị ụnụ wụ ndị nke ẹ pụ-ichẹn, k'o dọn kwe nkwa, lẹni ọ chọ nị ụnụ mẹchanrịn ihiẹn ile ọ sị ụnụ mẹ.

Ditrọnọmi 26:19

O kugụọ a n'o k'e bu ụnụ che ọnọdị wẹ k'e gi ja ụnụ mma, a nụ otiti ụnụ, ọnọdị ụnụ a nọ nwọn ọghọ karị ndị ile o ke, lẹni ụnụ k'a wụ ndị-nsọ Osolobuẹ wụ Chuku ụnụ, k'o dọn kwe nkwa.

Ditrọnọmi 4:7

Elee alị wụ okẹn alị ẹnịna? Alị hụn mmọn wẹ a nọkunmẹ wẹ ụdị hụn Osolobuẹ wụ Chuku ẹnyi a nọkunmẹ ẹnyi ogẹn ọwụlẹ ẹnyi kpọ a?

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.